HELP أدري المشكلة فيني مو في الكروان بس ساعدوني ..^_^..

[مجنونته ~]

.
.
.

صباح الورد صبايا / شباب ..

أتمنى أنكم تكونوا بخير وعآفيه ..

أنا عضوة جديدة هنا ، وتوقعوا وجودي في اي وقت لأنه صار عندي كروان ..

أول شي حابه اقول لكم القصة من البداية عشان تفهمون معي وش أقصد ، لأنه كثير قال لي بيعيه أو تصرفي فيه بس لا تخلينه عندك وانتي بهالحالة وأولهم أمي

في رمضان اللي فات كان ميلادي وجابت لي اختي هديه كروان كـ تعويض عن طير الحب اللي اسمها "فيروز" ووتوفت الله يرحمها ع يد البسة الشرسه ..

المهم ..

انا إنسانه أحب الطيور كثيييررر ، لكني أخاف

أهتم فيهم وبنظافتهم وأسوي لهم ألعاب لكن أخاف كثير يقرب من يدي وحتى ماادخل يدي بالقفص كثير ..

قبل اسبوع صار ياكل من يدي الحمدلله وهذا اول انجاز عملته

وصرت افتح القفص وادخل يدي وياكل منها وحاسه نفسي سوبر هيرو وانا اعملها

أمي قصت جناحاته لكن لسه ماطلعته برا القفص لأن أمي تقول اذا طلعته انتي بتدخلينه ماعلي منك انت وياه

لما اقرب منه ما يعضني بعكس باقي اهلي يكون عنيف شوي ، لكنه يحاول أحياناً .. وهذا اللي يخوفني مع اني جربت عضته وماتعور مره ..

بس والله اخاف مره مره

ثاني شي : هو مايغرد إلا لما أحط له صوت طيور مثله ، يعني مايغرد من نفسه !!

ثالث شي : يحب الحب الشمسي مووت ، تتوقعون عادي لو اشيله عنه ، لأني ابيه ياكل فواكة وخضروات ..

ثالث شي : أبغاه يتفاعل معي ويلعب ، كيف ؟


الله يخليكم ساعدوني لأن أهلي يقولون تصرفي معاه اذا انتي خوافه وماتقدرين تسوين له شي

أنا ادري ان المشكلة مش في الكروان المشكله فيني انا ، حتى لما قلت لأهلي اني بكتب مشكلتي قالوا لي تبينهم يدخلون يديهم بدالك في القفص مثلا ؟؟!

لكني حبيته كثير ، وحتى هو أحسه يحبني ويتفاعل معي احيانا


وشكراً لكم ..

[عاشقة الظلام]

اهلا وسهلا
فعلا تبين اندخل يدنة بدالك؟؟؟
امزح والله الكروان ما يخوف وودود وباين على كروانك ذلك بس انتي الله يهداك خوافة لدرجة يبيلك شحنة قوة .وهي المشكلة حلها في يدك.
اما بخصوص الاكل الطيور عموماً اذا تعودت على اطعمة معينة من الصعب عليها استبدالها او اكل اطعمة اخرى فمالك اذا اتباع طريقة التقليل من الاكل المفضل وحطي له فواكة وخضار مانفع اتبعي طريقة التجويع بعدها قددمي الاكل الي تبينة.وعموماً المسئلة اطول على ما يال يعتاد الطير على اطعمة جديدة ومع استمرار التقديم راح تشوفينة ياكل.
وشي اخير بالنسبة للتغريد هل طيرك انثى اما ذكر؟
فاذا كانت انثى طبعاً ماراح تغرد بل بتصفر صفرات بسيطة بس توجد اناث مغردة بس نادراً
اما اذا كان ذكر فراح اغرد آجلا ام عاجلا ومع استمرار التدريب على التغريد راح اغرد لحالة ويطربك بانغامة العذبة.
اتمنى اني افتك
وان شاء الله بقية الاعضاء افيدونك

[مجنونته ~]

.
.
.

أهلاً حبيبتي نورتِ ..

طيري ذكر ومره لطيف ، مقارنة بالطيور اللي شفتها أحسها مره عنيفة لما يقرب منها أحد ..

وبالتغريد صوته عااااالي مره ولما يسمع ميوزك واطي يوطي صوته ، لكن لازم اشغل له شي عشان يغرد ..

انا عارفه انو انا المشكله ، وطول الايام اللي فاتت احاول اعود نفسي اني ادخل ايدي وكذا بس اخاف ..!

وفيه نقطة تذكرتها يخاف كثير من الالعاب ولما احطها مايلعب ، وركبت له مرايه بالقفص وأحيانا يضرب نفسه بالمرايه مرات خفيف ومرات بقوه بس مو لدرجة تكسر المراية ..

وألحين شلتها عنه لأني ماادري اذا هو خايف او يلعب ..!!

قالوا لي احط باصبعي عسل واتركه يعض ، هل هذا الشي صح ؟؟

وانشالله بخفف اكل الحب عشان ياكل خضروات وفواكة ..

ومره مره مره شكرا خيتوا يعطيك الف عافيه ..

[مجنونته ~]

يعني مافيه نصائح ثانية ؟؟

بليز افيدوني من خبرتكم !

[ابو التواريخ]

قالوا لي احط باصبعي عسل واتركه يعض ، هل هذا الشي صح ؟؟

نعم صحيح

[نسايم الليل]

لا ، خلي المرايا قدامه على شان يتفاعل معاها ، لا تشلينها خليها

هو يفتكر إن في المرايا طائر ثاني على شان كذا تحصليه يغرد ويضرب المرايا بمقاره

وما أظن ضرباته بتكسر المرايا لأن الكروان عموما ضعيف وضرباته وعضته ضعيفة مو زي الببغاءات الثانية

واستقوي عاد ، الكروان وإن عض عضته حلوة ، وما تسوي شي