ابي اخذ قطو عمره شهر ونص وابي رايكم

[OnAsEs]

اخواني ابي اخذ قطو عمره شهر ونص و المشكله اخاف انه صغير حيل على اني اربيه بدون امه فيريت تعلموني ممكن اربيه ولالا وشنو يكون اكله وعادي اسبحه ولالا وانا عندي دوام من 7 لي 12 فهل لو خليته بهالفتره وحيد وطبعا معاه اكل وماي راح يموت او يصير فيه شي ولا عادي مع العلم محد راح يكون وياه الفتره الصباحيه لان الكل دوام والخدامه فيها حساسيه مادري تجذب ولا صج فقالت الوالده محد مسؤول عنها غيرك فرايكم بسرعه يريت

[برتني]

انا من رأيي أنك ما تاخذينها الا بعمر شهرين او3شهور بالكثير وزي ما أنت عارفه حرام تفطمينه عن امه بعمر صغير ....
سلااااااااااااااااام...

[قطقوطه]

انا براي لا تاخذينه الا بعمر شهرين لما يصير عمره شهرين ويتطعم الرباعيه وبعدها باسبوعين خذيه كذا تربينه وانتي متطمنه

[OnAsEs]

كح كح احم احم يابنات تراني صبي اوناسيس اسم رجال علامكم فشلتوني انزين يعني شراح يصير لو خذيته وهو بهالعمر

[صاحبة وفا]

ماراح يصير فيه شي الا انه بتتعب معاه لان معدته ماراح تتحمل بعض الاكل وراح يصيده اسهال او عسر الهضم

وماراح يموت دام الاكل والماي او الحليب متوفر ولو تاخذ قطوتين يكون احسن عشان يلعبون مع بعض

[OnAsEs]

مشكوره اختي صاحبة وفا بس قطوتين صعبه بس ليش يعني لو تمت بروحها يصير فيها شي

[قطقوطه]

ما راح يصير لها شي انشاء الله
بس توها مناعتها قليله واي مرض بسرعه بتنصاب فيه وممكن ما تقدر تعالجها وتموت لا سمح الله
علشان كذا انا اقول خذها بعد ما تتطعم بعمر شهرين

[قطو_Q8te]

هلا حبيب قلبي اوناسيس.. شلونك
انا برايي تاخذها ولاتخاف .. شهر ونص كافي انها تتربا عندك ..
اهم شي اتوفر لها الماي و عيش مسلوق و صحن سيريلاك .. وجبن سلايس وانت وحظك اذا اتحب بفك .. خصوصا" بفك السفنيه

[صاحبة وفا]

ماراح يصير فيه شي بس عشان يتونس ويلعب مع القطو .. والقط بهذا العمر يكون بعده يرضع .. يعني صح ياكل لكن بعده يرضع .. واذا بتاخذه وفر له الحليب بس لاتكثر له لان الحليب يسوي اسهال
اذا كثرت منه وعطه جبن لان القطو يحب الجبن واذا بغيته يحبك وايد لاعبه وأكله بيدك ومسحه وحطه
بحظنك يوم تمسحه عشان يتعود ينام بحظنك .. ومن ناحية أكل القطو لاتعطيه اكل ثقيل على بطنه
عشان مايسوي امساك او مغص او ا سهال ... ويوم بتسبحه سبحه بماي دااااافي ونشفه في الحمام عشان مايمرض ويوم بتجيبه البيت لاتخليه يقعد بمكان بارد عشان مايزكم وماتصيدة حمى

في شامبو ممتاز ريحته وايد حلوه احسن من شامبو كنت استعمله قبل

فايدة ان ريحته حلوة وفيه دوا يحمي من الفطريات

اسم الشامبو Dermocil

ولاتنسى تطعيم القط عند البيطري

ويكون نتيجة التطعيم ارتفاع الحرارة شوية وفقدان الشهية والكسل لكن لاتخاف ولاتسبحه بعد التطعيم انتظر 4 أيام

[CaTTy]

انا اقترح عليك انك ما تاخذه خصوصا اذا كنت انت تداوم

واذا كانت هذي اول مره تربي قطوو

لانه بعمر الـ شهر ونص والله مسئووليه حيل

اولا مثل ماسبق وذكروا الاخوان انه معدته تكون حساسه ..

واذا صدف وصار معاه اسهال وترجيع .. ووصخ نفسه مايصير تسبحه بهالعمر لانه توه صغير ..

وثانيا انت بتكون بالدوام وعلى ماترحع بتنام .. يعني بيظل بروحه فتره ..

والقطو اول ماتشتريه يفضل انك تكون باجازه عشان يتاقلم معاك اكثر وتعطيه من وقتك وياخذ عليك بسرعه ويتعلق فيك بعد ..

وهذا مجرد راي من تجربه شخصيه .. لاني تووبه اشتري قطوه صغيره افف تعب حيل شغل نفس الياهل الصغير

احلى شي من شهرين ونص الى اربع شهور