جوله بسوق الحمام والحراج بالرياض

[الببغاء الافريقي]

السلام عليكم كيفكم حبايبي المهم اليوم الخميس قلت اروح لسوق الحمام بالرياض اخوي عزوز توه ناجح لثاني ابتدائي قال نجحني صوص قلنا يالله منها نشوف السوق ومنها نشري عضم حبار لكوكي و الدره المهم مالكم بالطويله صراحه شفت مجموعات فراخ اعمارها ما بين 3-4 شهور وكلها محجله وجامبو سعر الواحد 1900



بعدها تجولت اسرني الماكو الذهبي طقيناله صوره البايع قالي عمره 7 شهور بس مدري ليه ما صدقته


ولقيت امزوني مدري والله وشو هذا سعره قالي 3500 بدون مكاسر ويقول انه يتكلم ويقول الو وبابا

[كاسكـــو]

فراخ اعمارها ما بين 3-4 شهور وكلها محجله وجامبو سعر الواحد 1900

..............................................................

ولو تكسر راسه بالسعر وتنشب له عطاك الطير بـ 1800

هالايام سعر الطيور نازل واللي الاحظ اللي يبيعون طيورهم اكثر من اللي يشترون بسبب الاجازه

والبياعين مايصدقون احد يشتري منهم منزلين الاسعار يبون الطيور تمشي لكن في شهر رمضان

وطالع راح ترتفع الاسعار

نصيحه لكل عضو

اللي يبي يشتري ويبي الرخص يشتري هالايام

واللي يبي يبيع ويبي المكسب والسعر العالي يبيع برمضان وطالع

[الشعلة33]

مشكور بس لو انك مكثرن الصور شوي كان ازين
على العموم تسلم وما قصرت

[A7mad|^|]

مشكوور على المعلومات


الصراحه المكاو احسه اكبر من سنتين !!!

[الكوس]

انا من الناس الي يحبون التجول في اسواق الحيوانات
و من الناس الي تحب هذي النوعية من المواضيع

عجبني تقريرك

[الببغاء الافريقي]

مشكورين جميعًا على الردود

[أبو عبدالعزيز]

بسم الله ماشاء الله تبارك الله . . فعلاً ماني مصدق هذي الأسعار تشجع وهي فرصه للي يبيله طير و رخيص لأن حتى من شدة الحر الكل وده يصرف طيوره قبل يجيها شئ .

[راينو]

ما شاء الله
صور روعه

من جد اسعار حلوة
والله من زمان عن السوق
بالتوفيق

[الببغاء الافريقي]

لقيت ببغاء مثل حق اخونا ابو عبدالعزيز مدري اذا هو نفسع بعد
مثل هذا
قالي سعره 2700 ريال احس انه رخيص لا واليف ويقول راعيه يتكلم

[ريكووو]

الله يعطييك

العاافية