سؤال ؟؟؟؟؟؟؟

[عاشق جيرمن شيبرد]

عند واحد من اصدقائي كلب يخاف من الكورة ياليت تفيدوني بسبب

[ma7mood al 7amad]

هـلا هـلا أخـوي ..

طيب أخوي موب اي كلب ما يخاف من الكوره يمكن هذي طبيعته وإنصحه يشتريله كوره صغيره لأن بعض الكلاب ما تحب الكور الكبيره وإن تواجدت الكوره الصغيره خليه يحبب الكلب فيها .

وإنتضر الخبراء عشان يفيونك

[Nona999]

اخوي مااقدر اجاوبك الا اذا جاوبتني على اسألتي ..

كم عمره ..؟

الكوره ايش حجمها..؟

متى اقتنى الكلب ..؟

هل الكلب لوحده او معاه كلب آخر ..؟

وبالتوفيق

[Abo_fahed]

ماشالله عليج يـ نونه

اسالتج كلها في محلها وكل جواب على الاسئله يعتبر حاله خاصه في الحل

لكن انا بضيف فكره بسيطه بعد ماتجاوب على الاسئله

لازالة اي خوف من الكلب للحاجات الجماد ( كره - مكنسه كهربائيه - سياره - لعبه تطلع اصوات )

انك تخلي اكل الكلب بجانب الشئ الي يخاف منه وتنطره ياكل الاكل عشان يعرف ان ماكو خوف من الشئ الي كان

يخاف منهواذا خاف وماحاول ان يتقدم للأكل بسيطه تخلي الاكل بعيد شويه عن الشئ الي يخاف منه

وكل مره تقربه شوي شوي الى ان تخلي الاكل فوق الشئ الي يخاف منه

طبعآ لاتنسى التشجيع بالصوت والمكافئات والتربيت على الكلب

-_-_-

تقبلوا مروري يالحلوين

واسمحيلي نونه على المقاطعه

لج كامل احترامي وتقديري

؛)

[Musab Pro]

غالبا الكلب ما يخاف من شي الا اذا كان تعرض لموقف سيء .

فياخذ انطباع سيء .. مثلا كان يضربونه بكوره او ما الى ذلك .

عموما جاوب اسئلة نونا وان شاء الله راح يكون فيه تفصيل اكثر اذا عرفنا تفاصيل المشكله اكثر .

تقبل مروري .

[medozena55]

انا امع راي مشرف قسم هواة الكلاب

[ahmedzen105]

طيب هوا لو الكلب معاة كلب اخر بيخاف يلعب بل كورة و يخاف يعمل اى حاجة ولا عادى؟

[عاشق جيرمن شيبرد]

عمره : ٣ سنين
حجم الكوره : حجم عادي
اقتناه : من يوم عمره شهرين
نعم الكلب لوحده

[Musab Pro]

المشاركة الأصلية كتبت بواسطة ahmedzen105

طيب هوا لو الكلب معاة كلب اخر بيخاف يلعب بل كورة و يخاف يعمل اى حاجة ولا عادى؟

نعم تحدث في بعض الاحيان وليس دائما .

الكلاب تعتبر نفسها دائما في قطيع ولازم احد الكلاب يكون مسيطر على الثاني .

و يظع المسيطر قوانينه . مثلا

ممنوع اللعب بالكره .. ممنوع الاقتراب من صاحبنا اذا انا موجود .. ممنوع الاكل الا بعدي .

وهكذا.

هذي الاشياء يعبر فيها عن طريق هجومه على الكلب الاخر وقت الاكل او وقت اللعب .

عشان كذا نحن ننصح دائما .. اذا تربي اكثر من كلب افصلهم فصل تاااام عن بعض

لتكون انت المسيطر .. وايضا لتكون شخصية الكلبين قويه .

المشاركة الأصلية كتبت بواسطة عاشق جيرمن شيبرد

عمره : 3 سنين
حجم الكوره : حجم عادي
اقتناه : من يوم عمره شهرين
نعم الكلب لوحده

3 سنوااات !! وضعه سيء .. اخي الكريم

ممكن يكون الكلب ما عنده بري درايف عالي او ما يحب الكره اصلا وليس خوفا منها .

اما اذا كان خوف واضح فالاحرى مثل ما قلت لك انه تعرض لموقف سيء من الكره .

اخي الكريم .

حنا عندنا كلاب تختلف درايفات و الاشياء اللي تزيد حماسها ويجب عليك فهم كلبك

وتدريبه على اساس سلوكه .

يعني اذا كان يحب الكره ،، دربه بالكره

اذا كان يحب الاكل اكثر ،، دربه بالاكل

اذا كان يحب الالعاب الاخرى ،، دربه بالالعاب الاخرى

اذا كان يحب العضم .. جيب له عضم كبير و دربه فيه

وهكذا ...


تقبل مروري .

[Abo_fahed]

اخوي مصعب ماقصرت بصراحة

مبدع كالعادة بارك الله فيك

-ـ-ـ-

اقتناه : من يوم عمره شهرين

احنا الي الحين نسألك

هل قد وضربته بالكره من قبل سواء :-

1 - متعمد

2 - بالخطأ

3 لم يحصل

هل يخاف من الكره من واهو :-

1 - صغير ( جرو )

2 - بعد ماكمل سنة او سنتين

3 - توه بعد ماصار ثلاث سنوات

كيف يخاف من الكره :-

1 - اذا شافها بالارض يوخر عنها ويبعد

2 - اذا حذفتها عليه بس يخاف

3 - اذا شافها بايدك ينحاش منك

اذا حذفت للكلب عصاة او لعبه شنو تشوف ردت فعل الكلب :-

1 - يخاف نفس الكرة

2 - يلحق العصاة/اللعبه

3- غير مبالي

ارجو الاجابه بدقه عشان اقدر افيدك بخصوص المشكله بارك الله فيك