مشكلتي مع كوكو الدلوع

[ترم ترم]

السلام عليكم ورحمة الله وبركاته

اول مشاركه لي بالمنتدى الجميل وان شاء الله الاقي عندكم الاجابات الوافيه بما انه ماعندي خبره

بالطيور ندخل بالموضوع على طول مشكلتي مع كوكو ببغاء من النوع الافريقي ابقول القصه من البدايه

معه وكيف روضته اول شي الببغاء كان تبع اخوي قبل لاصادره انا

اول لقاء بيني وبين كوكو كان بقفص وكل شوي ادخل يدي عليه وكان يعضها والحمد لله يومين اللى وهو راقي على كتفي ولا صار يعضني

ولايحب احد غيري كل ماااحد مد يده عضها ويدافع عن نفسه مايبي احد يلمسه غيري

المهم بعدها بدت المشكله اللى هي اني كل ماارحت عنه قام يصارخ ويزاغق وسوي ازعاج

مثل البزر اذا راح عنه ابوه واذا رجعت سكت نفس الشي اذا سمع صوتي من بعيد صار يصارخ

عشاني اجي عنده واذا جيت سكت وش الحل معه عشان يحب اكثر من واحد ويحس

بالامان ويسكت اذا رحت عنه

واسف على الاطاله وعندي بعد كم مشكله معه وتساؤلات عن الببغاء

= مشكلتي معه اذا جيت اسبحه وحطه تحت الدش وشغل المويه وينحاش احس انه طمل مايحب السباحه لازم بالقوه اسبحه

= المشكله الثانيه انه يموت على الفول السوداني ياكله بشراهه اذا حطيت له فول سوداني وحب شمسي ترك الشمسي وكل الفول السوداني مدري هل يأثر عليه كثرة الفول السوداني

مع اني باليوم يمكن اعطيه 4 حبات

وتساؤلات

=هل اذا وكلت الببغاء عسل كل يوم يكون اليف ولا يعض احد

= هل المويه اللي تحطها للببغاء لازم باليوم تغيرها اكثر من مره لانه يطلع ماده سامه من منقاره

يمكن تسبب بوفاته

وشكرا واسف على الاطاله واعتذر عن الاخطاء الاملائيه

[BLACK KOKO]

بداية الف مبروك الطير ويتربى بعزك ...


<<<<< فلسفة تايم

الطير طالما حس بالامان معاك فهذا شيء إيجابي لك وله
والطيور سبحان الله حساسه جدا وتحب اللي يراعيها ويعطف عليها
نفس الاسلوب اللي اتبعته مع طيرك خلي كل البيت يتبعه معاه
وبإذن الله راح يكون متوالف مع الكل ،،

بخصو ص الترويش ..
طالما الطير من النوع اللي يشرد من تحت الدش
فأنا انصحك بأن تروشه بالبخاخ الخاص بالشعر


بخصوص الفول السوداني الاقلال منه افضل لصحة الطير
لأنه يحتوي على دهنيات عاليه قد تسبب له تخمه لاقدر الله
حاول تعطيه فواكه وخضار

بخصوص العسل ..
أنا عن نفسي استخدمه معه وقت اللعب فقط

ويارب أكون أفدتك ،،

تحياتي لك ،،

[*هاوي البادجي*]

عاد كنت كاتب شرح وافي عن مشكلتج

بس طلع النت فاصل

وطقيت اضافه رد

وبعدين راح الكلام

للاسف
ومالي خلق اعييده

[سكر]

فواز هههههه

اخوي الله يبارك لك فيه


مثل ماقال البياع حقنا ابو غزل »» حبتين ههههه

البخاخ افضل ولا تغصبه ع الترويش الا في الحالات الخاصة مثل الاتساخ بسبب اشياء معينه


والموية غيرها بشكل يومي»» العسل يساعد بعض الاحيان

لكن الافضل توفير ستاند له


الفول السوداني مايحبه كثير لكن يحب القرمشة حقته وتلاقيه يرمي اكثرها

وبطبع الببغاء يحب يتعب في الاكل عشان كذا يميل للفول يقشره ويطلع اللي جوته وينبسط


حاول توفر له اغصان صغيرة ويلعب فيها ويقشرها ويكسرها براحته وغيرها كل فترة


ولو تةفر له صحن تحط فيه تراب يكون افضل



تحياتي

[المكاو الأسترالي.]

غلبتني يا سكر ما أقدر ازيد فوق كلامك

[ترم ترم]

الله يعطيكم العافيه على الترحيب فيني والالتفات لموضوعي

مشكور على ردك اخوي BLACK KOKO حاولت اخليهم يتبعون نفس الاسلوب سويت فاهم عليهم قلت خلو يعضكم كم مره وراح يحبكم ومسكين اخوي قرط بيده وقطع اثيابه ومافي فايده مايبني احد غيري

= بس وشلون اعطيه عسل اذا بغيت العبه ماعمري لعبته غير اني انزله بالارض ونحاش وهو يلحقني


*هاوي البادجي* والله مالومك . ردك على الموضوع يكفي والله نفس الشي صار لي يوم كتبت الموضوع نسيت احفض اني مجسل وعدة كتبته مره ثاني

سكر مو مصدق انك شرفت موضوعي كنت اذا بغيت معلومه عن الببغاء اكتب بقوقل يطلع لي موضوع لك ماشاء الله عليك

وبالنسبه للبخاخ ان اروشه فيه بس قلت ودي اجرب طريقه ثاني لاني شفت مقاطع لطيور ثانيه تحب تسبح بالدش ولاتخاف مثله

والحمد لله عنده ستاند اكثر وقته عليه ومايحب القفص

وبالنسبه لتراب هل لازم احطه معه حصى صغار لاني سمعت ان بعض الطيور تاكل الحصى الصغير

عشان يساعد على الهضم بس مدري هل يفيد اللبغاء وله يضره

المكاو الأسترالي. مشكور على مرورك على الموضوع