أيــش رايـــكــــم في هــــذا الـــمــــكــــاو

[فلاش قطر]

السلام عليكم ورحمة الله

اليوم نسيبي جاي البيت ومعاه قفص وفيه مكاو ... فقلت له

هلا حبيبي هلا عمري هلا قلبي .... فديت قلبك انا (( اكيد جايبة لي )) وانا كلامي معاه كله

ضحك

والا راد علي ويقول اي والله جايبه لك وتحديداً لحصوصه

حسيت بأحراج وقلت له بكم ؟؟ حلف ماياخذ شي مني والمهم

خذته وخليته مع اعيالي 4

اليكم الصور بس شفوا التعليق بعد الصور (( اوكي ))





وبعد مرور تقريباً 20 دقيقة اسمع صوته وانا تحت فقلت معقوله هذا صوته ؟؟

طلعت فوق الا اي والله صوته لو كنت ساكن عمارة اللي في الدور الخامس يسمعه

اتصلت بنسيبي قلت له ايش هذا ؟؟؟ صوته مزعج اشلون بنام الليله ؟

رد وهو ميت من الضحك يقول :

ليش كنت تتوقع اني بعطيك ابلاش لانه فيه خير ؟؟؟ لو كان صوته حلو وعير مزعج لو تعطيني 10000 ما اعطيك هههههههههههههههههههههه

فقلت له الحين اطرش السايق ياخذه والله مايقعد في البيت الليله

هل هذا الصوت يصدر على طول ؟؟

لكن عجيب مرح بس يخوف من قريب ههههههههههه عليه منقار يقطع الحديد ههههههههه

الامازون مادري ايش فيه لازق عنده في القفص

[Amy]

هههههههههههههه مت من الضحك

حطيت يدك ع الجرح تعبت وأنا أدور تكفي اسأل نسيبك من وين شاريه

أما سالفه الازعاج مالهاا حل مافي الا حل تحط بذنك قطن هههههه


تسلم ع الموضوع

[فلاش قطر]

Amy نصيحة ابعد عنه ترى والله صوته مزعج بمعنى الكلمة الا اذا عندك مكان له حلو

من وين ماخذه ... ماخذه من تايلند قبل سنتين

اذا لك خاطر بكلمه لك

[عازف الكيبورد]

ههههههههه فلاش قطر يا فرحه ما تمت

فعلا المكاو مزعج وما يصلح لتربية داخل البيت

[abuassel]

السلام عليكم
كيفك اخوي فلاش قطر ؟؟؟
حقيقة نسيبك رهيب شكله يحبك مره
هذا المكاو دمه خفيف جدا وعلى فكره من اذكى الطيور بس فعلا الازعاااااااااج
يمكن باقي ما سمعت الازعاج عالاصول اذا تعود على شي بالبيت ويبيه ولا يجيه
جيرانكم اللي بعد كيلومتر يشتكونك بالشرطه
وبالنسبه للامازون راح يلزق فيه دايم . واذا طلعت المكاو برا الله يعين المكاو بياكل ضرب اللين يدوخ
ولكن اهم شي لازم تعرفه انك اي وقت تحاول تمسك المكاو او تلعب معاه بشكل كبير امام الامازون
بيصير الامازون يكرهك ويعضك ويزعل زعل شديد جدا لانه غيور جدا جدا . لو تشوف ايدي ما تصدق والله انه يركض وراي ركض بالبيت .
اخوك ابو اصيل

[فلاش قطر]

بارك الله فيك اخوي عازف .. وتسلم على المشاركة

ابوأصيل .. شكلك تحب الشماته ههههههههههههههه الا على طاري الامازون والغيره والله انك صادق

خبرك الدرة أليفه وتاكل مع الاهل وقت الغدى او العشى والامازون اشوفه هاليومين يضربه ويبي يجلس مكانه

وابشرك نسيبي قال بكرة الصبح السايق عند بابنا

[abuassel]

السلام عليكم
انا لو منك اروح اوديه له واعطيه الف ريال اقوله تسلم عليك امي وتقولك حنا بننقل رايحين
نسكن بالهند لا عاد تجي
اخوك ابو اصيل

[مادري]

هههههههه

بموت من الضحك خلاص ما اقد اتحمل

ككككككككككككككككككككككك

[ali_alali]

الللللللله ايعينك لين الصبح

[طير سارة]

المشاركة الأصلية كتبت بواسطة فلاش قطر

الامازون مادري ايش فيه لازق عنده في القفص

جالس يذكر ويقول يا ربي كني اعرفه بس وين شايفه

و ايش مسوى في روحه : خلص المكياج على ريشه ما بقى لون ماحطه

والثاني ساكت ويقول يارب ما يتذكر و يفضحني



قل حق نسيبك يعوضك عن هالازعاج ويجب لك واحد ثاني


تحياتي