وين المشكله وأيش الخطأ ؟؟؟ مأساه

[فريندو]

[CENTER]بسم الله الرحمن الرحيم
[RIGHT]
في البداية أحب اشكر جميع القائمين على هذا الموقع الفعال وأشكر جميع الأعضاء المميزين جداً

مأساتي اني اشتريت طير رمادي (سميته ليلو) حسب معلوماتي البسيطه انه صغير لأن عيونه كانت داكنه بس حجمه كان كبير ومحجل (يقول البايع انه هولندي). الطير كان أليف, يطلع على اليد وما يجعر ابد بس ما يتكلم. كان لطيف جدا الى درجة ان الكل كان يحبه ويستلطفه. تم عندنا حوالي الشهر وخلالها بدا يطلع شوية اصوات غريبه ومحاولات انه يقلد الأصوات وانا كنت مستانس واقول في نفسي "أخيرا لقيت الطير اللي تمنيته" (يا فرحه ما تمت)

فجأه بدأ الطير تقل حركته ونشاطه وحتى صوته تغير وصار فيه مثل البحه وخرشه بس انا اعتقدت ان هذا مجرد شي عابر وبيتحسن, لكن بعد تقريبا يومين صار ما ياكل وبدأ يسهل (الله يكرمكم). اخذته على الطبيب البيطري قال لي انه ماخذ برد لأن كنا في بداية الشتاء بس الجو مو بارد كثير,
وعطاني دواء (بودره) اسمه (Ampicol) وقال انه مضاد حيوي مع فيتامينات وطلب مني استمر عليه اسبوع. بعها بيوم صار الطير في حاله اسوأ واستمر بدون أكل ورجعت الى البيطري وعطاني نوعين من دواء واحد اسمه (Sacrolyte) & (Terramycin) وطلب مني اغره لأنه حتى المويه ما يشربها. حاولت اغره بس كان صعب وبعدين خفت انه يختنق ويموت في ايديني. بعدها بيوم مــــــــــــــات

يا أخوان وين المشكله ؟؟؟؟ تعتقدوا كان البرد هو السبب مع العلم ان الطير كان في داخل البيت وما يجيه أي تيار هواء ؟؟ من كثر التفكير انا اعتقدت انه من الأكل لاني قبلها كنت اشتريت للطير أكل من شركة (Versele-Laga) حسب ما كان مذكور على العلبه انه يحتوي على عدة عناصر غذائيه منها البيض والفواكه والمعادن الضروريه للطيور.

انا الحين مكسور وخاطري اشتري طير ثاني بس خايف اعيش نفس المأساه لأني ما ادري ايش كان السبب وليش الطير مات ؟؟؟؟؟

أخواني انا كلي ثقة بالله ثم بآرائكم الفعاله , أبي اطبق المثل اللي يقول "اسأل مجرب ولا تسأل طبيب" ولكم تحياتي واحترامي

مع كل التقدير