ملحوظه لجميع الاعضاء لتطور منتدانا

[مستر زوو]

السلام عليكم جميعا مشرفين واعضاء معلش يا جماعه لفت نظرى موضوع غريب جدا خصوصا هنا فى قسم الكلاب اللى انا من اشد معجبيه الا وهو ان الناس لما بتشترى كلب وتحط صورته فى المنتدى عشان نقول راينا كاعضاء صاحب الكلب بيزعل جدا ويثور وكزلك الاعضاء اذا ما جاء الرد على هواه يعنى لازم نقول جامج وجميل وروعه وخطير ويتربى بعزك اومال احنا هنا فى المنتدى ليه غير اننا ننصح بعض ونتبارى بالمعلومات عشان الكل يستفيد من فضلكم يا اصحاب الكلاب مش لازم الرد يكون روعه واللى شايف عيب يقوله بمنتهى الصراحه النقد البناء بيفيد الكل عشان محدش يقع فى نفس الغلط تانى دا منتدى مش صالة مجاملات وبجد بيكون فى كلاب مينفعش الواحد يتكلم فيها بالمناسبه انا حطيت الموضوع هنا لانى لسه شايف موضوع فى كلب سىء ولما بعض الاعضاء قالوا كده ثار صاحب الموضوع وكذلك بعض الاعضاء يا جماعه المنتدى ساحة نقاش وتصحيح وافاده عشان الكل يستفيد مش مجرد يتربى بعزك وماشاء الله ودا جميل ودا بيور والكلب يكون بلدى عايز اعرف انتو ملاحظين الموضوع ده ولا لا عموما اتمنى ان محدش يزعل وزى ما بيقولوا بالبلدى يا بخت من بكانى وبكى عليا ولا يضحكنى ويضحك الناس عليا ==== شكرا واسف للاطاله