باركولي شريت الرمادي بس ورطانه ..

[تراني جديدة]

شريت الرمادي اليوم ومن دخل البيت ما اكل عطيته الفول السوداني بس يرميها .. شفته يشرب مويه كنت حاطه فيها فيتمين والاكل ما شفته ياكل وش العمل ..؟؟ اول ما وصل سار ينزل ويطلع في القفص ويتحرك وبعدين هجد ونام وطول الوقت نايم .. هل الشي هدا طبيعي .. ؟؟

وانا شريت القفص الي تحته استاند وحطيته عليه هل الشي هدا كافي ولا لازم اعلقه بعيد وفوق مع العلم انوا مافي احد غيري في الغرفه ؟؟

بالنسبه للجعير مافي الا بصوت جدا خفيف لمن اقرب منه كثير واحاول ادخل ايدي جوا القفص يعني ما يجعر زي الي شفتهم في السوق .. طبعا ما صفر ولا سمعت له اي صوت .. هل الشى هدا طبيعي ..؟

البايع قص جناحه .. بس ما قص اظافيره .. وبصراحه انا هدفي انو يطلع على ايدي بس خايفه تكون اظافيره حاده .. وش اعمل البس جونتيات ولا ايش ..؟؟

انا نفسي احط في القفص من تحت رمل عشان تكون عمليه التنضيف اسهل .. بس هل عادي انو يمشي على الرمل ولا ياكل شي يكون طاح عليه .. ما يضره .. ؟؟

انا اكثر شي قالقني انه ما اكل ونايم على طول .. عادي ولا اقلقه الين يصحه ..

معليش كثرت اسئله .. بس الله يسعدكم طمنوني ..انتوا كريمين وانا استاهل ..