ألا يوجـد محلات ترويض ثقه أو أشخاص موثوق فيهم للترويض بالرياض !

[شآآآدي]

أنا والله مالي في الطيور وإن كنت أحب الببغاوات لكن لم يصدف لي أن ربيت طير قبل كذا
وجاني ببغاء هديه قبل فتره وتوهقت في ترويضه حاولت أطبق كم طريقه لكن للاسف فشلت
وتأذى الببغاء فمره جيت بمسكه من رجوله واطلعه بايدي فطلع المره الاولى والثانيه بس الثالثه
عطاني عظه حسيت ايدي تكهربت من فمه اللي كنه ابو جلمبوو ومن عقبها وأنا خايف منه ماهوب العكس
الموهيم جربت طريقة ثانيه وهي اني امسكه بالفوطه
لكن للاسف سوا نفسه عباس بن فرناس وصك بالجدار
وجاته إصابه بجناحه ونزل دم
فوديته للبيطري قال بسيطه وعطاني فيتا مينات ورجع الوضع ولله الحمد طبيعي
اللي ابيه وزبدة الموضوع أبي ناس ثقات في الرياض او محلات أوديلهم طيري وأنا مرتاح
رغم إني وديته للي بسوق الحمام وقالوا بنروضه لك قلت طيب ابي فاتوره انك استلمت الطير قال لا ماعندنا ذا الكلام وفيه ناس نصحوني باللي برا المحلات اللي على الرصيف يعني قالوا
ترا يروضون طيور
بس بصراحه وإن كان الطير هديه الا انه غالي علي وقيمته بالسوق غاليه وماودي اعطيهم شي بارد مبرد
فياليت يااخوان من يعرف شخص ثقه يروض او محل ترويض يعطيني خبر وادعيله في كل وقت واكون له من الشاكرين

[ابو محمــد]

والله الترويض يحتاج وقت وصبر والافضل يرتاح لك الطير ويتطمن لك

وتزيد الثقة والعملية اسهل مما تتصور ونصيحتي لك تفتر على مواضيع

الترويض ماشاء الله كثيره واستمتع مع هذا الاسطوره ولا تعذب الطير

واحتسب الأجر ومثل ما قلت لك صاحب الطير افضل من غيره في الترويض

بالتوفيق لك

[الافندي]

تمام كلام الاخ ابو محمد ترة الببغاء لو اتروض عندك بيحبك ويتعلق فيك اكثر

[حب استطلاع]

الإفـــــادة عن طريق الخاص