اشترك في نشرتنا البريدية ليصلك كل جديد

h71991 · 12-02-2009, 10:51 AM

السلام عليكم ورحمة الله وبركاته،،

اخواني الرجاء المساعدة

عندي كاسيكو عمره سنة ونص تقريباً والطير اليف ويغرد وناقصه الكلام

بس من فترة قليلة شفته ينتف الريش من جسمه وكل ريشة تطلع له ينتفها

واستشرنا احد الباعة ونصحنا بتحميمه بماء من البحر

ممكن الحل مع العلم إن الطير بصحة ممتازة وهل الطريقة التي قالها لنا البائع مجدية ومفيدة ؟؟

عاشقة الطيور · 12-02-2009, 11:27 AM

وعليكم السلام ورحمة الله وبركاته

اممم مره قريت عن ماي البحر بس مب متأكده .. ادخل المواضيع المثبته مكتوب عن مشكلة نتف الريش

اذا مب حاط للببغاء العاب انصحك تحط له

وان شاءالله مافيه إلا العافيه

h71991 · 12-02-2009, 01:13 PM

شكراً لك عاشقة الطيور على ردك

وإن شاء الله اوفر له الالعاب

كاسكو حبوب · 15-02-2009, 09:58 PM

وفر له العاب وان شاء الله يتوقف عن هاذي الحاله

العـــــالـــــــمي_11 · 17-02-2009, 02:34 AM

حتى انا الطير الي عند مثل طيرك نتف ريشه كله مابقى الا الراس والجناحين وماادري وش اسوي به

ملكة النت · 18-02-2009, 02:39 AM

انا طيري والله كذا ،،
نتف ريشه بدا من رجله لحد البطن وأجزاء من الجناح
وعصبي عصبي عصبي مرررررره

اليف بس علي اما اي احد يجي لو جنبي او يكلمني يطب عليه ويلحقه ويعضه
درجه اني مره مخليته على كتفي وكان ولد اخوي جنبي صغير الولد وحطيت يدي على راس ولد اخوي
عصب علي الطير وعظني على خدي غيووووووووور مرررررررره >مأدبني هههههه
وأعتقد أسباب نتفه لريشه أني لما احبسه بالقفص أجلس أسولف مع الأهل والعب مع الصغار
فصار دايم يصفر بصوت مزعج ويجلس ينتف بريشه وأحيانا ً يطب في المويه اللي يشرب منها
ويجلس ويتسبح لو بعز البرد بس علشان اطلعه وانشفه بالسيشوار ...

وش اسوي بحالته ،،،؟

علما ً اني سألت وقالو انه يبي يكون معاه جوز ،،، وناس قالوا حطيه بمويه دافيه ثلاث ايام ،،،
ممكن إفاده ،،،،

عاشقة الطيور · 18-02-2009, 05:43 AM

اختي انصحج تحطين له العاب وهذي رابط للموضوع "معلـــومــات هـــامـــة عــن مـــعـــالـــجـــة إتــلاف الـــريــش "

والله يشافيه