منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
السلام عليكم اخواني الاعزاء سمعت نصيحتكم واشتريت كاسكو مصيود بعد موت صديقي وحبيبي الهولندي نزلت السوق وحصلت واحد عمره حول السنتين مطلعه راعيه على القفص ويمسح عليه مايعض بس يجعر مع التمسيح ومسكته زي الحمامه ابد ولاعضه وسعره معقول مو زي الهولندي2000 المهم قلت صيده وشريته والله لايوريكم من وصلت البيت الحاره كلها عرفت اني جبت ببغاء من الجعير واحرجني مع الوالد والجيران والي ما يشتري يتفرج دخلت البيت وشوي اطلعه برى القفص وحلف يمين ماحط يدي عليه ولارضي يدخل القفص وانواع الجعير من يوم التفت فيه بدون ماتحرك بس بعيوني يحط اصابعه في اذانيه ويصيح حاولت ادخله بيدي قطعني عض مو الي شفته اول يدي اليسار باقي فيها ثلاث اصابع واليمين مافيها غير السبابه وانا متحمل ماودي اصرخ فيه والله فرق بينه وبين الهولندي الحين اكتب لكم وهو تارك كل حاجه ومتبع معايه ولا احسن طالب ياناس ما يحاول يرمش عني يفكر اني ابهجم عليه ابغى اصبر عليه اسبوع واذا ماتحسن ابيعه لو بنص القيمه وعلى حبي الهولندى وان عاش عاش وان مات اشوف غيره وعلى الله
لكن مو تاخذ واحد كبير بالسن ومو اليف...>>راح يطلع لك قرون الصداع..
ياخي انا والله احبك في الله ...
لكن انت الغلطان ميه ميه..
اعتقد حتى المؤيدين للهولندي يؤيدوني....
انا اقول من الان بعه واشتر فرخ....
انا اللي عندي ماشاء الله تبارك الرحمن صقر...
شد حيلك...
مرحبا بو يوسف احبك الله الذى احببتني فيه يابو يوسف توه بادي السنتين المشكله توه مصيود وانا معاك الفرخ بس ما حصلت وانا وصيت لي فرخ يعني اطقطق على الطيب لين يجي الفرخ وشكرآ على مرورك
اقتباس:
المشاركة الأصلية كتبت بواسطة كاجو
مراحب اخوي لاتستعجل وتبيعه خله في مكان واسع بالبيت يشوف كل اهل البيت من غير ماتكونون قريبين منه
ويكون يشوفكم وحط الاكل والماء له بنفسك ولاحد يقرب لمه لمدة ثلاثة ايام لين يخف الجعير ولا تطلعه من
القفص لمدة اسبوع بس اجلس عند القفص وتكلم معاه ومد يدك له بالاكل وشوف يخف ولا لأ وقلنا علشان تبدا
بلخطوات الثانيه
الله يعطيك العافيه اخوي كاجو وجاري التطبيق ويعطيك العافيه وعلى فكره والله دوخني الطير الي في توقيعك احسه انيق وحبيته بس عسى مايكون مر على المشغل حق سكر وصلحله صبغه وتسلم يالغالي
اقتباس:
المشاركة الأصلية كتبت بواسطة dr_weed911
والله ماني عارف ايش اقولك بس انت غلاطان يا استاذي عمرة فوق السنتين وقاعد يجعر مع صاحبه تشتريه
2000 لو عنده كلام معقول تنبلع بس الله يعينك .
والله يا استاذي لو اخذيت لك فرخ عيون سود او رمادي يمشي الحال وانت دربه بنفسك في البداية يجي متوحش
قليل بس بعد اسبوع او اسبوعين بالكثير تشيله زي الحمامة وسعره مره معقول عن الهولندي تخذه 1100 او
1200 في الحدود هذي وحجم ولا احلا جامبو 100 100
والله انا ما ابغى احطمك بس اذا شفته مع راعية يمسح على راسة ويطلع على يده اصبر عليه وانشاء الله معاك
ويروووووووق ويحلى بس في النهاية السعر غلي انباع واحد يتكلم ويطلع على اليد وتمسح على راسه وحجم
جامبو وعمرة سنة بالضبط 2500 بس دوبه بادي كلام يقول ( يواد ,,,, يا حلو ,,,,بعد ما تبوسه يقول
اخخخخخخ,,,,, حمد ) وفي كلام غير واضح هذا الي صيده
مرحبا اخوي شكلي ماعرفت اوصل المعلومه انا اقصد الهولندي الي شريته ب2000 مو ابو جعير سنتين ويجعر لا ياخوي انا شاريه ب650بس يعني ان نفع الخير واهله وعلى فكره اليوم سمعته يشكل تصافير حلوه وامس انباع قدامي جامبو عنده خمس كلمات ولون فاتح واليف ب1600 بس الى اخذه صاحب الله يبارك له لو ماخذه كان اخذته انا لكن نصيبه وشكرآ لمرورك يا عسل