يا اخوان مساعدة ضرورية الله لا يهينكم!!

[زمـــــان]

السلام عليكم اخواني..
ارجوا المساعدة ممن لدية خبرة في تربية الببغاوات..

انا هاوي تربية الطيور من الحمام و الكناري و البلابل.. بس اول مرة اشتري كاسكو.. و ما اعرف شي الا الاساسيات العامة لتربية الطيور بشكل عام..

توني شريت فرخ افريقي عمرة 2-3 شهور تقريبا على كلام البائع..
و صارلي تقريبا اسبوع من شريته.. و المشاكل اللي قاعد اواجهها انه ما ياكل حب شمسي.. مع ان البائع اكدلي انه ياكل بروحة.. و اوكلة احيانا مرة او مرتين باليوم ذرة و حمص حب..

و اللي قاعد الاحظة الحين انه قليل الحركة ما ادري ليش..
مع ان استجاب لاول تدريب له و هو الصعود على اليد بشكل سريع علما ماكان يصعد على اليد و اذا ابي اطلعة من القفص لازم امسكة و كان يصارخ من هالحركة..

مع العلم فحصتة بالبيطري قبل الشراء و كانت حالتة زينة..

بس بالوقت الحالي يا اخوان شنو عندكم نصائح اعملها او اتجنبها كونه فرخ.. و ابي اعرف ليش ما ياكل حب و اشلون اعودة على اكل الحب .. مع اني جربت طريقة وضع العسل على الحب اللي بالمنتدى و ما نفعت معاه..

تنصحوني اشتريلة حب مشكل يمكن ياكل؟ ولا في طريقة ثانية؟
و هم ودي اعرف سبب قلة الحركة المفاجئة و الخمول؟ مع اني مراعي درجة حرارة الغرفة و اغطية بلحاف بالليل..
و هم لاحظته انه كثير الحك.. ممكن يشتكي من القمل؟ شنو حلة؟ و هل رش الماي و تسبيح الفرخ تنفع بهالعمر؟

سامحوني طولت عليكم..
اخذني الحماس كوني اول مرة اربي ببغاء..

اخوكم يوسف

[زمـــــان]

و أيضا يا اخوان لاحظت انه عظمة الصدر بارزة و تبين.. هل من قلة الاكل؟ وشنو الاكل اللي تنصحوني فيه لتقوية الجسم و يحتوي على المواد الاساسية للنمو؟

[غسان الاشقر]

اخي الحبيب يوسف
اهلا وسهلا بك

الف مبروك على الطائر الجديد

من الواضح ان طائرك صغير بالسن ولا يستطيع ان ياكل بنفسه وعليه يجب ان تهتم به جيدا وان توكله بنفسك
ويمكنك استخدام خرطوش الابره(الخاصه بالتطعيم ولكن بدون الانبوب الحديدي) وتعمل له محلول سيليلاك الخاص بالاطفال او تطحن له حمص مع ماء وتجعله شبه سائل وتبدا بغره .
حتى يكبر ويتعود على الاكل فافطرته سوف تدله على ذالك .كل ما يحتاجه هو الوقت.
من الان وصاعدا لا تخرج الطير بالقوة ابدا فقط افتح له الباب وعندما يحس بالامان سوف يخرج من نفسه.
طائرك فى سن لا يسمح له بالتدريب فقط تريث وانتظر حتى يكبر قليلاً.
بالنسبه للترويش يمكنك استخدام رذاذ الماء دافي فقط وبكميات قليله جدا مع مراعاة جوا الغرفه وعدم تعريض الطائر لتيارات هوائيه.

اتمني لك التوفيق
الله الله بالصبر والمثابره

اخوك / غسان

[الكوس]

عليكم السلام و رحمة الله و بركاته

اخوي انت حالتك مثل حالتي قبل ست اشهر فكلانه جديد بالهواية فركز معاي شوي و لكن لا تاخذ كل ما اقوله على انه كلام صحيح 100% لأن مثل ما قلت لك انا جديد بالهواية

بالنسبه لك انت الظاهر انك قلق جداَ جداَ و هذي كانت حالتي لدرجة اني اروح الدوام و ارجع اعتقد ان الطائر مات و كل يوم احسه بيموت و احسه ما ياكل و و و و و و و و

بالنسبة للأكل قد يكون الطائر خجول فحاول تغطي قفصه بغتره مثلا او حجاب او ... او ... و خلك برع الغرفه علشان يتاكد ان محد يطالعه ,,, و ان شاء الله بتسمع صوت تكسر الحبوب و الاكل بشراه

بالنسبه لبروز عظمة الصدر انصحك تضع صور في المنتدى لأنك جديد بهذي الهواية و الاخوان لديهم الخبره الكافيه لتحديد درجة البروز الي تشكل خطر على الطير

و انا عن نفسي استخدم حبوب مشكله للطاير مع مراعاة ان حجم الحبوب يكون كبير لأن الطير لا يأكل الحبوب الصغيره فبرميها و بياكل الحب الشمسي فقط و بذلك نكون ما سوينه شي

و انا جاهز اذا عندك اي استفسار

[ProOoF]

إذا صدق معك بعمر الطير , فمن الصعب أنه يأكل الحب بهذا العمر

وعادة التجار بيفطم الطير بدري وبيرتاح من الغر وهذا غلط وبيأثر ع صحته

أعتقد طيرك للأن ما أنفطم , ويحتاج الغر جرب وإذا مشي معاك معناه ما أنفطم

وبالنسبه لعظمة الصدر قد يكون معه دود وقد يكون بسبب الضعف

وإذا فيه دود أستعمل هالحبوب ascapilla

والبيطري بيشرح لك طريقتها , وإذا شكيت بوصفه أوصف لك طريقتها

00000000

بالتوفيق لك ,

[Ziad-sa]

الاخوان يعطيهم العافيه فادوك

لكن هو فرخ يعني ماتعود ياكل بنفسه اشترله حقنه من محلات الحيوان

[زمـــــان]

اشكركم اخواني على ردودكم و المبادرة الحلوة و حرصكم على اخوانكم الاعضاء..
شكرا مرة ثانية و انشالله راح اعمل بنصايحكم..

تقبلوا تحياتي

[كاسكوه]

اكله سيريلاك
وبالنسبه للتدريب احس توه صغير قريت انه مايبدا التدريب الا اذا كمل سنه

الله يخليه لك