ابي اشتري ببغاء ابي مساعده الخبراء

[xX7oSaMXx]

اخوي اول شي ياليت تحدد ميولك لأي ببغا اذا ماعندك ميول ياليت تروح لليوتيوب وتدور وتشوف او في المنتدى


الطير الي يعجبك يمكن تشتري دره مثلن ويعجبك الافريقي وتتحسف


وقبل لا تشتري اي طير اقر عنه وخل عندك خلفيه ورح لسوق او المحل الي بتشتري منه مرتين الى ثلاث على

شان تتأكد من صحت الطير ( يفضل )

واذا انت تبي ببغا يتكلم عندك الغيني خذلك فرخ وولفه انت لأنه اذا صار فرخ راح يكون سهل تدريبه

ولا تقول للي يبيعك ابي غيني فرخ يمكن يلعب عليك

بحطلك صوره تعلمك عمر الطير الافريقي او الغيني كلها نفس الشي






شف اول صوره على اليسار هذا فرخ صغير مره وهذا مهدد بالمرض في اي وقت لانه صغير ومناعته ضعييفه


الصوره الثانيه هذا حلو ولسا فرخ تقدر تروضه في يوم يمكن او يومين والصوره الثالثه بعد اذا شفت طير غيني

وعينه مثل كذا خذه لكن اذا هي بيضا انصحك ماتاخذه لأنه بيكون عمره سنه تقريبا وتقدر تروضه لكنه بيتعبك شوي


الفرخ سهل في الترويض والتدريب


وهذي صوره للغيني





واذا تبي تتأكد ان صحته كويسه شف خشم الطير اذا هو مسدود فيه مرض او فيه سائل اتركه


وشف البراز الله يكرمك اذا هو اخضر وفيه بياض خفيف وغير سائل فهذا هو البراز الطبيعي

واذا شفته سائل والطير نافش رايشه ومايتحرك هذا برضو فيه مرض


واذا شفت الطير يتحرك ومانفش ريشه وخشمه مفتوح مع الجهتين ولا فيه سهال ولا شي

فهذا صحته عال العال ان شاء الله ولا تستعجل في اختيارك الصبر زين

والله يوفقك بالطير الي تبيه وتميل له


ونصيحتي لك تاخذ الغيني على حسب ميزانيتك طبعا ولو تزودها شوي وتشتري كاسكو افضل


والكاسكو والغيني كلهم يتكلمون بس الكاسكو افضل وهذي صوره له





والفرق بين الكاسكو والغيني في الشكل المنقار ولون الذيل والكاسكو احلى شكل


سلام