السلام عليكم
امس خرجت من البيت لقيت الكفر حق السياره مبنشر قلت يلا امشي بيها لين
البنشري وصلت البنشري الكفر اتقطع قال لي غير جديد قلت لا انا ابغا رخبص
عشان ابا اركب نوع جيد جا قال لي طيب ركب لي واحد رخيص صيني
سألتو عنو قالي لو صنعنا احنا باليمن بيكون احسن من الصيني
المهم غلق قلت لو ماعندي فلوس اروح الصرافه واجي قالي لا
هات جوالك قلت لو لا الجوال ب1500وكفرك ب170 خد الرخصه قال لي لا
خد البطاقه برضو لا طيب تعال معايا قالي مقدر اسيب المحل
قلت لو اخد تاكسي واجيك وقفت تاكسي والسواق من برا مكه قلتو ابغا
2كيلو قدام اصرف وترجعني قال لي ب50
قلتلو لا روح وقفت واحد تاني برضو من برا مكه قالي 30
قلت لا رحت للبنشري قلت لو حرام عليك كده اروح ب50
قال لي اصبر طيب صبرنا راح جاب مفتاح سيارتو قلي يلا خد اصرف وتعال
قلت ما تعرفني وتعطيني مفتاح السياره يعني ما تخا اسرقها
قال لي سيارتك تبقا هنا قلت لو اجيب لك الشرطه واقول هدا اخد المفتاح ومو راضي يرجعو
واخد سيارتي وسيارتك قالي مدري انا كلمت عمي وقال لي سوي كده
اخدت سيارتو وصرفت ورجعت ...................
اعطيتو الحساب ومشيت
انا ابغا اعرف الان ليش هو سوا كده ان كان جا معايا وخلصني؟
تصدقو لو قال لي انا الكاميرا الخفيه اصدق