منتديات تو زوو
الصفحة 1 من 2 1 2
عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   ابي اخذ قطو عمره شهر ونص وابي رايكم (http://www.2zoo.com/vb/showthread.php?t=11896)

OnAsEs 15-09-2006 05:21 PM
ابي اخذ قطو عمره شهر ونص وابي رايكم
 
اخواني ابي اخذ قطو عمره شهر ونص و المشكله اخاف انه صغير حيل على اني اربيه بدون امه فيريت تعلموني ممكن اربيه ولالا وشنو يكون اكله وعادي اسبحه ولالا وانا عندي دوام من 7 لي 12 فهل لو خليته بهالفتره وحيد وطبعا معاه اكل وماي راح يموت او يصير فيه شي ولا عادي مع العلم محد راح يكون وياه الفتره الصباحيه لان الكل دوام والخدامه فيها حساسيه مادري تجذب ولا صج فقالت الوالده محد مسؤول عنها غيرك فرايكم بسرعه يريت

برتني 15-09-2006 05:55 PM
رد: ابي اخذ قطو عمره شهر ونص وابي رايكم
 
انا من رأيي:rolleyes: أنك ما تاخذينها الا بعمر شهرين او3شهور بالكثير:eek: وزي ما أنت عارفه حرام :( تفطمينه عن امه بعمر صغير ....:o
سلااااااااااااااااام...:) :D ;)

قطقوطه 15-09-2006 06:33 PM
رد: ابي اخذ قطو عمره شهر ونص وابي رايكم
 
انا براي لا تاخذينه الا بعمر شهرين لما يصير عمره شهرين ويتطعم الرباعيه وبعدها باسبوعين خذيه كذا تربينه وانتي متطمنه

OnAsEs 15-09-2006 07:42 PM
رد: ابي اخذ قطو عمره شهر ونص وابي رايكم
 
كح كح احم احم يابنات تراني صبي اوناسيس اسم رجال علامكم فشلتوني انزين يعني شراح يصير لو خذيته وهو بهالعمر

صاحبة وفا 15-09-2006 07:51 PM
رد: ابي اخذ قطو عمره شهر ونص وابي رايكم
 
ماراح يصير فيه شي الا انه بتتعب معاه لان معدته ماراح تتحمل بعض الاكل وراح يصيده اسهال او عسر الهضم

وماراح يموت دام الاكل والماي او الحليب متوفر ولو تاخذ قطوتين يكون احسن عشان يلعبون مع بعض

OnAsEs 15-09-2006 11:41 PM
رد: ابي اخذ قطو عمره شهر ونص وابي رايكم
 
مشكوره اختي صاحبة وفا بس قطوتين صعبه بس ليش يعني لو تمت بروحها يصير فيها شي

قطقوطه 16-09-2006 02:12 PM
رد: ابي اخذ قطو عمره شهر ونص وابي رايكم
 
ما راح يصير لها شي انشاء الله
بس توها مناعتها قليله واي مرض بسرعه بتنصاب فيه وممكن ما تقدر تعالجها وتموت لا سمح الله
علشان كذا انا اقول خذها بعد ما تتطعم بعمر شهرين

قطو_Q8te 16-09-2006 07:03 PM
رد: ابي اخذ قطو عمره شهر ونص وابي رايكم
 
هلا حبيب قلبي اوناسيس.. شلونك
انا برايي تاخذها ولاتخاف .. شهر ونص كافي انها تتربا عندك ..
اهم شي اتوفر لها الماي و عيش مسلوق و صحن سيريلاك .. وجبن سلايس وانت وحظك اذا اتحب بفك .. خصوصا" بفك السفنيه

صاحبة وفا 16-09-2006 09:08 PM
رد: ابي اخذ قطو عمره شهر ونص وابي رايكم
 
ماراح يصير فيه شي بس عشان يتونس ويلعب مع القطو .. والقط بهذا العمر يكون بعده يرضع .. يعني صح ياكل لكن بعده يرضع .. واذا بتاخذه وفر له الحليب بس لاتكثر له لان الحليب يسوي اسهال
اذا كثرت منه وعطه جبن لان القطو يحب الجبن واذا بغيته يحبك وايد لاعبه وأكله بيدك ومسحه وحطه
بحظنك يوم تمسحه عشان يتعود ينام بحظنك .. ومن ناحية أكل القطو لاتعطيه اكل ثقيل على بطنه
عشان مايسوي امساك او مغص او ا سهال ... ويوم بتسبحه سبحه بماي دااااافي ونشفه في الحمام عشان مايمرض ويوم بتجيبه البيت لاتخليه يقعد بمكان بارد عشان مايزكم وماتصيدة حمى

في شامبو ممتاز ريحته وايد حلوه احسن من شامبو كنت استعمله قبل

فايدة ان ريحته حلوة وفيه دوا يحمي من الفطريات

اسم الشامبو Dermocil

ولاتنسى تطعيم القط عند البيطري

ويكون نتيجة التطعيم ارتفاع الحرارة شوية وفقدان الشهية والكسل لكن لاتخاف ولاتسبحه بعد التطعيم انتظر 4 أيام

CaTTy 17-09-2006 02:40 AM
رد: ابي اخذ قطو عمره شهر ونص وابي رايكم
 
انا اقترح عليك انك ما تاخذه خصوصا اذا كنت انت تداوم

واذا كانت هذي اول مره تربي قطوو

لانه بعمر الـ شهر ونص والله مسئووليه حيل

اولا مثل ماسبق وذكروا الاخوان انه معدته تكون حساسه ..

واذا صدف وصار معاه اسهال وترجيع .. ووصخ نفسه مايصير تسبحه بهالعمر لانه توه صغير ..

وثانيا انت بتكون بالدوام وعلى ماترحع بتنام .. يعني بيظل بروحه فتره ..

والقطو اول ماتشتريه يفضل انك تكون باجازه عشان يتاقلم معاك اكثر وتعطيه من وقتك وياخذ عليك بسرعه ويتعلق فيك بعد ..

وهذا مجرد راي من تجربه شخصيه .. لاني تووبه اشتري قطوه صغيره افف تعب حيل شغل نفس الياهل الصغير

احلى شي من شهرين ونص الى اربع شهور


جميع الأوقات بتوقيت GMT +3. الساعة الآن 02:49 AM.
الصفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو