اشترك في نشرتنا البريدية ليصلك كل جديد

SleepyMiracle · 07-01-2008, 10:34 AM

نونو بنت أختي راح يصير عمرها 9 سنوات ماشاءالله

افكر اجيب لها هدية هامستر ... لكن محتارة وودي تفيدوني

هل ممكن طفلة في العمر هذا تعتني في الهامستر من غير اي مشاكل ؟ بمعنى اصح هل يناسب ان الهامستر يتربى عند طفلة ؟
مو عارفه شلون اصيغ سؤالي ... بالعربي تنفع هالهدية و الا لا ؟

طيب ... لو اشترينا لها هامستر ... لازم اشتري جوز ذكر و انثى و الا عادي اجيب لها واحد بس ؟؟

انتظر ردكم لأن عيد ميلادها قريب ....

bo3lewi · 07-01-2008, 12:10 PM

انا نصيحتي انه تشتريلها بس انثى مو زوج لان زوج يتطلب عنايا ومسؤوليه

سامووو · 07-01-2008, 01:49 PM

انا بنصح تشتري لها ذكر لان الانثى كما تعرفين تحيض وتسبب روائح لكن الذكؤ حيكوون سهل و مريح و الهامستر ماهو حيوان صعب التربية حتى هو ينظف نفسه اتمنى فدتج

SleepyMiracle · 08-01-2008, 10:10 AM

اقتباس:

المشاركة الأصلية كتبت بواسطة bo3lewi

انا نصيحتي انه تشتريلها بس انثى مو زوج لان زوج يتطلب عنايا ومسؤوليه

شكرا عزيزي على نصيحتك

SleepyMiracle · 08-01-2008, 10:12 AM

اقتباس:

المشاركة الأصلية كتبت بواسطة سامووو

انا بنصح تشتري لها ذكر لان الانثى كما تعرفين تحيض وتسبب روائح لكن الذكؤ حيكوون سهل و مريح و الهامستر ماهو حيوان صعب التربية حتى هو ينظف نفسه اتمنى فدتج

انا تخصصي قطط بس وما اعرف شي عن الهامستر و اول مرة اعرف ان انثى الهامستر تحيض

يعني لو جبت ذكر لحاله ما راح يحتاج انثى علشان التزاوج ؟

سامووو · 08-01-2008, 11:03 AM

لا لا مايحتاج انثى لان الذكر دائماً يكون نشط و لعوب الهامستر اللعوب وايد هو الروسي اما الي يكون لعبه اقل لكن الوانه اجمل و تكثر هو السوووري ان شاء االله فادتج المعلومات و انا مستعد اجاوب على اي سؤال

رعوود · 08-01-2008, 02:15 PM

اختي لو انتي تريدينها هديه لبنت اختج

قبل ما تقررين لازم تكونين انتي او امها الي هي اختج او اي احد مستعد انه يرعى هالحيوان

لانه بنت اختك بالبداية اكيد راح تفرح فيه وتهتم بس بعدين ما يندرى لانه الاطفال بسرعة يملون من الاشياء والهامستر روح مو لعبة لما يزهق منها يطقها الواحد

ثاني شي تقدرين تشترين لها واحد سواء ذكر او انثى وماقد سبق سمعت عن شي اسمع حيض الانثى بالنسبة للهامستر انا ربيت انثى لحالها قبل وما عانيت من شي من احلا ما يكون

وانصحك تشترين روسي لانه انظف من السوري

وبالتوفيق ان شاء الله

سامووو · 08-01-2008, 02:27 PM

اخوي رعووود الاناث تحيض
انا مربي قريب ال 100 هامستر من الصغر
ووجد الكثير من الاناث تحيض
تقبل مروري

SleepyMiracle · 08-01-2008, 03:11 PM

اقتباس:

المشاركة الأصلية كتبت بواسطة رعوود

اختي لو انتي تريدينها هديه لبنت اختج

قبل ما تقررين لازم تكونين انتي او امها الي هي اختج او اي احد مستعد انه يرعى هالحيوان

لانه بنت اختك بالبداية اكيد راح تفرح فيه وتهتم بس بعدين ما يندرى لانه الاطفال بسرعة يملون من الاشياء والهامستر روح مو لعبة لما يزهق منها يطقها الواحد

ثاني شي تقدرين تشترين لها واحد سواء ذكر او انثى وماقد سبق سمعت عن شي اسمع حيض الانثى بالنسبة للهامستر انا ربيت انثى لحالها قبل وما عانيت من شي من احلا ما يكون

وانصحك تشترين روسي لانه انظف من السوري

وبالتوفيق ان شاء الله

شكرا رعوود ... هي صح عمرها 9 سنوات بس لكن ما شاءالله عليها ذكيه وعندها اهتمامات علمية وتحب الحيوانات ... لكن حتى انا والله اقول مثلك يعني مهما كان هي تبقى طفلة ممكن ما تعرف تهتم فيه او يمكن تمل منه ... بس عندها اخو اكبر منها اكيد هو بعد بيهتم فيه معاها ...

انا قررت اشتري هامستر و اخليه عندي انا و اكتسب خبرة ولو بسيطه وبعدين اجيب لها هي واحد علشان اقلها اكون اعرف الهامستر و طريقة التعامل معاه و الاهتمام فيه ..

وقررت بعد انه يكون روسي علشان مثل ما قال ساموو يلعب كثير وانت تقول انه انظف يعني مميزاته افضل من السوري ...

شكرا مرة ثانيه ...

SleepyMiracle · 08-01-2008, 03:13 PM

اقتباس:

المشاركة الأصلية كتبت بواسطة سامووو

اخوي رعووود الاناث تحيض
انا مربي قريب ال 100 هامستر من الصغر
ووجد الكثير من الاناث تحيض
تقبل مروري

شكرا لك ساموو ... الظاهر اني بآخد ذكر ...