|
طلب مساعده
السلام عليكم.. اخواني اول شي اشكركم على هالمنتدى الرائع:) و الحين بخبركم عن مشكلتي:( انا عندي بغبغاء الافريقي الرمادي جامبو و اهو ياكل من ايدي اذا كان جوعان و لاكن بعد الشيع يستمر بالصراخ اذا كنت واقف جنبه و حاولت بكذا طريقه و كل واحد يقول اتبع هالطريقه و انشالله مايصارخ (يجعر) و انا حاطه بالصاله و ساعات اطلعه من القفص ولاكن من غير فايده و لما احد يمر من عنده يخاف و يجعر و ناس قالولي غطه فترة اسبوعين و راح يصير اوكي و ناس قالت جوعه و ناس قالت ضربه!! قلت اقولكم مشكلتي وانشالله تفيدوني ياجماعة الخير:( |
رد: طلب مساعده
هلا والله وغلا بو غايب ان شاء الله يرجع لك غايب :D شف الطريقه التي اتبعتها بكل الببغاءات الي شريتها ولا الي يجيبها لي احد عشان اروضها هي كاالتالي اول شي تخلي الببغاء بقفصه وتسير عليه كل يوم تقعد عند قفصه وتاكله وتصفر له ماعليك اذا جاعر هذا شي طبيعي بالبداية اهم شي تخليه يحس انك صاحبه ناده باسمه مثلا اسمه يعقوب قله حبيبي يعقوب شاطر يعقوب مر عنده كل يوم هذي المرحلة الاولى المرحله الثانية اشتر لك دسوس ( قفازات ) الكبيرة وخذ الببغاء وادخل انت وهو غرفه لحالكم اهم شي مايكون معكم احد عشان ماينشغل عنك حاول تمسح راسه (( القفازات عشان مايعورك اذا عظك )) وعادي اذا عظ القفازات عشان يحس ان العظ شي مايفيد ويبدا يتركه تدريجيا طلعه على يدك وابدا مسح على راسه بالقفازات بالبداية بيجاعر استمر على كذا بيصير يجاعر لين يسكت واستمر كذا مع الكلام الحلو حبيبي يعقوب شاااطر حبيبي ممتاز ومن ذا الكلام وصفر له كل ماسوا حركه اعجبتك عطه كلمه حلوه ولا عطه اكل عشان يحس انه مسوي شي زين خلك انت وهو بالغرفه مثلا ساعه او نص ساعه واستمر على ذا الحاله اسبوعين كل يوم واضمن لك باذن الله انه بيصير عاقل :) وعلمني وش يصير معك |
رد: طلب مساعده
مشكور اخوي الغالي على النصايح وانشالله انا بسوي هالنصايح و اردلك خبر يالغالي:)
|
رد: طلب مساعده
التجويع مجرد خطوة ضمن سلسلة خطوات للتدريب لازم تطبقها بشكل معين .. يعني لا تجوع ببغاءك وتنتظر انه يتعدل لوحده ...
أما الضرب لا و أبدا ... و أستغرب من الناس اللي تعطي مثل هالنصايح !!! عموما الببغاء اذا لقي تجاوب معاه لما يجعر ... مثلا انك تعطيه اكل لمايجعر عشان تسكته أو انك تطلعه من القفص لما يجعر .... راح تترسخ في باله معادلة جعير = أكل+حرية !!! اذا كنت تطعمه بيدك وجعر ... مباشرة قول له "باي" مثلا و اتركه ... أو انك ترجعه للقفص لما يجعر وانت معاه ... يعني احرمه من الشي اللي حبه لما يسوي شي انت ما تحبه ... و مع الوقت والتكرار راح يفهم المطلوب بالضبط. |
رد: طلب مساعده
حبيبي ايك وتعذيب الحيوان فأنت محاسب عند الله قبل بلوغ مناك من الطير ، افضل طريقة سكود طريقة حلوة وبدون عنف اتبع الطريقة هذه راح تجيب نتيجة مضمونة ان شاء الله وتجنب الضرب والتجويع وتلقى خير شكراً سكود على الشرح الممتاز وشكراًNaja على الرد والتوضيح تحياتي للجميع |
رد: طلب مساعده
اشكركم اخواني و انا والله موناوي اضربه بس حبيت اقولكم النصايح اللي عطوني اياها هههه
|
رد: طلب مساعده
مرحبا
طريقة سكود فعالة وحاب اضيف ممكن تحط القفص بفرفة يتواجد فيها اهل البيت بكثرة عشان يتعود عالناس ويستانس فيهم وهيك ببطل جعار بالتوفيق........................................................... |
رد: طلب مساعده
كويس انه ياكل من يدك
هذا تقدم بس أنا رأيي عكس رأيي اخوي السابق بالعكس في البداية خله في مكان هادئ مو ازعاج يعني مايقعد فيه ناس كثير لين مايتعود على المكان وعلى المربي. والأخوة ماقصروا في نصائحهم |
رد: طلب مساعده
اشكركم اخواني و ماقصرتو والله:)
والحمدلله الحين ماقام يجعر بس الخوف للحين واجد يخاف و اذا قربت عنده يبدا يرجف و انشالله مع الايام يتعدل:) |
| جميع الأوقات بتوقيت GMT +3. الساعة الآن 05:47 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو