اشترك في نشرتنا البريدية ليصلك كل جديد

crazy1butterfly · 09-10-2010, 07:54 AM

السلام عليكم ورحمة الله وبركاته

كيفكم يا اعضاء تو زوو

ان شاء الله كلو تمام ^^

باحكيكم قصة البغبغان دا من الاول للاخر

طبعا هوه لما اشتريتو قالي الرجال انو اندنوسي

هوه من البغبغانات الرماديه

وقال انو يصفر ولساتو صغير ع الكلام

ومره خوااااف

وانتبهت اول ما اشتريتو انو بؤبؤ عينو اليسار زي الي مقروط

ومره خواف لو دحينه قرابة 8 شهور عندي

ومايشوف احد قريب من القفص الا يصرخ ويشرد

واحيانا ينزل في القفص تحت وياخدلو ركن

كانو احد يبغى يضربو

حتى لما احطلو اكل غير الفصفص الاسود حقو

يتضارب ويتصارخ مع الاكل

الموهيم قريت في موضوع انو عشان يتعود عالبيت وع الناس لازم ياخدلو فتره

بس انو نتجاهلو الين يتعود

وبالفعل محد يجي يوقف عندو الا ابعدو

عشان لايزعل

مع العلم انو مع الاطفال عااااااااتي

ويصفر لما يشوفهم

ولا يحاول يعضهم حتى

استمر على دا الوضع قرابة 8 شهور

الين قبل يومين بطل يصفر مره

وامس لقيتو في الصباح طايح على ضهرو وجسمو زي المتشنج

ومايحرك الا عينو

جلست اكلمو ويطالع فيه

وبؤ بؤ عينو سار نقطه

وسار شويه شويه يقوم

حرك راسو اول شي

وبعدين سار يحرك جسمو حبه حبه

الين قام وطلع الخشبه حقتو وعادي

خرجتو في الحوش قلت خليه يشم هوا

وخرجت معاه البغبغان الامزوني قلت يونسو كمان

الين الضهر دخلتو البيت

وكان وضعو مستقر

الين فجر اليوم رجع نفس الشي طاح نفس الطيحه

ولما بعدت عن القفص عض القفص وسار يصررررررخ بصوووتووو

انا انفجعت لانو مو متعلق فيه مره

لانو بيتنا ماشاء الله فيه حركه كتييييير

ونفس الشي شويه شويه سار يقوم

الين وقف ع رجلو بس اجنحتو طااايحه

وكل شويه راسو يترنح

زي الي دايخ ومافيه حيل

وبعدها كمان باربعه ساعات صرررخ فجأه وطاح عضهرو

ودي المره متشنج سار بزياااده

واجنحتو مفروده ع الاخر ويصرخ زي الي يتألم من شي

خرجتو الحوش سكت

وقام شويه شويه ورجع محلو

بس مره ساير خااااااااايف اكتر من اول

لما من بعيد بس امر يصرخ وينفش نفسو

مني عارفه ايش اسوي معاه

ما ابغاه يموت

هوه الي مسوي حركه في البيت واصوات وكده

وهوه الي بيعلم الامزوني اصوات

في ناس يقولو انو من الوحده سار كده لانو محد بيلعبو

هل ممكن تسوي الوحده فيه كده ؟؟

ياريت اصحاب الخبره يفيدوووني

لاني خايفه كمان يكون مريض ويعدي الامزوني

fawzi · 09-10-2010, 09:00 AM

الله المستعان انا اول مره اسمع بالحاله هذه صراحه شيء غريب بس لو امكن تنزل فيديو له يكون افضل وان شاء الله الكل راح يساعدك

crazy1butterfly · 09-10-2010, 10:31 AM

اوكي

ازا سارت الحاله دي مره تانيه

حاصورو وانزل الفيديو

crazy1butterfly · 09-10-2010, 10:31 AM

اوكي

ازا سارت الحاله دي مره تانيه

حاصورو وانزل الفيديو

البادجي الاحمر · 09-10-2010, 11:06 AM

السلام عليكم و رحمة الله و بركاتة

اخي العزيز هل يصير لببغاءك نفس هاذا الشي اللي بالصورة

؟؟؟؟

طيب اخي انت تقول يخاف و يصرخ (صراخ او جعير)؟؟؟؟؟؟

كاسكووووو · 09-10-2010, 01:17 PM

المكسرات الي تجيبنها مالحه او تعطونه اكل فيه ملح

crazy1butterfly · 09-10-2010, 01:57 PM

اخووي البادجي الاحمر

هوه صحيح على ضهرو

بس مو نفس الحاله دي

لانو الي عندي اصابعو تتربط

ورجولو مشنجه لتحت

واجنحتو مرميه

ولما يحاول يقوم تشوف اجنحتو زي الي مو قادر يتحكم فيها حتى لما يقلب يقلب عليها

وبرضو لما يحاول يقوم رجولو مرميه

يحرك نفسو بمنقارو

ويجعر لما يخاف

بس سوري ماعندي خبره في الطيور ولا في المصطلحات دي :$

واخوي كاسكووووو

لا والله مابنديه الا الفصفص الاسود ومو مملح ولاشي

اصلا مايرضى ياكل غيرو

كاسكووووو · 09-10-2010, 02:18 PM

انا ببغاي اذا قلبته على ضهره وحطيته بالأرض يسوي زي ببغاك وعادي الجعير زي الي باالمقطعhttp://www.youtube.com/watch?v=vk7pdXP31HA

crazy1butterfly · 09-10-2010, 02:50 PM

لا بس الي عندي يطيح فجأه كده

يطيح يطيح بقوه

نكون بعيد نجي نجري على صوت الطيحه في القفص

وصوتو وهوه يصرخ لما يطيح

مدري والله احاول اشوف نسليه وزي كده

وبنوديه عند خبير يشوف حالتو

لانو رافض ياكل دحينه

بالاقي الفصفص مقشر ومرمي في ارضية القفص

واخوي بس سؤال

مو خطير لو سويت زي الي في الفيديو

اخاف ينط ولا يطير في وجهي

وعاد بنت يشوهني اجلس ابكي ليل نهار

وينفع اروض الامزوني بنفس الاسلوب ؟؟

crazy1butterfly · 09-10-2010, 03:05 PM

اخوي دوبي سالت امي

طلعت بتديه لوز سوداني مملح

بس ليش ؟؟ ايش بيضر يعني ؟؟

وممكن يكون منو ؟؟