تعبتتت من الكاسيكو

[مدربي القواطي]

السلام عليكم



ياساده ياكرام ابي حل مع الكاسكو حقي والله مليت احس اني ودي اذبحه









له ثلاث شهور وانا شاريه مايجعر ولا يعض
لكن من دخل البيت وهو متوحش ولا يخلي احد يقرب منه وجربت طريقة الفوطه لكن مانفعت معه



وعضني عضه داااميه اللي عورني فيها عظمي مو الجلد وبس : (



اللحين عمره ١١ شهر ولا فيه اي نفع



ومن القهر رحت شريت مكاو وتعلم ووالف وطلع على يدي وبدا يتكلم




الكاسكو يقول كلام غير مفهوم لكن لو حس باي حركه يسكت ولا يتكلم

ومستحيل ياكل من يدي حتا لو ميت من الجوع ولا ياكل قدامي



قلتو يبي له صبر بس اللحين ثلاث شهور معقول هالمده كلها ولا والف ؟؟


كل يوم اجي من الدوام افتح له القفص واحطه عندي بغرفتي واحاول الاعبه ويتوزا اسفل القفص


افتح له القفص ومايطلع وانا موجود بس اقوم واطلع برا الغرفه على طول يطلع من القفص

واذا جيت ما كأني موجود وكآنه صنم مايتحرك ولا شي

واخليه ع حاله وانا اتفرج ع التيفي وعااادي الاخ لكن لو جت اغنيه سوا مروحه بجنحانه




في النهايه الان اشوفه ينتف في ذيله

وحالته متبهذله


ما ادري هل بهالبرد ينفع اسبحه ولا لا


واذا تنصحوني باحد يروض الطيور دلوني عليه وشرط يكون مجرب


شكرا لكم


اصبعي يعورني من العضه عشان كذا اكتب ببطئ

[ابونجاة]

الصبر ياخوي

وياخوي لا تخليه في القفص وحاول تمرنه كل فتره وثانيه ولا تبينله انك خايف لانه لو شاف انك خايف منه رايح تلاقيه يتشجع ويعض وحاول تمسكه بمنشفه وطلع راسه من المنشفه وحكه بستمرار في راسه ومسد عليه
ولا تنسي من الكلمات مثلا حكه
وبعد ما تطفش منه اعطيه مكافئه مثلا لوزه ولا تعطيه الوز دايم الا بعد كل تدريب
بعدها بفتره اشتري له استاند وحطه عليه طول اليوم وحاول تمسح عليه في الرايحه والجايه وتحاول تحك راسه طبعا مع كلمات مثلا حكه او هات راسك
شوي شوي رايح يولف معاك باذن الله

[الأحلام الذهبية]

تدريب الكاسكو يبيله صبر كبير ، وخاصة بعض الكواسكو راسهم يابس

اولا اخوي نصيحة لا تستخدم الفوطة لأنه الكاسكو راح يخاف أكثر


وانصحك انك تخيله بالاستاند أغلب اليوم و وقت النوم تدخله في القفص

وحاول توكله من ايدك لأنه بداية التعليم

وما انصحك تسبح الكاسكو لأن غالبية الكواسكو يكرهون الماي فما بالك بالشتاء !!

ودير بالك تغلط على الكاسكو لأن مراح ينسى وراح يظل يكرهك الى أجل غير مسمى ، حاول توطد العلاقة معاه

وبالتوفيق

[king of dragon]

اصبر عليه ولاتخاف منه راس طيرك يابس وانت ماتستلسم له طول فترة جلوسك معاه ولمن تمسكه بمنشفه حاول انك تشغله بيد وتمسح على راسك بيدك الثانيه
ودرب طيرك بنفسك لاتعتمد علي غيرك والكاسكو كل مااعطيته اعطاك
والله يوفقك

[مصيري]

يعني انت اشتريته فرخ؟

[redabagdadi]

كان الله في العون

[مدربي القواطي]

اشكركم على مروركم


ايه هو فرخ يوم اخذه كان عمره ٨ شهور

[d7me99]

اصبر وبس

اهم شيء في تربية الطيور الصبر

اذا نتف ريشه يعني معاه حاله نفسيه

بالتوفيق...

[redabagdadi]

يا أخي التعبان من الكاسكو

الطير حقك معصب ممكن أن تخليه يخفف من العصبية بإطعامه الخس ( الخس على رأي طبيب بيطري يحتوي على مضاد إكتئاب طبيعي و فعال ) بالإضافة لذلك أعطه قطع خشبية خليه يكسرها بيرتاح و بينفس عن عصبيته و بدك نصيحة جيب قصب السكر قشره و قطعه قطع بطول 5سم و قطع القطعة القطعة الى أربع أقسام و أعطيه للطير بيدك إذا رفض أكلها ضعها له بالقفص بحيث يعرف إنك أنت اللي وضعتها له و بالصبر إن شاء الله بيتحسن و

و الله ولي الأمر و التدبير