ايهما تفضل ......~

[chinchill]

السلام عليكم
اهلين يا اعضاء لأحلى منتدى
الصراحة محبتي لتصفح المنتديات قليلة بس بصراااااحة المنتدى ذا ادهشني بشكل وسرت ادمان علي فقررت اسجل واكون عضوة في واتمنى افيدكم بخبرتي المحدودة .......

لو نلاحظ اغلب البشر يميلو الى القوارض بسبب الفتها ولطفها وشكلها بس لو نلاحظ دايما نحتاار بين 3 حيوانات (( الهامستر - الكوفي(خنزير الغينيا) - الشانشيلا)) كلنا نسأل مين افضل واولف مع البشر...

وجهة نظري قد ماربيت من القوارض وخاصة الهامستر لقيته ممتع بس تدريبه صعب نوعا ما وخاصة الروسي مع انه اجمل من السوري بس الي حلو في انو تكاليفه سهل انو الواحد يتحمل تكاليفها ...اما بالنسبة لكافى(خنزير الغينيا) حيوان ممتع وحجمه حلو ونظيف ولو نلاحظ في البلدان الخاجية يربو ويستلطفو كأجمل حيوان اليف عندهم وتربيته من ناحية التدريب اسهل من الهامستر وشكلو كيوت <<< ع فكرة الي يقول انو خنزير هذا شي مررة غلط برا يسمو geniua pig بس هنا نسمي كوفي او البعض يسمو الوبر مع انو الوبر حيوان آخر بري بس الكوفي قارض مش خنزير ابدا والي ما جرب يربي انصحه يجرب ويدعيلي ... بالنسبة للشانشيلا ما يبغاااالها كلام حيوان رااااااااائع من جميع النواحي وليف زي البسس وحيوان نشيط واكله متوفر حتى بين اكلنا وتربيته احسن من تربية القطط بسبب خلوه من الأمراض وكمان يعتبر الشانشيلا من انعم الفراء الحيوانات لدرجة انو في ناس يستعملو فرائها للملابس او للمفارش والأثاث بس للأسف من عيوبع يعتبر حيوان ناااادر بالإضافة الى سعره المرتفع يوصل 1200-1500 وهذا الي اعرف اسعارة في السعودية
افتكر مرة رحت الأمازون اشتري ذكر للهامسترة الحونشية حقتي <<< ولا حتى نفع نجيبلها بعد ما ضربت في ودعست علي وربي منظره كان يحزن وهوا دبدوووب كان احلى هامستر جبته ..المهم شفت شانشيلا رمادية كبيييرة لحالها في القفص كان شكلو جدااااااااااا رااااائع والييييف كان نفسي اشتري بس للأسف ..كان حجمه بحجم بسة حجمها متوسط ...هذا رأيي

الحين جا دوركم اعرف ايهما افضل ؟؟والسبب؟؟

ملاحظة: ممكن البعض يستغرب انو ماذكرت الأرنب بسبب انو يعتبر الأرنب عادة حيوان مزرعة او يعتبرو حيوان للزينة وقد جربت ربيت واحد صغير الصراحة ما استمتعت في تربيته ابدا مو زي الهامستر والكوفي

بالإضافة الى سؤال اتمنى القى جواب

سمعت بتوفر الشانشيلا في محل واحة الحيوان بجدة الكلام ذا صح؟؟وهل مازال متوفر عندهم ؟؟ وكم الأسعار عندهم ؟؟ ونفس الشي بالنسبة للكوفي ايش الأنواع الي عندهم؟؟ وكم اسعارها ؟؟
ولا تنسو تدوني في اي فرع الي جنب اكسترا ولا الي في شارع الستين الكبير
اتمنى تجاوبوني

ولا تنسو تدوني ايهما افضل