التهووور اللي سويته اليوم ..

[S7R]

السلام عليكم ورحمة الله وبركاته

فالبدايه .. اوضح لكا ان الطير اللي عندي دره انثى ..

لها عندي اسبوع .. الموووهم

استشرت كثييير قبل لا اعمل لها اي شي .. وكما افادوني الاخوان ..

انها لسى عندي جديده ولازم تاخذ على الوضع .. البارح .. كانت طول اليوم تصفر وتصفر

ومبسووووطه الاخت .. قلت بس .
. يمكن طيري غير كل الطيور .. وتولف على المكان بدري

الممووووهم .. ومالكم بالطويله .. جا اليوم الصباح .. قلت ياعيني وش هالرواق


وطبعا عقب ماشفت موضوع (سكر ) في الترويض

وموضوع (كاسكوكيه) في قص الجناح ...

قلت بطبق

جيت لم القفص .. والمقص بجنبي ... والمنشفه باليد الثانيه

وادخل يدي وامسك الطير ... ومسكته ... وانواااع المصارعه اللي صارت..

بس ماااش .. مارتاح .. يجعر يجعر ... انا انهبلت .. والحللل

قلت بقعد امسح براسه شوي ..

وامسح .. وامسح .. وعظني وعيا يفكني ... فهاذيك اللحظه حسيته ضب مو طير

واصااارخ .. وهو مازال عاضني .. عاد انا من فطنتي .. ومن متابعتي للطير الجميل ( محبوب )

و ايضا ترويض ( ابومحمد) مع طيره شجاع قلت ..

بتفاهم معه ... بالنقاش الحلو ..

قلت : عيـــــــب وظربت راسه بظربه خفيفه ... <<<< اصلا الطير مو متربي

كيف بيفهم عيب .. والحل .. اااااااااااا .. والله اكتب الحين والاصبع منتفخه

مالكم بالطويله . انا حاطه براسي .. اقص يعني اقص

وقصيت .. جناااح .. ودخلته جو القفص ثانيه ... قلت بكمل الثاني بكره ..

وهااذي مشكلة الحماس .. احيانا

وبالاخير .. احيي .. الاعضاء اللي من د من جد .. يصعب وصفهم .. واللي اذهلوني بتجاربهم ..

لاا اله الا الله .. الله يحفظهم ويحفظ طيورهم لهم .. ويحميهم من كل شر

ابومحمد .. سكر ... كاسكوكيه

اتمنى مااكون زهقتكم بالكلام الزايد .. تقبلووو تجربتي

[محب كاسكو]

اخوي المفروض تخليه 5 ايام على شان ياخذ على المكان

تصدق انا زيك انا شريت جامبو يمكن يوم الثلاثاء بليل يوم الربوع والله ما صدقت جاني لي شهر وانا ادور المهم على

طول طلعته شوي شوي مسحت على راسه صبحيت يوم الربوع والعصريه حاولت حاولت لمين وقف على ايدي عض

لمين قال بس شوي شوي بس ابا اجل يوم الاحد

فانت ريح 4 ايام شوي شوي ويصير اليف

اسف على الكلام الكثير لاكن عطيتك تجربتي

[بندولة حب]

هذي الدره ماتلعب اذا عضت عضت حتى لوهي اليفه

واللي يقهر انهتعض وتمسك باالاصبع ساعه وهي تفرك فيه

شعور صراحه خيالي ههههههههههههه

لاتتوهقي معها خلي احد ثاني يساعدك

[kaka99914]

يعحبتي التهور بدون التفكير بالنتائج.... اقول خل عنك الكسل وكملي المهمة لايطفى الحماس

[اكون او لا اكون]

والله ماشاء الله عليك

وان شاء الله ما يتاثر نفسيا طيرك من هذي المعركه

واقترح ان تجربي الوضع مع قص جناح واحد واذا ما اعجبك الوضع وحسيتي ان فيه ضروره لقص الثاني قصيه

بالتوفيق

[S7R]

محب الكاسكو .. هي عندي من اسبوع .. يعني بالضبط سبع ايام

بندولة حب ... والله انها قاعده تفرك تفرك .. من جد ماتلعب ..

كاكا ... والله ودي .. لاتخاف لحد الحين متحمسه ..

اكون او لا اكون ... احس لازم اقص الثاني .. شكله كذا مدري .. مو حلو

[كاسكوكيه]

<< قاعده اقرى الموضوع.. و اريد اعلّق بس للاسف في الدوام و برجع البيت و بخبّرج شو الي سويتيه

[SONY]

كل شي يبيله صبر

[n-b-n-b]

ههههههههههههههههههههههههههههههههههههههه انا اذا عضتني يصير الاصبع مثلث..

هع هع..

مشكوووره اختي عالموضوع..

[سكر]

هههه الله يكون في عونك يا سحر

ما شاء الله عليك جريئة ومغامرة,,,

وهذي صفات حلوة وممتازة,, بس لو تضيفي عليها انك تكوني حذرة وهادئة

تصيري محترفة ان شاء الله

طريقة المنشفة, لها شرط انك تمسكي الببغاء بحذر بحيث انك ما تتركي له فرصه يعضك نهائياً

ولو فكرتي في الموضوع شوي,, راح تكتشفي ان مسكة يدك أقوى من منقار الدرة

يعني لو قررتي انك تطبقي بيدك على منقار الببغاء,, ما راح يقدر يفتحه عشان يعضك

حاولي انك تكوني هادية وفي مكان هادي مافيه أحد,,

وتتفادي العض بالمنشفة,,,

وربي يوفقك

تحياتي