يا اخوان وش السواة

[(المتألق)]

السلام عليكم ورحمة الله وبركاته..امابعد

يا اخوان ......

وما زال العرض أقصد ( العض ) مستمراً

يا اخوان عندي طير كاسكو

والله ما ادري وش اسوي معاه

اذا كان جوعان ما شاء الله تبارك يطلع على اليد وياكل من اليد وكل شيء زين

بس لما يصر شبعان

وتجي تبغى تطلعه على يدك أو توكله من يدك

تجيك ذيك العظه اللي يحبها قلبك

عظة ثعبان ولا عظة كاسكو

المشكلة مسوي نفسه بريء

تقرب يدك عادي بس خلها شوي قريبه من عنده ( ترجعلك مشوية )

والله يا اخوان تعبت معه وش السواة

جربت طريقة العسل معه ولا دخل مزاجه العسل

مع العلم ( ان عمره 7 شهور - وماله عندي اسبوع )

انتظر اجوبتكم و خبراتكم

تقبلوا خالص تحياتي المتألق

[يوفاوي الكويت]

بصراحه انت جاوبت علي روووحك

الطير ما صار له اسبوع عندك وتبيه علي طول اليف

الطير يبي له فتره علي ما يتألقم علي البيت وصاحبه

المطلوب منك الحين

انك تحط الطير علي ارتفاع متر او اكثر في مكان قعدتكم اليوميه علي شان يتعرف علي اهل البيت

وانت تخلي الطير ما تقرب له الا انك تحط له اكل وتغير له الماااااي وبس

وخلال الاسبوع هذا تحاول انك تجوع الطير وتعطيه الاكل من ايدك كم يوم وشوي شوي راح تشوف الطير

هداء شوي وبعد الاسبوع تطلع الطير بره القفص وتحاول تعطيه الاكل من ايدك وتمسح علي راسه

وانا انصحك انك كثر ما تمسح علي راس الطير راح تشوفه يهداء يعني لو تقعد بالساعات وانت تمسح علي

الطير ما يضر بالعكس راح يحبك اكثر وبعدها تطلع الطير علي ايدك وتمسح علي راس الطير

وراح تلاحظ ان الطير راح يترك العض

العض نتيجه طبيعه لانه غريب علي البيت وهذي الطريقه الوحيده الي يدافع عن نفسه الطير

اهم شي الصبررررررررررررررررررررر الطير ما صار له اسبوع عندك

[(المتألق)]

جزاك الله خير اخوي يوفاوي الكويت

نسيت اقولك ان الطير شاريه الليف من صاحبه ويوم رحت اشتري الطير من صاحبه

كان يطلع على اليد ولا يعض ابد

بس اول ما جبته للبيت بدا يعض

ولا يوم كان عند صاحبه كنت اشيله ولا يعض

[يوفاوي الكويت]

اي انتظر علي الطير لانه مو متعود علي المكان الجديد

كلها اسبوع او اسبوعين وتيعود عليك

بس انت الي تحط له الاكل وتغير له الماي يوميا بنفسك علي شان يعرفك

وحاول تعطيه الاكل من ايدك

وبالتوفيق يارب

[مس^^مس]

طيري صار له عندي 7 شهور مو 7 ايام .. وعمره سنه ونص .. ماشاء الله ..

ولسى يعضني .. وغني يالليل مطووولك .. الله يعيين

وانت توك ^^ بعد يبالك وقت شووويه .. ودام انو فرخ ماشاء الله بيتعلم بسرعه

الف مبروك ..

[يوفاوي الكويت]

المشاركة الأصلية كتبت بواسطة مس^^مس

طيري صار له عندي 7 شهور مو 7 ايام .. وعمره سنه ونص .. ماشاء الله ..

ولسى يعضني .. وغني يالليل مطووولك .. الله يعيين

وانت توك ^^ بعد يبالك وقت شووويه .. ودام انو فرخ ماشاء الله بيتعلم بسرعه

الف مبروك ..

انا اقول لج ليش للحين يعضج الطير يحاول يدافع عن نفسه وانتي خايفه

يعني لما تدخلين ايدج داخل القفص يبي يعضج وانتي بسرعه تسحبين ايدج

هو يفكر انج تلعبين معاه وتعود علي هالشي

جربي تلبسين قلافز جلد وتدخلي ايدج وتخلينه يعض وشوي شوي راح يترك العض الي هو يفكر انه لعب

[(المتألق)]

المشاركة الأصلية كتبت بواسطة مس^^مس

طيري صار له عندي 7 شهور مو 7 ايام .. وعمره سنه ونص .. ماشاء الله ..

ولسى يعضني .. وغني يالليل مطووولك .. الله يعيين

وانت توك ^^ بعد يبالك وقت شووويه .. ودام انو فرخ ماشاء الله بيتعلم بسرعه

الف مبروك ..

الله يبارك فيك ومشكور على مرورك العطر

[مس^^مس]

المشاركة الأصلية كتبت بواسطة يوفاوي الكويت

انا اقول لج ليش للحين يعضج الطير يحاول يدافع عن نفسه وانتي خايفه

يعني لما تدخلين ايدج داخل القفص يبي يعضج وانتي بسرعه تسحبين ايدج

هو يفكر انج تلعبين معاه وتعود علي هالشي

جربي تلبسين قلافز جلد وتدخلي ايدج وتخلينه يعض وشوي شوي راح يترك العض الي هو يفكر انه لعب

والله مااخاف .. احط له يدي وعن منقاره ..

بس بجرب القفاز .. واشووف وانا واثقه انو بيخاف منه بقووه ..

هو الالعاب يباله شهر الين يتعود عليها ..

الله يكون بالعوون .. مشكور يوفاوي الكويت ربي يعطيك الف عافيه

والسموحه من صاحب الموضووع ..

[مشاعل]

اذا عضك لاتبعد يدك عشان مايتعود انه بالعض يدافع عن نفسه

خله يعضك ولاتبعد يدك مره ومرتين وبالاخير ماعاد يعض اذا شاف انه ماياثر

وشوف اكل يحبه تعطيه اذا شافك وحاول تمسح على راسه كل ماعطيته

وكلها مساله وقت ويتعود عليك ويترك العض

[(المتألق)]

طيب يا اخوان ضروري مره

الكاسكو رجل من رجوله يعرج فيها

بس الرجول ما فيها لا دم ولا شيء

ممكن من كثر ما يطير ويطيح على رجوله

ممكن هذا السبب


تكفون وش السواة - ارجوا الرد الرد العاجل