إستفسارات كثير الي بيدخل يجيب معه شاي :D الجزء الثاني

[M6r6E3]

السلام عليكم ورحمة الله وبركاته

.

رجعت لكم بعد الجزء الاول واسف انه استفساراتي على اجزاء

رابط الجزء الاول للإفادة يعني هـــــنــــا

هالمرة الأسئلة شوي متعبتني صراحه الاولى اشياء بدائية والحمدلله تخطيتها بمساعدتكم
والحين الاشياء الي مؤرقتني

نبدأ

1- انا من حبي لها كسرت الرخام وسويت لها حديقة صغيرة زرعتها بنفسي بس المشكلة لا تركتها مربوطة تعمل كذا وتقهرني والحل ؟





2- الحين بخصوص تعليمها النباح على الطلب > قلبتها mbc fm المهم اغلب المواضيع الي قريتها ان اخليها مربوطة واوخر اكلها عنها وهي تصرخ بس المشكلة وين !! انها ما تصرخ اذا وخرتوا تسحب علي وتروح تنام والحل ؟



3- الحين اذا خليتها مفلوته بالحوش ما تصرخ نهاااائيا بس اذا ربطتها تقعد احيانا ساكته شوي وبعدها ما تسكت من النباح والحل ؟




4- امر الـ down ما تسويه الا اذا معي تريت ومررته عليها ولتحت وتسحب علي كل شي اوكي sit و لو اناديها تجي وكل شي الا هذا مستعصي علي والحل ؟؟




5- امس كنت عازم رجال كبير عندي البيت ومطوع بعد من دخل من الباب نطت عليه فرحانه ومدري ليش فرحانه الصراحه هي مخبولة ولا تبي تقهرني ؟




6- الشي المهم والي قهرني جدا ً !! اليوم قبل شوي الفجر طلعت احط لها اكل المهم فكيت الليش عنها وقلت بطلع الشارع بشوف تعلمت انها ما تطلع ولا لا المهم انا لابس سروال وفنيلة وحافي بعد الا وتجري وتلف بي الحي كله والله اكثر من 5 كيلو وراها تطالع فيني لا مشيت تجري الين ضحكت عليها وقفت بعيد وناديتها وقلت لها up up وجت ومسكتها المشكلة اخاف تكررها مع احد من البيت هل هلمشكلة لها حل ؟



وفي النهاية اشكركم مره ثانية والى لقاء قريب في الجزء الثالث < فيها ثالث بعد

[Nona999]

وعليكم السلام ورحمة الله وبركاته

عادي اخوي لسى ماشفت شي مرات يسوون حركات تتعجب منهم وبنفس الوقت تضحك عليهم

وعادي اسأل اي وقت احنا بالخدمه

-----

١- اخوي شي طبيعي تسوي كذا يمكنها تحس بالحر والرخام ابرد لها لا ننسى ان الكلا من ذوات الدم الحار " اي انهم يختزنون الحراره داخلهم " وماعندهم غدد عرقيه ف تسوي كذا عشان تبي البراد او تخاف من الزرع " قصر الليش شوي او اتركها وبين ان الوضع مايفرق معك

لان الكلاب اذكياء جداً يسوون حركات يستعطفون اصحابهم فيها

-------------

٢-جرب التريت بدال الاكل او الكوره المحفوره مع الفول السوداني

---------------

٣-الحل انك تتركها يعني اربطها فوقت يكونون الناس صاحين عشان ماتزعج الجيران او شي و اتركها تنبح ولا تروح لها ولاتقول شي اتركها بتشوفها تنبح نص ساعه، ساعه بعدين تسكت

--------------

٤-اخوي قلت لك سابقاً جيب التريت وخلها تطبق الامر اول مرا عطها ثاني مرا لاتعطيها وهكذا وبعدين خلها مرا تعطيها مرتين ماتعطيها

---------------

٥-ترحب بطريقتها الخاصه اخوي الله يرضى عليك اذا عزمت اي احد اربطها او دخلها بيتها لاتفلتها عشان ماتحطك بموقف محرج

-----------------


٦-لما تبي تجرب هذي الحركه مرا ثانيه خلها بالليش بس لاتمشكه ولا تفتح الباب ع الاخر افتحه شوي واذا حاولت تطلع صحح سلوكها

الافضل انك تدرب كلبك مثل الي عندي اذا جيت تطلع و وقفت عند الباب يجون ويجلسون جنبك تفتتحه وانت تطلع بالاول " هذا شي مهم " بعدين هم يطلعون طبعاً سوها بالليش شوي شوي تتعلم حتى لو باب البيت كله مفتوح ماتطلع تجلس عند الباب وتتفرج بس


--------

وننتظر الجزء الثالث

بالنسبه المشي الفجريه تنصحنا فيها ؟ p:

لك كل الاحترام والتقدير

موفق

[M6r6E3]

المشاركة الأصلية كتبت بواسطة Nona999

وعليكم السلام ورحمة الله وبركاته

عادي اخوي لسى ماشفت شي مرات يسوون حركات تتعجب منهم وبنفس الوقت تضحك عليهم

وعادي اسأل اي وقت احنا بالخدمه


-----

1- اخوي شي طبيعي تسوي كذا يمكنها تحس بالحر والرخام ابرد لها لا ننسى ان الكلا من ذوات الدم الحار " اي انهم يختزنون الحراره داخلهم " وماعندهم غدد عرقيه ف تسوي كذا عشان تبي البراد او تخاف من الزرع " قصر الليش شوي او اتركها وبين ان الوضع مايفرق معك

لان الكلاب اذكياء جداً يسوون حركات يستعطفون اصحابهم فيها

-------------

2-جرب التريت بدال الاكل او الكوره المحفوره مع الفول السوداني

---------------

3-الحل انك تتركها يعني اربطها فوقت يكونون الناس صاحين عشان ماتزعج الجيران او شي و اتركها تنبح ولا تروح لها ولاتقول شي اتركها بتشوفها تنبح نص ساعه، ساعه بعدين تسكت

--------------

4-اخوي قلت لك سابقاً جيب التريت وخلها تطبق الامر اول مرا عطها ثاني مرا لاتعطيها وهكذا وبعدين خلها مرا تعطيها مرتين ماتعطيها

---------------

5-ترحب بطريقتها الخاصه اخوي الله يرضى عليك اذا عزمت اي احد اربطها او دخلها بيتها لاتفلتها عشان ماتحطك بموقف محرج

-----------------


6-لما تبي تجرب هذي الحركه مرا ثانيه خلها بالليش بس لاتمشكه ولا تفتح الباب ع الاخر افتحه شوي واذا حاولت تطلع صحح سلوكها

الافضل انك تدرب كلبك مثل الي عندي اذا جيت تطلع و وقفت عند الباب يجون ويجلسون جنبك تفتتحه وانت تطلع بالاول " هذا شي مهم " بعدين هم يطلعون طبعاً سوها بالليش شوي شوي تتعلم حتى لو باب البيت كله مفتوح ماتطلع تجلس عند الباب وتتفرج بس

--------

وننتظر الجزء الثالث

بالنسبه المشي الفجريه تنصحنا فيها ؟ p:

لك كل الاحترام والتقدير

موفق

شكرا لك استفد كثيراً

[MAX2012]

ما شاء الله مشرفتنا نونا ما قصرت

الله يعطيها العافية

اجابات كافية

[الحمداني 2]

وعليكم السلام ورحمة الله وبركاته،،،

أخي العزيز ، المشكلة الأولى والأخيرة لديك هي مشكلة التدريبات .

الحل
- الدخول إلى قسم تدريب الكلاب - تمارين الطاعة
- البدء من البداية وبعد فهم واستيعاب كل تمرين تطبيقة نصاً ودون اجتهاد رأي أو تغيير مهما كان طفيفاً
- وبعد شهر من اليوم تنتقل إلى تمارين الطاعة المتقدمة .
- عليك قراءة موضوع تعليم الكلب من هو القائد

تحياتي

[ابن سورية]

الاخوة ماقصروا

[اصطيف]

مشرفتنا ما قصرت

بس عندي اضافه بنسبه للخروج بدون استئذان

بقولك الشي الي انا اسويه مع كلابي والحمد لله جابت نتيجه .

اول شي يكون مربوط وتكون السلسلة متروكه اتجه على باب الخروج بدون ما تحسس الكلب انك مهتم فيه

ولا تلتفت عليه اذا كان وراك افتح الباب شوي بس فتحه بسيطه ما يقدر الكلب يطلع راسه راح يحاول الكلب على طول

انه يطلع اعطية الأمر ( ادخل ) اذا ما سمع الأمر على طول اعطيه الأمر الثاني ( ادخل )

طبعا الكلمات على حسب ما عودته . الامر الأول بصوت منخفض / بصوت متوسط /بصوت مرتفع وقفل

الباب واتجه على القفص وافتح باب القفص واعطية الأمر بصوت عالي ادخل بيتك . واحبس الكلب .

هاذي الخطوه الأولي.

الخطوة الثانيه كلعادة انتى طالع الفجريه امسك السلسله وافتح الباب الكلب راح يطلع قبلك (متحمس ومنتظر من اول

الليل موعد الخروج بفارغ الصبر ههههه ) مهمتك انك ما تسمح للكلب انه يطلع قبلك يعني اسحب الكلب ورجعه مره

ثانية واطلع انتى اول شي راح تلاحظ ان الكلب يزاحمك على الخروج اطلع وارجع اذا حاول يطلع قبلك اعطيه امر النهي

(لا ) حط رجلك على كتف الكلب وادفع الكلب مع امر النهي (لا) راح يرجع خطوه او خطوتين بهاذي الفرصه راح تكون لك

اولويه تطلع انت قبل الكلب وراح يطلع بعدك طبعا وانت ما سكه بسلسلة وعيد الكره مره ثانية وثالثة بنفس الوقت واذا

ما استجاب وحسيت الدعوه عناد احبسه في القفص وهون من الطلعه . وخليها لثاني يوم وعيد الكرررره مره ثانية .

ممكن ترجعه للقفص او تخليه في البيت وتحرمه من الطلعه انتى وضميرك .

اسف انا طريقتي شعبيه يعني تقدر تقول على الفطره بس الي اعرفه ومتأكد منه ان الكلب اذا حب راعيه راح يسوي

كل شي انتى تتمناه .

بس الدعوه مو بسهوله هاذي يعني وحده وحده .

اتمنى اكون افدتك بخبرتي المتواضعه او العشوائيه . ههههههه تحياتي لك .

[عاشق حيواني]

ما شاء الله على كلبتك الله يخليها لك

[M6r6E3]

المشاركة الأصلية كتبت بواسطة الحمداني 2

وعليكم السلام ورحمة الله وبركاته،،،

أخي العزيز ، المشكلة الأولى والأخيرة لديك هي مشكلة التدريبات .

الحل
- الدخول إلى قسم تدريب الكلاب - تمارين الطاعة
- البدء من البداية وبعد فهم واستيعاب كل تمرين تطبيقة نصاً ودون اجتهاد رأي أو تغيير مهما كان طفيفاً
- وبعد شهر من اليوم تنتقل إلى تمارين الطاعة المتقدمة .
- عليك قراءة موضوع تعليم الكلب من هو القائد

تحياتي

اخي العزيز الحمداني هي تطبق كل شي اقوله لها الا امر DOWN يعدني امور الطاعه والطاعه المتقدمة مخلصها منذو مبطي

المشاركة الأصلية كتبت بواسطة اصطيف

مشرفتنا ما قصرت

بس عندي اضافه بنسبه للخروج بدون استئذان

بقولك الشي الي انا اسويه مع كلابي والحمد لله جابت نتيجه .

اول شي يكون مربوط وتكون السلسلة متروكه اتجه على باب الخروج بدون ما تحسس الكلب انك مهتم فيه

ولا تلتفت عليه اذا كان وراك افتح الباب شوي بس فتحه بسيطه ما يقدر الكلب يطلع راسه راح يحاول الكلب على طول

انه يطلع اعطية الأمر ( ادخل ) اذا ما سمع الأمر على طول اعطيه الأمر بلأشارة اتجاه اصباعك على الداخل وناظر بعين الكلب بتكشيره ( يعني ملامح وجهك تدل على الغضب من تصرفاته )

طبعا الكلمات على حسب ما عودته . الامر الأول بصوت منخفض / والثاني بصوت متوسط /والثالث والأخير بصوت مرتفع وقفل باب الشارع يعني يفهم الكلب انك هونت بسبت تصرفاته المزعجه واتجه على القفص وافتح باب القفص واعطية الأمر بصوت عالي ادخل بيتك . واحبس الكلب .

هاذي الخطوه الأولي.

الخطوة الثانيه كلعادة انتى طالع الفجريه امسك السلسله وافتح باب الشارع الكلب راح يطلع قبلك (متحمس ومنتظر من اول

الليل موعد الخروج بفارغ الصبر ههههه ) مهمتك انك ما تسمح للكلب انه يطلع قبلك يعني اسحب الكلب من السلسلة راح يرجع خطوه او خطوتين وتكون لك الأولويه انك تطلع قبل الكلب وهو بيكون وراك بضبط

اطلع انتى اول شي راح تلاحظ ان الكلب يزاحمك على الخروج اطلع اذا حاول يطلع قبلك اعطيه امر النهي

(لا ) حط رجلك على كتف الكلب وادفع الكلب مع امر النهي (لا) راح يرجع خطوه او خطوتين بهاذي الفرصه راح تكون لك

اولويه تطلع انت قبل الكلب وراح يطلع بعدك طبعا وانت ما سكه بسلسلة وعيد الكره مره ثانية وثالثة بنفس الوقت واذا

ما استجاب وحسيت الدعوه عناد احبسه في القفص وهون من الطلعه . وخليها لثاني يوم وعيد التمرين مره ثانية .

ممكن ترجعه للقفص او تخليه في البيت وتحرمه من الطلعه انتى وضميرك .

اسف انا طريقتي شعبيه يعني تقدر تقول على الفطره بس الي اعرفه ومتأكد منه ان الكلب اذا حب راعيه راح يسوي

كل شي انتى تتمناه .

بس الدعوه مو بسهوله هاذي يعني وحده وحده .

اتمنى اكون افدتك بخبرتي المتواضعه او العشوائيه . ههههههه تحياتي لك .


ملاحظه : انا كررت الرد لأني غيرت بعض المصطلحات بس وقت التعديل انتهي واطريت اني انسخه واعدل عليه اكرر اسفي

يخوي انت طريقتك زينه ازين من الي علمته عليها انا فتحت اليوتيوب وشفت واحد بريطاني مهايطي يقول للكلب اجلس ولا تطلع قلت بجرب عملتها اول مره الا ما طلع ممكن يقول الكلب عني وش هالدلخ لأني طلعت بره اناقز بشوف يطلع او لا بعد ما اكتسبت الثقة اني مدرب كثير ثاني مره فتحت الباب بثقة الا راح
يالله نتعلم احسن ان شاء الله

[Nona999]

اخوي شد عليها ولا تدلعها كثير ~> اسأل مجربه

واذا جيت تدربها اربطها بالليش وخلها تكون قدامك ولا تعطيها تريت كثير و انا افضل تدربها على " تواصل العين "

اي انها اذا جلست قدامك تشوفك مو تشوف التريت الي بيدك

وانا افضل تستبدل التريت بالكليكر افضل ويمكن البعض يقول استبدله بصوت ولكن انا قلت كليكر لان بعض الكلاب غير مباليه وتنتبه اذا سمعت صوت غريب

وطريقة اخوي اصطيف صحيحه وانا اتبعها ايضاً

وهذي ايضاً كلمة اخي جاسم يعطيه العافيه ~> كلبتك تحبك بس ما تحترمك او مو عارفه كيف تحترمك

علمها وساعدها عشان تحترمك

و. دامك انسان حريص ع كلبته صدقني بتكون كلبتك قمه بس انتظر عليها

موفق