حنفي وأمون ... قصه في سطور

[M a Y e D]

السلام عليكم ورحمة الله وبركاته

اليوم حبيت اكتب لكم عن حنفي وامون ... وطبعا حنفي وامون كاسكوين عندي وما شاء الله عليهم قمة في الشقاوة والازعاج، وان شاء الله بتكلم اول شي عن شخصية كل واحد فيهم وبتكلم عن اكلهم وطبايعهم.

اول شي سبب تسميتي لهم باسم حنفي و امون هو نسبة الى شخصيات شعبية الكرتون



وبصراحه عجبتني شخصية حنفي وعشان جذيه سميت الكاسكو الثاني امون ، لان حنفي لامون وامون لحنفي

المهم الحين نستعرض شخصية امون :



الاسم : امـــــــــون
النوع : الافريقي الرمادي
الجنس : انثى
العمر : تقريبا سنه
الشخصية : نشيطة - متسلطة - انانية - دلوعه - غيورة - ضرابية - سريعة التعلم
بشكل عام هي حبوبه ونشيطه ووايد متعلقة فيني ، من ارجع من الداوم وتسمع صوت السيارة تقعد تصارخ، واذا سوت شي غلط وحاولت اعاقبها تتقرب مني وتقعد تقول مياووو اونها تتدلع

الاصوات اللي تقلدها: اسمي - اسم زوجتي - صوت القطوة - صوت البوسه وتقول بوسه - صوت كحتي - تقول متوه.

وهاي بعض من صورها :









صورها وهي معاقبه في القفص وممنوعه من الخروج






والحين مع شخصية حنفي:




الاسم : حنفي
النوع : الافريقي الرمادي
الجنس : ذكر
العمر : تقريبا سنه وكم شهر
الشخصية : هادي - يحب الاكل - مسالم ومغلوب على امره عشان جذيه امون متسلطه عليه وراكبه على راسه - مغرم بشي اسمه نعول (وانتوا بكرامه) يعني يحب يقرض النعال ولما خشيناهم عنه صار مغرم بتواير السيارات شكله ناوي يشتغل بنجرجي خوش مستقبل والله.

الاصوات اللي تقلدها: صوت القطوه ويقول بوسه ويقلد صوت الاسعاف ويقول متوه.

وهاي بعض من صوره :









طبعا هم كزوجين يعتبرون فاشلين بصراحه لان امون متسلطه وحنفي هادي وكل يوم تتضارب معاه وتغسل شراعه وهو لا حول له ولا قوه مع انه اكبر منها والمصيبه انه ذكر ( حسافة على الرياييل )

هاي صور من الهواشه اللي تصير بينهم، طبعا حنفي اللي واقف على اليسار







والحين مع اكلهم :

طبعا احاول انوع لهم في الاكل وما اعطيهم الا كل شي طازج ، وطبعا هم ياكلون تقريبا كل شي وهاي بعض الوجبات اللي يحبونها:

الرز



الذرة



عظام الدجاج



المانجو



قصب السكر



الكستناء



الجزر



الثوم ( وبالنسبة للثوم فالاخت كاسكوكية قالت لي انه يعتبر مضاد حيوي طبيعي - جزاها الله الف خير والا بصراحه انا كنت متخوف اني اعطيهم )



وطبعا بعد الحب الشمسي والفول السوداني بس هالاكلات اكثر يحبونها.


هذا كل شي عن امون وحنفي والله يصفي قلوب امون على حنفي وترضى عليه ونشوف ذريتهم ان شاء الله

[عبدالله عيسى]

ماشاء الله طيور روعة

وتشوف ذريتهم ان شاء الله

[الخبراء]

مشاء الله عليهم الله يعطيك من خيرهم ويكفيك شرهم >>> شري سياره الظاهر



بحكم انك تحب تدلع وش رايك اغطيك افريقي و غيني عندي الغيني تراه حبيب مره ما يسوي شي لو تحطه عند ( امون ) ببغاك شرط لا يخليه حرمه سنعه

[سكر]

ما شاء الله

الله يخليلك أمون وحنفي

ربي يبارك لك فيهم

قصة رائعة

لكن بصراحة الألعاب والخشب حقهم روووعة ما شاء الله

الله يجزاك خير على اهتمامك فيهم

اخوي الخبراء لو تجيب الغيني (التمنة) حقك أول شي بيقطع الحبال هذيك اللي في الصورة ويحول الأغصان إلى نجارة خشب هههههههه

وبعد ما يخلص بيطالع في السقف <<< متعقد من الغيني اللي عنده

تحياتي

[كاسكوكيه]

ونااااااااااااااااااااااااااااااااااسه!! الله يخليهم لبعض.. يقول لك من حبك سبّك.. و هاي امون شكلها حبت حنفي بس مستحيه منكم ^_*

شكلها بويه P:

أمحق شامبيه الي عندي.. ألين اليوم ما كل غير الفلفل.. ولا الباقي ما يباه

بس الحمد لله ع كل حال...

كثر من هالمواضيع ^_^ وربي يعطيك العافيه ^^

[عازف الكيبورد]

مشاء الله عليك اخوى ماجد محترف تصوير انت عجبتنى الصور

وطريقتك بسرد حلوه ومميزه وطيور مشاء الله نضيفه

والله يخليهم لك ويحفضهم من كل سوء ومكروه

وننتضر جديد حنفي وامون بلعدد القادم من مجلة ماجد

[M a Y e D]

المشاركة الأصلية كتبت بواسطة عبدالله عيسى

ماشاء الله طيور روعة

وتشوف ذريتهم ان شاء الله

مشكور اخوي عبدالله عيسى وتسلم على المرور

[M a Y e D]

المشاركة الأصلية كتبت بواسطة الخبراء

مشاء الله عليهم الله يعطيك من خيرهم ويكفيك شرهم >>> شري سياره الظاهر



بحكم انك تحب تدلع وش رايك اغطيك افريقي و غيني عندي الغيني تراه حبيب مره ما يسوي شي لو تحطه عند ( امون ) ببغاك شرط لا يخليه حرمه سنعه

امين ياخوي الخبراء ويكفيني كل شرهم من العض والقرص والتشمخ

افريقي وغيني لامون لاه لاه لاه يالخبراء عيب عيب اسكت عن يسمعك حنفي والا الدم بيصير للمنقار تبا اتيب له رياييل حق حرمته ... ما هقيتها منك ... اصلا حنفي من اصول قبيلة الزولو ودمه حااااااااااااااااااااار

[M a Y e D]

المشاركة الأصلية كتبت بواسطة سكر

ما شاء الله

الله يخليلك أمون وحنفي

ربي يبارك لك فيهم

قصة رائعة

لكن بصراحة الألعاب والخشب حقهم روووعة ما شاء الله

الله يجزاك خير على اهتمامك فيهم

اخوي الخبراء لو تجيب الغيني (التمنة) حقك أول شي بيقطع الحبال هذيك اللي في الصورة ويحول الأغصان إلى نجارة خشب هههههههه

وبعد ما يخلص بيطالع في السقف <<< متعقد من الغيني اللي عنده

تحياتي

مشكور اخوي سكر وحياك الله دوم

[M a Y e D]

المشاركة الأصلية كتبت بواسطة كاسكوكيه

ونااااااااااااااااااااااااااااااااااسه!! الله يخليهم لبعض.. يقول لك من حبك سبّك.. و هاي امون شكلها حبت حنفي بس مستحيه منكم ^_*

شكلها بويه P:

أمحق شامبيه الي عندي.. ألين اليوم ما كل غير الفلفل.. ولا الباقي ما يباه

بس الحمد لله ع كل حال...

كثر من هالمواضيع ^_^ وربي يعطيك العافيه ^^

حيالله اختي كاسكوكية ...

وان شاء الله كلامج يكون صح وامون تحب حنفي بس بصراحه حبها دفش

امس قاعد العب معاهم وكل شوي اشل واحد منهم ولما ايي دور حنفي واشله فوق ايدي اتم امون مغتاضه وتصارخ وخاطرها تقطع حنفي من العض ما تباني اشل حد غيرها

بس الغريبة انج ما شاء الله تعلمينا اشياء وايد حلوه ومفيده وانجربها وتنفع مع طيورنا بس طيرج انتي لا

الظاهر لازم تبدين مع شامبية من الروضة احسن ... مب ادخلينه الثانويه على طول