اتمنى تدخلون وتحلون مشكلتي

[نعنع المدينة]

السلام عليكم :
انا عضوة جديدة من المدينة
قريت مواضيعكم عن الببغاوات ومرة عجبتني خاصة اللي يكتبون اقتباسات من كتب (من جد تسلمون وفرتو علينا)
انا عندي ببغاء نيجيري عمره تقريبا سنتين وخمسة شهور اشتريته وعمره عشره شهور اسمه كريري (مو محبة بلاعب الاتحاد بس انا من زمان احب اقول اسم كريري يعجبني نطقه)عانيت معاه معاناة. اصلا اول مااشتريته كان يجاعر بصوت عالي كانهأاسد وكنت راح ارجعه لصاحب المحل كنت راح اصيح انا ماسكة القفص حقه وارتجف راعي المحل قاعد يضحك عليا وبقولي لا تخافين هوه يصرخ كذا عشان مو متعود عليكي
المهم مرت الايام وصار مرررره طيب وصرت مو بس احبه اعشقه
حتى لمى ارجع من الجامعه يطلع من القفص ويصفرلي كانه اشتاق لي
وهوه زمان كان مرره يخاف من بابا ولمى يجي بابا يطير عليا كانه يبغى يستنجد بيه وانا اشرد
المشكله انه ذحين صار انا احاول اخليه يركب على يدي وهو يعضني مع انه يحبني لمى اعطيه مثلا اصباعي يعضه بشويش لكن يدي هيه المشكله هههههه
عشان كذا ابغى اسأل هل فات الاوان على تدريبه انه يركب على يدي اولا ؟
وصراحه انا مااحاول كثير واحس اني اهملته بسبب الدراسة والجامعه خاصة من ناحية النظافه
ايوا صح كمان في شي ثاني عنده مشكله انه الى الان مو راضي ياكل شي غير الحب الاسود لمى اعطيه مثلا تفاح يرميه لكنه يعشق كل انواع العصيرات اصلا لمى بشوفني اشرب اي شي يطير عليه
والسؤال هوه هل العصيرات الطبيعيه تكفي بدال الفواكه ؟
على فكرة هوه ماعنده مشكله بالكلام يتكلم ويقول اسماء العيله كلها حتى الشغاله

[waleed300]

الله يخلية لك عاد الاسم مرة حلووووو وراح تلقين الجواب الكافي من الأخوان الافاضل

[الطاير]

وعليكم السلام ورحمة الله وبركاته ...

حياك الله معنى في هذا المنتدى الرائع ,,,

وانشاءالله تفيدين معنى وتستفيدين ,,,,


واما بخصوص الاسئله ...

فأبداَ مافيه شي اسمه فات الوقت ,,,,
دائماَ فيه فرصه ان الواحد يدرب طيرة ويغير وضعه ... حتى ولو تم معاك 20 سنة

الصعود على اليد ... يبغاله تحمل شوي وشوية اي ييي

لاكن في النهاية راح يصعد ... وتسيرين وياه سمن على عسل ,,,



انتظري ردود الاخوان الاكثر خبرة ..
وهم راح يعلمونك بكل شي ...





تحية
الطاير

[كاسكو البحرين]

سنتين وخمسة شهور ولم يتم تدريبة الصعود على اليد
مو صعب التدريب ولكن يكون أكثر كلفة في الوقت مقارنة بالطيور الأصغر سنناً وخاصة الطير اللي لم تتجاوز السنة ، لم يفت الأوان ولكن بالتدريب المستمر وبإصرارك سيستجيب التمرين ان شاء الله

بالنسبة الى الأكل سنتين وخمسة شهور ما ياكل الا الحب الأسود
التفاح يقدم للطير بدون البذور اتركي التفاح بدون الحب ولاتعتمدي على الحب فقط

العصير الطبيعي لا يأثر ولكن لا يغنيه عن الفواكه الطازجة

ملاحظة: نظافة القفص في هذا الفصل (الصيف) مهم تجنباً للأمراض وحتياج الطير للإستحمام مهم جداً

تحيتي