اشترك في نشرتنا البريدية ليصلك كل جديد

**AVOCADO** · 23-05-2014, 11:40 AM

اقتباس:

المشاركة الأصلية كتبت بواسطة يـوســـف 2020

وش دعوه حبيبي اكيد من خبره وتقدر تستدل على صحه كلامي من النقاط الي بقولها لك

الطير الازرق الي عندك مو صغير والدليل ان الخطوط الي في الجبهه تراجعت للخلف

تقدر تتاكد من العمر ايضا من عين الطير والحدقه ايش لونها اذا رماديه او بيضاء

معناتها لو الطير ذكر كان صار كيره ازرق الان ... وانا املك 4 اناث حاليا بعضهم تحتهم بيض وبعضهم

تحتهم فروخ كلهم كيرهم ابيض بزراق خفيف

ومن ناحية الذكر اتوقع والله اعلم عنده قلش (تغيير ريش )

الصوره في اول الموضوع كان حول وجهه في كم ريشه جديده

ادعمه بالفيتامينات وعليك بالصبر على الانتاج لان الذكر فيه قلش

والانثى غير جاهزه

جزاك الله خير على الرد والفائده
ودام ان الموضوع كذا
خلاص ما راح اشتري انثى
وراح اصبر وانتظر الين ينتهي الذكر من قلشه وايضا تجهز الانثى

وبالنسبه للفيتامينات , عندي صندوق كامل فيتامينات واملاح معدنيه وادويه خاصه لفتره قلش الطيور
راح ابدا معهم بالعلاجات
بس هل ممكن احد يعرف كم تقريبا باقي للأنثى وتكون جاهزه ؟
شهر شهرين ثلاثه ؟!!!

لان الذكر انا متأكد انه جاهز جداا بس يمكن القلش متعبه شويه
والقلش كله على بعضه ما راح ياخذ اكثر من شهر على حسب علمي
المصيبه بالانثى اذا توها صغيره كم يبيلها وتبلغ وتصير جاهزه
اذا شهر شهرين عادي نصبر وننتظر الى ان تجهز
اما لو يبيلها اربع شهور او خمسه
اروح اشتري انثى جاهزه وادخلها عليهم احسن واختصر الوقت

يـوســـف 2020 · 23-05-2014, 11:51 AM

عزيزي ss6ss9ss الانثى مو صغيره المفروض تجهز الان اذا كل الشروط موفرها

مو شرط يكون العمر هو السبب في عدم الجاهزيه على العموم انا مابي احبطك

بس في اجواز عندي موفرلهم كل شي وللحين ماشفت منهم جهوزيه او انتاج

بس الاجواز الي كذا يشكلون نسبة ضئيلة جدا ولكن في حال انك تمتلك عدد قليل

جوز او جوزين تزيد النسبه انا عندي حاليا 16 جوز وفقط جوزين الي معذبيني

ومن وجهة نظري ان العله فيني مو فيهم لان البادجي طائر خصوبته عاليه وفي

الظروف المناسبة ينتج بكل سلاسه عشان كذا اتوقع اني ما عرفت العله فقط ولو عرفتها بتنحل

شوف اذا انت غلطت في شي مثلا المكان والاناره درجه الحراره والغذاء النظافة

العوامل كثيره وانا اخوك وكل ما كثرت الازواج كل ما صار الوضع محفز اكثر للطيور للانتاج

انت قلتها بنفسك البادجي طائر اجتماعي اذا كثروا في الغرفه يحسون بالامان اكثر وبالتالي ينتجون

جوزين افضل من جوز وثلاثه افضل من اثنين وهكذا

**AVOCADO** · 23-05-2014, 12:03 PM

بالنسبه للمكان ما اعتقد فيه مشلكه
لانه فيه ازواج كناري منتجه بجنبه وراجنه على بيض
وموفر لهم كل شي خاص بالانتاج من اضائه شمس طبيعي وتهويه مناسبه واكل مناسب وهدوء حتى اني حطيت لهم علاج خاص بالخصوبه اشتريته غالي وجربته مع ازواج اخرى وانتجو
لكن الزوج هذا ما اعتقد عيبه مني
اعتقد ان المصيبه في واحد منهم
لم يجهز او فيه مشكله
عموما شاكر ومقدر لك اهتمامك
وراح انتظر
صبر جميل والله المستعان