محتار اني اجيب قطو ولا قطوه

[كلاسيك]

السلام عليكم


أخواني حبيت أخذ شوركم اني اجيب قطو ولا قطوة ؟
أنا عندي قطوة عمرها ثلاث سنين ما شاء الله الله يطول بعمرها
فا طول هالسنوات ما تزوجت كل ما جبت لها ذكر ترفضة ..
فكرت اسوي لها عمليه تمنعها عن التزاوج لكن المسألة صعبه فيها حياة او موت
و الحين هي نفسيتها تعبانه حيل درجة انها توصلت للشراسه
صراحة انا تأذيت منها ومن ازعاجها و صراخها و عصبيتها
فقررت اني اجيب لها قطو ولا قطوه علشان تنبسط و تنسى همومها شوي

إللي بجيبه تقريبا عمره حوالي الشهرين او ثلاثه لا أكثر
فا انتم وش قولكم تتوقعون اني إذا جبت لها مرافق بتروح منها الشراسه ؟؟ ولا بتبقى مثل ماهي

و إذا كان الجواب اوكي
وش اجيب لها ذكر ولا انثى ؟؟

من ناحيتي ودي بذكر علشان إذا كبر يتزاوجون لكن الذكر غثيث ع حد علمي بحيث ان تربيته اصعب من الأنثى ..
و ودي بأنثى علشاني فاهم بتربية الأناث لكني بغتث من ناحية تزاوجهم

ولكن الأرجح هو اني اجيب ذكر
بس وش عيوب الذكر ؟


و مشكورين مقدما

في انتظار تعليقاتكم


احترامي

[josy]

السلام عليكم شوفي اذا انت بتجيبي قطة انثى بيتخانقو كثير في الاول ومابعرف اذا راح تحبها او لا واذا جبتي ذكر اكيد راح يتزوجون لكن لين يكمل الذكر سنة اواقل بشهرين والذكر تربيته حلوة كتير لانه بتحسي فيه طيبة غريبة لكن هي مشكلة البول فقط عوديه وخلاص بس انا انصحك بالذكر اذا مافرق معاكي القطة حملت او لا انا عندي ذكر و2 انثى وطبعا اطفالهم

[كلاسيك]

مشكوره أختي
لا هنتي

و انتظر شور الباقين

[بورقيه]

برايي من تجربة سابقه أن إذا تعلم القط على أنه الوحيد الموجود لديك بالغالب سيرفض جميع القطط التي تدخل للمنزل سواءا صغيرة كانت أم كبيرة ، لكن تستطيعي أن تجربي طريقة العزل ، وهي أن تجعلي قطكتك في مكان ما كقفص مثلا ، و أن تجعلي القط الآخر في قفص آخر وكل فترة قربي القفصين من بعضهما أكثر ، حتى يصبح وجود القط الآخر عادي جدا بالنسبة للقط الأول ، كذلك حاولي أن تجوعيهم قليلا و ضعي لهم الأكل في مكانين متقاربين .

أنا أنصحك تجيبي ذكر وراح تشوفي الحب كيف يبدأ إن شاء الله وشكرا .

[sisi_moon]

تيب قطوتك اكيد عندهاا مشكله

مو معقوله 3 سنين ومامره تزاوجت ؟؟ ؟

انت تزاوجها فبيتك ولا بيت احد ثاني ولا فمحلات ؟؟

وكم يوم تخليها مع الذكر ؟؟

المهم

اذا بتجيب لها ذكر جب لها ذكر كبير

لان شغله تنتظرر لين تكبر عشان تتزواج وياها

المهم

اذا جببت لها قطو ولا قطوه في البدايه بترفضهم وبيقووم الهوااش بينهم

بس بعدين بيصيرون زي العسل

بالتوفيق

[ذيب فتاك]

شكرا على معلومات

[كلاسيك]

بو رقية

مشكور يالغالي ع المرور
و تسلم ع المعلومات القيمه
وصحيح كلامك

سي سي مون

بالنسبة لأسألتك
السنه الأولى ما زوجتها
السنه الثانيه استأجرت لها ذكر لمده يومين و نص وطبعا ما حصل نصيب
السنه الثالثه جبت لها ذكر جلس 6 ايام و برضو ما حصل نصيب
و يأست من عقبها اني اجيب لها قطو ما تعرفه ولا قد شافته
وطبعا هذا كله في البيت
فاقلت ليش ما اجيب لها ذكر صغير تتعود عليه ع بال يحين وقت تزاوج الذكر ووقتها يتزاوجون

و من ناهيه الهواش و المطاقشات عادي ما همني
و ع قولك انهم بيتوالفون بعدين

يعطيك العافيه ع الرد
ولا عدمناك


أنتظر آراء الباقين

[dirty luck]

النثيه الي جذي ما منها فايده الى ما تبي تتزوج واي قطو يدش البيت بتكون كارهته وشرسه عليه سواء ذكر ولا انثى

[sweet dreams]

انا من رأيي تجيب ذكر كبير وخليهم يتعودو على بعض وخليه معاها على طول وانت بعدين رح تشوف اولادها اختاره حلو عشان يطلع انتاج جميل باذن الله
بس في البداية حاول تعزلهم وعرفهم على بعض شوي شوي متل ما حكى بورقية

[جوري]

هلا اختي...انا برد عليك من واقع تجربتي

انا بيت اهلي انثي الحين عمرها سنتين...وطبعا هي تجي لها حالات التزاوج بس انا ماحبيت اجيب لها ذكر

قلت احسن اربي قطو بشقتي واذا كبر يتزوجها ...علشان اضمن ماتجي لها امراض من قطو مااعرفه

طبعا اول ماجبته بيت اهلي... قطوة اهلي...انواع الي عصبت وصارت ماتبي تقعد بالمكان الي هو فيه

وقعدت فتره كذا...اما الذكر الصغيرون ماعليه منها بس يركض يبي يلعب معها وهي تطقه وهو يخاف بس مايتوب

والحين صار عمره 8 شهور...وبدا بدايه سيئه اذا اخذته بيت اهلي وشافها رح يركض يبي يتزوجها

وانا ماابيها تحمل الحين برتب لها موعد معين علشان لما تولاد...بس هو صار اذا حطيناه بغرفه وهي بغرفه

يروح وانتي مكرمه يبول على اي شي قدامه ...انتقام ليش اشيله

بس انتي لانك بتزوجينه ماتفرق معك...مره بتصير تربيته سهله...واحسه حبوب اكثر من الانثي واطيب

اذا ربك وفقك بذكر نظيف...هذي تجربتي لحد الحين...والله اعلم وش بيصير عاد بعدين

الله يسهل عليك