|
ابي اشتري ببغاء ابي مساعده الخبراء
السلام عليكم ورحمة الله وبركاته
أخواني أعضاء المنتدى الرائع بصراحه ابي فزعتكم انا توني طايح في الطيور وحاب اشتري طير بس مادري وش تنصحوني فيه لاني بصراحه ماعندي خبره فيها بس عندي شروط طرار ويتشرط خخخ المهم يكون اليف وشكله حلووو وسعره رخيص يعني من 500 الى 1000 بالكثير لايتعدى تخبرون توني جديد في هاالمور وخايف يصير فيه شي واتحسف ;) اتمنى اهتمامكم توني اعرف فيه منتدى للطيور ولله انكم رهيبين |
رد: ابي اشتري ببغاء ابي مساعده الخبراء
شف احسن شي خذلك فرخ ببغاء غيني
|
رد: ابي اشتري ببغاء ابي مساعده الخبراء
ببغاء سنغالي كبير من 350 الى 500
|
رد: ابي اشتري ببغاء ابي مساعده الخبراء
هذاالمنتدى الشامخ يحفل بفطاحلة الخبرة وتربية الطيور ولن يقصروا في التوجيه تقبل مروري
|
رد: ابي اشتري ببغاء ابي مساعده الخبراء
اخوي اول شي ياليت تحدد ميولك لأي ببغا اذا ماعندك ميول ياليت تروح لليوتيوب وتدور وتشوف او في المنتدى
الطير الي يعجبك يمكن تشتري دره مثلن ويعجبك الافريقي وتتحسف وقبل لا تشتري اي طير اقر عنه وخل عندك خلفيه ورح لسوق او المحل الي بتشتري منه مرتين الى ثلاث على شان تتأكد من صحت الطير ( يفضل ) واذا انت تبي ببغا يتكلم عندك الغيني خذلك فرخ وولفه انت لأنه اذا صار فرخ راح يكون سهل تدريبه ولا تقول للي يبيعك ابي غيني فرخ يمكن يلعب عليك بحطلك صوره تعلمك عمر الطير الافريقي او الغيني كلها نفس الشي http://www.2zoo.org/get-1-2010-2zoo_org_u8irqtdz.jpg شف اول صوره على اليسار هذا فرخ صغير مره وهذا مهدد بالمرض في اي وقت لانه صغير ومناعته ضعييفه الصوره الثانيه هذا حلو ولسا فرخ تقدر تروضه في يوم يمكن او يومين والصوره الثالثه بعد اذا شفت طير غيني وعينه مثل كذا خذه لكن اذا هي بيضا انصحك ماتاخذه لأنه بيكون عمره سنه تقريبا وتقدر تروضه لكنه بيتعبك شوي الفرخ سهل في الترويض والتدريب وهذي صوره للغيني http://www.2zoo.org/get-1-2010-2zoo_org_iju0h30s.bmp واذا تبي تتأكد ان صحته كويسه شف خشم الطير اذا هو مسدود فيه مرض او فيه سائل اتركه وشف البراز الله يكرمك اذا هو اخضر وفيه بياض خفيف وغير سائل فهذا هو البراز الطبيعي واذا شفته سائل والطير نافش رايشه ومايتحرك هذا برضو فيه مرض واذا شفت الطير يتحرك ومانفش ريشه وخشمه مفتوح مع الجهتين ولا فيه سهال ولا شي فهذا صحته عال العال ان شاء الله ولا تستعجل في اختيارك الصبر زين :) والله يوفقك بالطير الي تبيه وتميل له ونصيحتي لك تاخذ الغيني على حسب ميزانيتك طبعا ولو تزودها شوي وتشتري كاسكو افضل والكاسكو والغيني كلهم يتكلمون بس الكاسكو افضل وهذي صوره له http://www.2zoo.org/get-1-2010-2zoo_org_i3fsvxq9.bmp والفرق بين الكاسكو والغيني في الشكل المنقار ولون الذيل والكاسكو احلى شكل سلام |
رد: ابي اشتري ببغاء ابي مساعده الخبراء
ما قصرو الاخوان لاكن حسب ميزانيتك عندك خيارين يالدرة يالغيني .
الغيني حلو خذ لك فرخ مولف وجاهز يمكن تلقاه 600 الى 800 . او انك تاخذ وحش فرخ يمكن تلقاه 350 الى 550 . |
رد: ابي اشتري ببغاء ابي مساعده الخبراء
شوف هالرابط راح يساعدك على تحديد شخصية الطير اللي يعجبك .
http://www.2zoo.com/vb/showthread.php?t=134561 وبالنسبة لأسعارها أنت حدد اللي تبيه وعلى حسب وضع البيت عندك وماراح نقصر معك إن شاء الله . http://www.2zoo.org/get-1-2010-2zoo_org_kzfkfrha.gif |
| جميع الأوقات بتوقيت GMT +3. الساعة الآن 02:38 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو