طلب مساعده

[سكود]

هلا والله وغلا بو غايب ان شاء الله يرجع لك غايب

شف الطريقه التي اتبعتها بكل الببغاءات الي شريتها ولا الي يجيبها لي احد عشان اروضها هي كاالتالي


اول شي تخلي الببغاء بقفصه وتسير عليه كل يوم تقعد عند قفصه وتاكله وتصفر له ماعليك اذا جاعر

هذا شي طبيعي بالبداية اهم شي تخليه يحس انك صاحبه ناده باسمه مثلا اسمه يعقوب قله

حبيبي يعقوب شاطر يعقوب مر عنده كل يوم هذي المرحلة الاولى

المرحله الثانية اشتر لك دسوس ( قفازات ) الكبيرة وخذ الببغاء وادخل انت وهو غرفه لحالكم اهم شي مايكون معكم احد عشان ماينشغل عنك

حاول تمسح راسه (( القفازات عشان مايعورك اذا عظك )) وعادي اذا عظ القفازات عشان يحس ان العظ شي مايفيد ويبدا يتركه تدريجيا

طلعه على يدك وابدا مسح على راسه بالقفازات بالبداية بيجاعر استمر على كذا بيصير يجاعر لين يسكت واستمر كذا مع الكلام الحلو حبيبي يعقوب شاااطر حبيبي ممتاز ومن ذا الكلام وصفر له

كل ماسوا حركه اعجبتك عطه كلمه حلوه ولا عطه اكل عشان يحس انه مسوي شي زين

خلك انت وهو بالغرفه مثلا ساعه او نص ساعه واستمر على ذا الحاله اسبوعين كل يوم واضمن لك باذن الله انه بيصير عاقل

وعلمني وش يصير معك