ساعدوني بليززز الكاسكو مدري وش فيه

[بيتوا]

السلام عليكم ورحمة الله وبركاتة


أسعد الله ايامكم وايامكم بالخير والمسرات يالغاليين اليوم جد ابي فزعتكم معي ومساعدتكم لاني جد احترت وتعبت ولا عرفت وش اسوي


انا الله يسلمكم اشتريت ببغاء كاسكو وله عندي قريب 7 شهور اول ما شريته كان صغير ما يسوي شي انا دربته وعلمته وماشاء الله تبارك الله الحين يصفر ويتكلم ويطلع على كتفي وياكل من يدي ويد اهلي واطلع بيه الشارع اسوق وهو على كتفي واخر فله بس ما يرضى اي احد يمسك صدره يعض وعضته قوووووووووووويه يدي كلها جروح لدرجه الجلد يطلع بس هو اليف مره اقدر انيمه على يدي عادي بس اذا جيت مسكت الصدر يقلب وحش عندكم لهالشي وايش واسوي لمنقاره عشان مرررا حاد ماشاء الله


وفي شي ثاني الحين له 3 شهور بس ينتف في ريشه ويحك بمنقاره جسمه ويطلع منه ريش ابيض خفيف وحاولت معاه كل الحلول حطيت له صبار ما نفع وديته للدكتور قالي مافيه شي واعطاني بخاخ وفيتامين ينحط في المويه لونه اصفر والي قالقني انه اذا خفت على ظهره يطلع من ريشه غبااااار وهو لمن يحك راسه يطلع منه قشره مع العلم اني اروشه واهتم بنظافة القفص وانوع له في الاكل بس مو دايم لانه التنويع قريت مو كويس


بس والله ماشاء الله هو نشيط ويصفر ويلعب وكل شي ماشاء الله ويتمشى في البيت بس ليومكم هذا ما يطير وله الحين 3 شهور الريش الي نتفه من ذيله ما طلع وش اسوي


هذي صور قديمه له







وهنا هو نايم يا حبيلك يا بيتوا




وهذي صور جديده له يا بعد قلبي ذيله ما طلع من زمان تهي تهي تهي





وهنا بعد ما كان صدره كله ريش رصاصي الحين بس ريشات معدوده تهي تهي تهي






وهذي صورة للريش الخفيف الابيض الي يطلع منه







الحين يالغاليين بالله ساعدووووووووووووووووووووني هذا التنتيف هو تبديل ريش وشي طبيعي ولا ايش السالفه والريش الابيض الخفيف هذا ايش والغبار وش سببه

وبديت اشوف ريش رصاصي صغير بدا ينمو فيه كانه دبابيس


تقبلو خالص تحياتي واحترامي لكم