|
هل ينفع اضع انثى بادجي مع ذكرين بنفس القفص
السلام عليكم
سؤال بسيط اتمنى من اهل الخبره والتجربه الرد عليه انا اشتريت زوج بادجي من قبل 3 شهور والبارحه اتضح لي ان الزوج طلعو كلهم ذكور وناوي اشتري انثى هل ينفع ادخل الانثى على الذكرين ويصبح القفص فيه ذكرين وانثى واحده ؟ ام سيكون هناك قتال بين الذكرين او الانثى وواحد من الذكور لان غايتي من الموضوع انتاج ولا اريد ان ابيع او اتخلى عن احد الذكور صراحه ولا استطيع ان اضع احد الذكور بقفص اخر السؤال مره اخرى هل استطيع ان اشتري انثى بالغه واضعها مع ذكرين بنفس القفص ؟ نعم أو لا مع العلم : الذكرين بنفس القفص من ثلاث شهور ويطعمو بعض ولا في بينهم اية مشاكل وواحد من ذكور البادجي جاهز ولون الكير لديه ازرق غامق اما الذكر الاخر لم يبلغ ولون الكير تبعه ازرق فاتح جدا ويبدو انه اصغر بالعمر ايضا الان مرتاحين مع بعض ولكن الخوف لو ادخلت عليهم انثى جديده ان تبدا معارك بينهم او مع الانثى |
رد: هل ينفع اضع انثى بادجي مع ذكرين بنفس القفص
كيف اتضح انهم ذكرين ..
ممكن تحط صورة لهم واضحه ..!! |
رد: هل ينفع اضع انثى بادجي مع ذكرين بنفس القفص
اقتباس:
مشكور على تجاوبك بالنسبه كيف عرفت انهم ذكرين انا ماعندي خبره كبيره بالبادجي واشتريتهم من محل قالي انهم زوج بالغ وجاهز للأنتاج ولهم الان 3 شهور ولا شفت منهم لا بيض ولا انتاج فشكيت بالموضوع انهم يمكن يكونو ذكرين لان عندي معلومه ان البادجي يعيشو في جماعات عادي واحيانا الذكور تطعم بعضها الي أكدلي معلومه انهم ذكرين جاني قبل يومين شخص خبير بالبادجي ويربي من سنين قالي ان الزوج الي عندي كلهم ذكور وقالي الي لونه اصفر على اخضر هذا ذكر بالغ جاهز للتزاوج واللي لونه ازرق مع ابيض هذا ذكر توه صغير وبالمستقبل راح يزرق لون الكير تبعه اكثر ويصير مثل الاصفر وهذه صور الجوز الي عندي http://im79.gulfup.com/07iPkW.jpg وهذا صوره ثانيه للذكر لوحده الي كنت افكره انثى جاهزه ,,,,, وطلع ذكر فرخ :64: http://im79.gulfup.com/BQNpK2.jpg |
رد: هل ينفع اضع انثى بادجي مع ذكرين بنفس القفص
بالعكس عزيزي هذي انثى غير جاهزه وليست ذكر وفرلهم الهدوء والمحفزات وشوية صبر وامورك بالسليم :)
|
رد: هل ينفع اضع انثى بادجي مع ذكرين بنفس القفص
اخوي في بعض طيور البادجي يتضربون مع بعض وبعضهم لا انت جرب حطها وبعد 3 ايام اذا متضاربو خلها واذا تضاربو الذكور اعزلهم
ملاحضه (الانثاء رح تتضارب اول اسبوع عشان هي جديده) |
رد: هل ينفع اضع انثى بادجي مع ذكرين بنفس القفص
اخوي salm التضارب ماله دخل .. ممكن يكون ذكرين متوالفين او انثتين متوالفين
البادجي طير اجتماعي وهذا شي طبيعي والتضارب ابدا ماله دخل بتحديد الجنس بعض الاناث الي ما جهزوا يكون في زراق خفيف في الكير |
رد: هل ينفع اضع انثى بادجي مع ذكرين بنفس القفص
اقتباس:
|
رد: هل ينفع اضع انثى بادجي مع ذكرين بنفس القفص
اقتباس:
مدري ليه جاني انطباع من كلامك انك تقصد الذكور ما يتضاربون والاناث هم الي يتضاربون عموما بالنسبة للسؤال هل ينفع تحط ذكرين وانثى في قفص واحد الجواب اذا كان الهدف الانتاج طبعاً ما ينفع الا كل زوج لوحده بقفص وبالتوفيق للجميع |
رد: هل ينفع اضع انثى بادجي مع ذكرين بنفس القفص
والله شغله
يعني طلعت انثى غير جاهزه وكم يبيلها عشان تجهز 3 شهور ثانيه ؟ أخاف انتظر 3 شهور ثانيه ويصير لون الكير ازرق ويطلع ذكر اتمنى يا يوسف تكون اجابتك من خبره مو توقع فقط وهذه صورة الذكر كامله انا الاحظ انه اصبح جسمه هزيل وفيه ضعف شويه مادري اذا كان هذا طبيعي او انه يعاني من مرض شوفو صورته http://im45.gulfup.com/15hqdE.jpg |
رد: هل ينفع اضع انثى بادجي مع ذكرين بنفس القفص
وش دعوه حبيبي اكيد من خبره وتقدر تستدل على صحه كلامي من النقاط الي بقولها لك
الطير الازرق الي عندك مو صغير والدليل ان الخطوط الي في الجبهه تراجعت للخلف تقدر تتاكد من العمر ايضا من عين الطير والحدقه ايش لونها اذا رماديه او بيضاء معناتها لو الطير ذكر كان صار كيره ازرق الان ... وانا املك 4 اناث حاليا بعضهم تحتهم بيض وبعضهم تحتهم فروخ كلهم كيرهم ابيض بزراق خفيف ومن ناحية الذكر اتوقع والله اعلم عنده قلش (تغيير ريش ) الصوره في اول الموضوع كان حول وجهه في كم ريشه جديده ادعمه بالفيتامينات وعليك بالصبر على الانتاج لان الذكر فيه قلش والانثى غير جاهزه |
| جميع الأوقات بتوقيت GMT +3. الساعة الآن 05:22 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو