هامسترتي ولدت 2 بس !!

[HIKKA]

السلام عليكم وحمة الله وبركاته
ده اول موضوع ليا في المنتدي وده احسن منتدي لقيته بيتكلم عن الهامستر انا عندي سؤال وان شاء الله تفيدوني انا عندي هامسترايه ما اعرفش سنها بس هيا حجمها كبير وما كنتش اعرف انها حامل بس انا اصلا فاصل كل الهامسترات عن بعض وفجاه لقيت الهامسترايه دي ولدت بس ولدت 2 بس مع اني قريت انها بتولد من 5 الي 18 واحد فا عايز اعرف انها تولد 2 بس ده عادي ولا ايه وكمان عايز اعرف في طريقه اعرف بيها سن الهامستر ولا لأ وشكرا جدااااا واسف لو طولت في الكلام

[HIKKA]

نسيت حاجه كمان معلش الهامسترات النهرده ده اليوم التالت ليهم وفي واحد منهم مات تاني يوم

[عاشق الهاامستر]

اولى مبروك عليك

ان كانت اول ولادة لها فهذا طبيعي

لان اول ولادة تولد أطفال قليل

لأكن في الولادة الجاية أكثر ان شاء الله

بس ممكن نوع إلهاامستر و صورة ان وجد

[HIKKA]

الله يبارك فيك
تسلم علي ردك
بس خلاص التاني مات
وهيا مش اول ولاده انا واخدها من واحد وبيقللي انها شغاله بتجيب علي طول يعني بس انا ما كنتش اعرف انها حامل فا كنت دايما امسكها والاعبها وكده فا خايف يكون السبب ده مني وكمان هيا ما كانتش بتراعيهم كويس كانت دايما تسيبهم وتمشي او تنام بعيد عنهم فا ياريت تفيدني عشان اتعلم من الاخطاء اللي حصلت وياريت لو تعرف تقولي سنها من الصور دي وبجد متشكر جدا علي ردك

[HIKKA]

في سؤال كمان انا عارف اني تقلت عليكم معلش هيا دلوقتي قدامها قد ايه واحط معاها الدكر تاني عشان تكون ارتاحت من الحمل والرضاعه اللي هيا كانت مقصره فيها

[Mad Mood]

المشاركة الأصلية كتبت بواسطة HIKKA

في سؤال كمان انا عارف اني تقلت عليكم معلش هيا دلوقتي قدامها قد ايه واحط معاها الدكر تاني عشان تكون ارتاحت من الحمل والرضاعه اللي هيا كانت مقصره فيها

السبب انها أكلت بقية أولادها

أكيد الأم ما كانت مرتاحة في بيئتها الجديدة..

أو ان الأكل قل عليها.. وفي أسباب كثيرة أخرى تدفعها لأكل صغارها أنصحك بالقراءة عنها

بالنسبة لعمرها ما يتجاوز 5 أشهر

الذكر دخله بعد اسبوعين.. هذا إذا تمو الاثنين الصغار عايشين.. وإذا ماتوا أو أكلتهم دخل الذكر باي وقت

[HIKKA]

ها يا جماعه مين هيرد عليا في اسئلتي في اخر ردين ليا

[HIKKA]

شكرا جدا يا Mad Mood بس هيا ما كلتش اولادها هو واحد مات اليوم التاني ليه وواحد مات اليوم التالت وبس كده