ساعدوني الكاسكو قام يرجف!!!

[زمـــــان]

السلام عليكم اخواني..
الرجاء المساعدة، انا اول مرة اربي كاسكو و تنقصني وايد خبرات و الرجاء الافادة.
انا عندي فرخ كاسكو افريقي عمرة تقريبا يتراوح بين 2 - 3 شهور، و المشاكل هي الآتية:

1- لاحظت انه الطير يرجف احيانا مو دايما بالاخص لما اكون متواجد معاه، يعني مراعي درجة الحرارة و حاطة بغرفة مافيها تكييف و جوها مناسب جدا، بس ما ادري سبب الارتجاف هل هو برد ولا عادة من عادات الطير؟ لاني اشوفة من وراء الزجاج يكون طبيعي، بس اذا حس اني موجود يصرخ و يرجف.

2- اليوم اول مرة اوكلة سيريلاك، وهل يعتبر السيريلاك من الوجبات الاساسية؟ و كل يوم اعطيه ولا انوع بالاكل؟ و شنو تنصحوني اوكله بشكل يومي؟ و شنو الاكلات اللي اوكلة بشكل فترات؟ لاني سمعت البيض المسلوق مو زين بكثرة؟

3- لاحظت انه ماكو ريش على الرقبة فوق منطقة الصدر؟ هل لانه فرخ ولا يعاني من مرض؟

4- و ايضا لاحظت انه ما يصف جناحة بشكل مرتب، يعني لما يكون واقف على الخشبة جناحة يكون طايح بالخلف؟ هل هذا طبيعي؟

و سامحوني على الاطالة، ادري متوتر و قلق نوعا ما، بس تحملوني
تقبلوا تحياتي
اخوكم يوسف

[o0o0]

الببغااااء يرجف يمكن من الخوووف او التوتر ...

انا اعرف ان الفروووخ ما يكووون ريشهم كامل ،،،وجنااحه يمكن يترتب مع الوقت لنه بعده صغييير..

وانشااالله ان الاعضاء بفيدوونك اكثر ...

[د. إحتـراف]

بسم الله الرحمن الرحيم

السلام عليكم ورحمه الله وبركاته

ان شاءالله ربي يوفقني في الرد ع أسألتك وافيدك

1- لاحظت انه الطير يرجف احيانا مو دايما بالاخص لما اكون متواجد معاه، يعني مراعي درجة الحرارة و حاطة بغرفة مافيها تكييف و جوها مناسب جدا، بس ما ادري سبب الارتجاف هل هو برد ولا عادة من عادات الطير؟ لاني اشوفة من وراء الزجاج يكون طبيعي، بس اذا حس اني موجود يصرخ و يرجف.

طبيعي جدا لان الطير خائف منك , بس الطير كم له عندك ؟

2- اليوم اول مرة اوكلة سيريلاك، وهل يعتبر السيريلاك من الوجبات الاساسية؟ و كل يوم اعطيه ولا انوع بالاكل؟ و شنو تنصحوني اوكله بشكل يومي؟ و شنو الاكلات اللي اوكلة بشكل فترات؟ لاني سمعت البيض المسلوق مو زين بكثرة؟

السيريلاك وجبه اساسيه واذا عندك فيتمينات حطها معه , وكل يوم تعطيه سيريلاك وأتوقع انه لسه على تنويه الاكل الا اذا كان ياكل من نفسه , وكله رز ابيض مهروس + بطاطس مهروسه + بيض مسلوق , واخوي انت مستعجل على اشياء كثيره اصبر لحد مايجي طيرك عمره 5 او 7 شهور تبدأ في النتويع الاكل .

3- لاحظت انه ماكو ريش على الرقبة فوق منطقة الصدر؟ هل لانه فرخ ولا يعاني من مرض؟

ياليت صوره توضح

4- و ايضا لاحظت انه ما يصف جناحة بشكل مرتب، يعني لما يكون واقف على الخشبة جناحة يكون طايح بالخلف؟ هل هذا طبيعي؟

ياليت صوره توضح


في انتظار الصور لـ التوضيح اكثر

تقبل مروري

[زمـــــان]

اشكركم اخواني على التفاهل مع الموضوع و مروركم العطر..


طبيعي جدا لان الطير خائف منك , بس الطير كم له عندك ؟

بس اخي العزيز تصرفات الطير وايد جريئة و شكلة مو خايف. لما افتحلة القفص يطلع على الايد و احيانا ينط على كتفي و يلحقني وين ما اروح بالصالة!
و عمر الطير شهرين و نصف الى ثلاث شهور تقريبا.. طبعا على حسب كلام البائع و صارله عندي اسبوع من شريته.

السيريلاك وجبه اساسيه واذا عندك فيتمينات حطها معه , وكل يوم تعطيه سيريلاك وأتوقع انه لسه على تنويه الاكل الا اذا كان ياكل من نفسه , وكله رز ابيض مهروس + بطاطس مهروسه + بيض مسلوق , واخوي انت مستعجل على اشياء كثيره اصبر لحد مايجي طيرك عمره 5 او 7 شهور تبدأ في النتويع الاكل .

كم مرة باليوم اعطيه سيريلاك و شنو الكمية اللي اعطيه فيها؟ و ترا ياكل بروحة ذرة و حمص لما اعطيه، و نادر ما يكسر حب شمسي. بس احيانا اشوف قشر الحب بالقفص.
و بالنسبة للرز و البطاط و البيض، اعطيه بشكل يومي ولا كثرتهم تضر الطير.. لانه نبهوني من الاسهال، و خايف يحوشة اسهال.

ياليت صوره توضح

انشالله راح ادرج صورة اليوم العصر

[زمـــــان]

تفضل اخي العزيز الصور مثل ما طلبت..

[راينو]

اخوي
طيرك لساته صغير
و حافظ عليه من التيارات الهوائية
و بهذا العمر الطير يكون حساس جدا
و بالنسبة للريش
اتوقع والله اعلم انه طبيعي
لانه لسا فرخ
يعني توه ما اكتمل الريش
الله يحفظه لك من كل عين

[زمـــــان]

اشكر مرورك اخي العزيز راينو،، و مشكور على الافادة

[د. إحتـراف]

الحمدلله طيرك طبيعي وهذا الريش يصف


طيرك توه صغير ولسه ماطلع الرش كامل عطه فواكه وبليله ( حمص ) انتو في الكويت تسمونه نخي

هات النخي مقدار نصف كوب ماء واخمره في المويه لمده 24 ساعه بعدين اطبخه يكون مهروس قليلا

خله لين يبرد وقدمه لطيرك , النخي غني بالكالسيوم وهو مفيد لريش ويستخدم في القرنسه


تقبل مروري

[زمـــــان]

الف شكر اخوي،، و مرورك على العين و الراس،
انا فعلا اعطيه نخي بس المعلبات بعد ما اغسلة عدل، و مرات اهرس النخي و اعطيه مع سيريلاك و احيانا اعطيه من غير هرس مع ذرة حب،
حاولت اعطيه تفاح و عنب بس ما اكل ما ادري ليش، و البائع نبهني من الفواكة بهالعمر تجيب اسهال للطير..

اخوك يوسف

[د. إحتـراف]

اي نعم صدق البائع

التفاح والبرتقال والعنب راح يسببون لطير اسهال


خلك على النخي لحد مايكبر شوي

ويتربى في عزك يارب

تقبل مروري