كيف أروض بلبل كبير

[H.B.H]

مساء الخير
أول شيء بعلمكم أني ما فكرت أربي بلابل لأن على اللي أسمع أنهم حساسين ويبغى لهم تربية خاصة وما أدري ايش.....
بس السنة من فقرات حفل التخرج في فقرة أسمها فقرة الأمنيات المديرة مسويتها ووزعت الأوراق قبل الحفل بأسابيع طبعاً أنا من جنوني بالطيور كتبت لها أبي زوج من الطيور وسلمت لهم الورقة وما كنت متوقعة أنها تسويها
بس يوم الأثنين يوم حفل التخرج أنصدمت لمن قالت لي يلا يا فلانة قومي اخذي أمنيتك زوج من الطيور<<<<أغرب أمنية بالحفل
لمن رحت وخذتهم ما كان على بالي نوع معين شفت المديرة شارية لي زوج من البلابل حبيتهم طبعاً على طول
بس المشكلة أن من عطتني مو مرتاحة للقفص أحس أنه صغير وحطيت لهم شوية تمر مع بيض مسلوق وبرتقال ورز مسلوق وتعودوا على الأكل والمكان تقريباً بس ما تعودوا علي يعني أسمعهم يغردون بس إذا أقرب منهم يبدأون يطيرون
سؤالي....
وش أسرع طريقة تخليهم يتعودون علي طبعاً بدون التجويع
وكم مقاسات القفص اللي ممكن يفرخون فيه<<<<<على شان أودي للمديرة السنة الجاية فروخهم على طلبها
وهل ممكن يعيشون بشكل فردي ولا لازم أشتري معاهم أزواج ثانية
ووش الأكل اللي ممنوع أني أحط لهم؟؟
باقي سؤال...عادي أحط لهم من أكل ومكملات غذائية للزيبرا؟؟ لأن المكملات فيها دود مجفف وأشياء ثانية ما عرفتها
وعذراً على إطالة الموضوع