مشكله ( العـــض) .. وصلت حدها .. تكفون ابغى حل ..!!

[ابو محمــد]

صبحكم / مساكم .. الله بالخير جميعاً

يا جماعه والله المشكله الي عندي واعتبرها اكبر مشكله وما عاد فيني اتحمل اكثر من كذا عض

عندي الامازون بلو فرنتد متعبني بالعض جربت طرق كثيره منها بالمنتدى ومنها خارجه ما نفعت معاه اقرب منه عادي ما يسوي شي ولا يخاف << بدا يحس ان الطير تغلب عليه

متى الطير يعض ...
1- لما احط اصباعي عند منقاره يعض
2- لما احاول المس جسمه ولا راسه

المشكله كم مره اعطيه اصبعي اخليه يعض وما اتكلم والدم يصب لكن قطع ايدي تقول ايدي مشوهه

رحت محل قالي ادربه لك جيبه رحت عنده قالي ما اقدر ادربه لك لاني مشغول هالفتره بس وراني طريقه جا اخذ منشفه بسرعه ودخل يده عند الطير بالقفص ومسكه ولف المنشفه عليه وطلع راس الطير وقام يحك راسه قالي اقعد فتره على ذا الحال وراح يصير اليف سويتها معاه صار لما افكه من المنشفه يتوحش وخايف وانا ما ابي اخوفه ابغى يوقف عض ..... لانه اخاف يجي يوم واعضه انا عضه اوريه ان العض قد ايش يعور << قفلت معاه

يا ليت تعطونا حلول للعض لانه الصراحه تعبت من الطير والله وابي حل جذري

وما شاء الله الحين الطير بدا يقول : شاطر - محمد - ويضحك ضحكه حلوه ...بس كله مو واضح مره وهو ما كمل شهر عندي

اخوي medozoom اذا انت هاوي الطيور لا تقول تعبت اوكيه,,,

اسمع مني وجرب الحركه هذي في الصباح قبل ما تغير له الاكل والماي شيل القفص وحطه في

غرفه ما فيها اي شيء يلفت انتباهه الا انت وحط الستاره ع النافذه طيب,,

طلع برى القفص وخلك معاه طبعا راح يبتعد كل ما قربت منه ما عليك خلك وراه ولاتيأس ,,,

طبعا اكيد راح يطير من القفص وينزل على الارض وهذا مربط الفرس,,

تبدأ مع الجد أول شيء طلع القفص برى الغرفه لا يشوفه حلو,,,

الحين راح يحتد عليك ابدأ عطه الفول السوداني او الحب وانت تعطيه راح يقرب يبي ياكل عطه

باليسار وقرب ساعد يدك اليمين وسكر يدك المين مثل البوكس عشان ما يقدر يعضك ولا تخااااف

خلك صامل راح يطلع غصب عليه اول ما يطلع ارفع يدك فوق راسك طبعا وانت رافعه امسك

رجله على خفيف عشان ما يطير بعد كذا اجتزت 50 % من التدريب ,,

من وجه نظري ان الطير لما يطلع ع يدك الباقي بسيط راح يترك العظ اول وبعدين مع الوقت تقدر

تحك راسه وتبوسه بعد,,,

على فكره من طير الى طير يختلف ممكن تأخذ معك ساعتين ,4,يوم,اسبوع انت وشطارتك لكن

اذا حسيت ما تجاوب معك لا ترهقه ,,,

وبعدين الطير كمل شهر وهذا الوقت المناسب انك تدربه.

ملاحظه :

تحسب لأي جرح خذ من الصيدليه شطرطون القوي حق الجروح ولزق ع اصابعك ترى عض

الامازوني يذبح اسأل المجرب ولا تسأل طبيب.

ورد علي اوكييه.