|
مشكله ( العـــض) .. وصلت حدها .. تكفون ابغى حل ..!!
صبحكم / مساكم .. الله بالخير جميعاً
يا جماعه والله المشكله الي عندي واعتبرها اكبر مشكله وما عاد فيني اتحمل اكثر من كذا عض عندي الامازون بلو فرنتد متعبني بالعض جربت طرق كثيره منها بالمنتدى ومنها خارجه ما نفعت معاه اقرب منه عادي ما يسوي شي ولا يخاف << بدا يحس ان الطير تغلب عليه متى الطير يعض ... 1- لما احط اصباعي عند منقاره يعض 2- لما احاول المس جسمه ولا راسه المشكله كم مره اعطيه اصبعي اخليه يعض وما اتكلم والدم يصب لكن قطع ايدي تقول ايدي مشوهه رحت محل قالي ادربه لك جيبه رحت عنده قالي ما اقدر ادربه لك لاني مشغول هالفتره بس وراني طريقه جا اخذ منشفه بسرعه ودخل يده عند الطير بالقفص ومسكه ولف المنشفه عليه وطلع راس الطير وقام يحك راسه قالي اقعد فتره على ذا الحال وراح يصير اليف سويتها معاه صار لما افكه من المنشفه يتوحش وخايف وانا ما ابي اخوفه ابغى يوقف عض ..... لانه اخاف يجي يوم واعضه انا عضه اوريه ان العض قد ايش يعور << قفلت معاه يا ليت تعطونا حلول للعض لانه الصراحه تعبت من الطير والله وابي حل جذري وما شاء الله الحين الطير بدا يقول : شاطر - محمد - ويضحك ضحكه حلوه ...بس كله مو واضح مره وهو ما كمل شهر عندي صور للي يبغى صور http://www.2zoo.org/get-7-2009-2zoo_org_ctp7suvk.jpg http://www.2zoo.org/get-7-2009-2zoo_org_hvo9h0ni.jpg http://www.2zoo.org/get-7-2009-2zoo_org_ivas7yn8.jpg http://www.2zoo.org/get-7-2009-2zoo_org_w674tr9l.jpg |
رد: مشكله ( العـــض) .. وصلت حدها .. تكفون ابغى حل ..!!
ماشاء الله تبارك الله
الطير باني عليه صحته ممتازة .. وهذا أهم شيء .. أما بالنسبة للعض فهذا شيء غريزي من رب العالمين وهي وسيلة دفاعه .. فممكن الشخص اللي شريت منه الببغاء كان ما يهتم فيه أو كان عنده أطفال يخوفونه .. ومشكلة الطيور المتكلمة ( الافريقي - الامازوني - المكاو ) إنهم طيور تحفظ الشيء الزين والشين في نفس الوقت . بس أنت كل اللي يبغالك الصبر ثم الصبر .. أنا عارف إنك بتقول إنك مليت .. بس ما لك إلا الصبر .. وبعدين حاول تجوع الطير شوي يعني تشيل الاكل من عنده لمدة ( 4 - 6 ساعات ) .. طبعاً الماء خله عنده لأنه مهم جداً ... وعطه بيدك وراح يرضخ لك وتصير أنت تفرض شخصيتك عليه .. وراح يتعود للطلوع على اليد وحبه حبه .. راح يلين رأسه . ومن حسن حظك ما شاء الله تبارك الله إن الطير يتكلم فهذا شيء جميل ويخليك تصبر عليه لما يطيح اللي في رأسه ... الله يعينك . مع السلامة |
رد: مشكله ( العـــض) .. وصلت حدها .. تكفون ابغى حل ..!!
اقتباس:
ربي يسعدك ويخليك كلامك كذا يفرح بس حاب اقولك ان الطير دائما ياكل من يدي حتى لما يكون عنده اكل في القفص واوريه اكل ينزل تحت ويفك منقاره عشان اعطيه وياكل من ايدي زي العسل بس |
رد: مشكله ( العـــض) .. وصلت حدها .. تكفون ابغى حل ..!!
اقتباس:
وإن شاء الله الاخوان اللي يمرون على موضوعك راح يفيدونك بشيء يمكن نسيته أو يكون عندهم طريقة أو خبرة أفضل مني . والسلام |
رد: مشكله ( العـــض) .. وصلت حدها .. تكفون ابغى حل ..!!
اقتباس:
اخوي medozoom اذا انت هاوي الطيور لا تقول تعبت اوكيه,,, اسمع مني وجرب الحركه هذي في الصباح قبل ما تغير له الاكل والماي شيل القفص وحطه في غرفه ما فيها اي شيء يلفت انتباهه الا انت وحط الستاره ع النافذه طيب,, طلع برى القفص وخلك معاه طبعا راح يبتعد كل ما قربت منه ما عليك خلك وراه ولاتيأس ,,, طبعا اكيد راح يطير من القفص وينزل على الارض وهذا مربط الفرس,, تبدأ مع الجد أول شيء طلع القفص برى الغرفه لا يشوفه حلو,,, الحين راح يحتد عليك ابدأ عطه الفول السوداني او الحب وانت تعطيه راح يقرب يبي ياكل عطه باليسار وقرب ساعد يدك اليمين وسكر يدك المين مثل البوكس عشان ما يقدر يعضك ولا تخااااف خلك صامل راح يطلع غصب عليه اول ما يطلع ارفع يدك فوق راسك طبعا وانت رافعه امسك رجله على خفيف عشان ما يطير بعد كذا اجتزت 50 % من التدريب ,, من وجه نظري ان الطير لما يطلع ع يدك الباقي بسيط راح يترك العظ اول وبعدين مع الوقت تقدر تحك راسه وتبوسه بعد,,, على فكره من طير الى طير يختلف ممكن تأخذ معك ساعتين ,4,يوم,اسبوع انت وشطارتك لكن اذا حسيت ما تجاوب معك لا ترهقه ,,, وبعدين الطير كمل شهر وهذا الوقت المناسب انك تدربه. ملاحظه : تحسب لأي جرح خذ من الصيدليه شطرطون القوي حق الجروح ولزق ع اصابعك ترى عض الامازوني يذبح اسأل المجرب ولا تسأل طبيب. ورد علي اوكييه. |
رد: مشكله ( العـــض) .. وصلت حدها .. تكفون ابغى حل ..!!
اقتباس:
والله يالغالي تواجدك بحد ذاته اعجبني ومتابعتك جربت اجوع الطير ولكن وهو فوق القفص واحط ايدي اليمين كنها مجثم واليسار اوريه فول سوداني يمط راسه الين احس ان راسه بيطير عشان حبه الفول ولكن يقرب رجل على يدي ولما يحس انها يدي يرجع يعضها واسحب ايدي وفـ الاخير ارضخ واعطيه حبه الفول واقول الله يخارجنا خخخخخخ خلك متابع ما ننحرم تواجد حبيبي اخوك محمد |
رد: مشكله ( العـــض) .. وصلت حدها .. تكفون ابغى حل ..!!
اخوي medozoom اذا انت هاوي الطيور لا تقول تعبت اوكيه,,,
ابشر ما راح اقول تعبت لكن بجد جنني الطير اسمع مني وجرب الحركه هذي في الصباح قبل ما تغير له الاكل والماي شيل القفص وحطه في غرفه ما فيها اي شيء يلفت انتباهه الا انت وحط الستاره ع النافذه طيب,, حلو الكلام معاك انا طلع برى القفص وخلك معاه طبعا راح يبتعد كل ما قربت منه ما عليك خلك وراه ولاتيأس ,,, إلين هنا حلو طبعا اكيد راح يطير من القفص وينزل على الارض وهذا مربط الفرس,, بحاول اخليه يطير من فوق القفص عشان امشي معاك صح تبدأ مع الجد أول شيء طلع القفص برى الغرفه لا يشوفه حلو,,, الله عليك حلو الحين راح يحتد عليك ابدأ عطه الفول السوداني او الحب وانت تعطيه راح يقرب يبي ياكل عطه باليسار هذي ما فيها مشكله بسويها إن شاء الله وقرب ساعد يدك اليمين وسكر يدك المين مثل البوكس عشان ما يقدر يعضك ولا تخااااف الخوف موجود شوي لانه طوالي يعض ايدي بجرب كلامك ما عليك خلك صامل راح يطلع غصب عليه اول ما يطلع ارفع يدك فوق راسك طبعا وانت رافعه امسك رجله على خفيف عشان ما يطير بعد كذا اجتزت 50 % من التدريب ,, شوي يبيلها تزبيط هالحركه لكن راح اصمل بإذن الله واسويها من وجه نظري ان الطير لما يطلع ع يدك الباقي بسيط راح يترك العظ اول وبعدين مع الوقت تقدر تحك راسه وتبوسه بعد,,, يا رب الله يسمع منك يا ابو محمد ويبارك فيك ويبارك لك في محمد على فكره من طير الى طير يختلف ممكن تأخذ معك ساعتين ,4,يوم,اسبوع انت وشطارتك لكن اذا حسيت ما تجاوب معك لا ترهقه ,,, ابشر وبعدين الطير كمل شهر وهذا الوقت المناسب انك تدربه. دعواتك لنا ملاحظه : تحسب لأي جرح خذ من الصيدليه شطرطون القوي حق الجروح ولزق ع اصابعك ترى عض الامازوني يذبح اسأل المجرب ولا تسأل طبيب. والله انا المجرب لو اصور لكم ايدي اظن تخافون من الاخ الامازوني لكن لازم اكسر شخصيته وراح اوافيك يالغالي بالي يصير معاي ورد علي اوكييه. ابشر الله يبشرك ويبشر من يقرا بالجنه ابو محمد احرجتي بردك ومجهودك لكن ان شاء الله تسمع خبر يرضيك لك ودي |
رد: مشكله ( العـــض) .. وصلت حدها .. تكفون ابغى حل ..!!
سلام عليكم ورحمه الله من جديد جاكم ميدو زوووووم يفحط من الفرحه الله يديمها ابو محمد انا طبقت كل الي قلت عليه ومشيت على كلامك بحذافيره الي صار معاي شلت القفص ورحت مكان مغلق وقفلت كل شي فكيت الغطا وطوالي تعلق الطير فـ الغطاء نزلت الغطاء على الارض وخليته يمشي وشلت القفص وطلعته برا حلو الكلام ؟ حلو اخذت فول سوداني وقربت من الببغاء وكان يشرد مني وشوي قرب اخذ حبه فول سوداني وشرد الصوره الاولى http://www.2zoo.org/get-8-2009-2zoo_org_ih5beoas.jpg وانا قاعد معاه قاعد احاول المسه حبه حبه وقاعد ماسك اعصابي وكل شوي اقرب من الطير واحاول اعطيه اكل باليسار واحط ايدي مجثم لكن ما رضي الطير بعد عناء وتعب قعدت امسح راسه وهو ماشي مره يلف راسه ومره لا لكن يقعد يمشي المهم رحت بزاويه وقلت يا انا يا انت اطلع اطلع مو راضي صرت ادخل ايدي تحته بالقوه ايضا مو راضي قعد امسح عليه شوي شوي المهم مسكت وحده من ارجوله ورفعته ما رضي يحط الرجل الثانيه قلت خليك يا ولد ريلاكس ( هادي ) المهم بالقوه رفعته وطوالي رفعت ايدي فوق هدي شوي وعضني وحده خفيفه وما فكيته بعدها بثواني طار رجعت مره ثانيه وقربت اصبعي من عند منقاره شوف http://www.2zoo.org/get-8-2009-2zoo_org_fp2xvkbv.jpg المهم حاولت امسك وحده من الارجول وادركه بالزاويه وارفعه عشان ما يلقى إلى يدي بس يوقف عليها وهذا الي صار http://www.2zoo.org/get-8-2009-2zoo_org_u8vs0o9c.jpg وحاولت انزل بيدي عند صدري عشان امسح عليه خلاني امسح عليه شوي وبعدها بدا يلف راسه يبي يعض ما عطيته فرصه وبعدين رجعته القفص وهو على يدي وهذا انجاز بالنسبه لي بعد كذا ما ادري هل استمر فتره على هالاسلوب لاني احس اني ارهقت الطير ابو محمد جميلك فوق راسي ما انساه الله لا يحرمك الجنه اترك التعليق لك وللأخوه اخذت مني هذي التجربه ساعتين (2) ولله الحمد |
رد: مشكله ( العـــض) .. وصلت حدها .. تكفون ابغى حل ..!!
حلووووووة طريقة أبو محمد ... أجل أستمر عليها بس بدون ما ترهق الطير يعني شوي شوي ... وبرضه علشان ما تتعب نفسك و تمل .
ومثل هالنصائح جميلة جداً ويستفاد منها ... لا حرمنا الله أمثالكم . مع السلامة |
رد: مشكله ( العـــض) .. وصلت حدها .. تكفون ابغى حل ..!!
اقتباس:
الحمد الله على كل حال وما بينا جمايل وأي وقت انا حاضر . |
| جميع الأوقات بتوقيت GMT +3. الساعة الآن 11:08 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو