توليف البادجي (1)

[aboOode-80]

السلام عليكم
كيفكم يا شباب
المهم يا اخوان ان شاء الله موضوعنا اليوم بتكلم فيه عن توليف البادجي باسهل الطرق ( طبعن البادجي البالغ او الغير مروض ) لكن عندي مقدمه صغيرة يا اخوان وارجو انكم تتقبلوها مني
يا شباب يعني انا احمد ربي وما افتخر بالشي ده هذي موهبه عطاني الله هيا واشكره واحممدو عليها لكن في بعض الاعضاء يعني الصراحه عطوني هيا في وجهي يقولو انت متكبر اقلهم ليش يقولو ليه ما تحط لنا موضوع عن توليف البادجي او الكروان ويقولو ليه تحط موضوع انك تولف للاخوان بفلوس طيب انا اول شي ابي اترزق الله تاني شي انت اشلك دخل فيني ما تبيني اولف خلاص لا يكثر كلامك ولا في ناس كلموني قبل الاختبارات الى ملزمين احط موضوع انا ماخذ الكلام شي عادي نحط موضوع طيب اصبرو عليا ليين ما اخلص الاختبارات طيب خلصت الاختبارات وانا الصراحه نسيت يرسلو رسايل يقولو انت توعد وتخلف الوعد قلتلو اوكي انا اسف وحقكم عليا واليوم جاتني رساله الصراحه كرهني الاخ في شي اسمو بادجي وكرهني اني اقدر اولف البادجي وكرهني في شي اسمو طير اول شي يقول (انت يا مسلم منت فضولي وعدتنا وقاعد تتمخول علينا يا اخي اكتب موضوع وخلصنا اشفيك انت) الصراحه شي يعني ما يتوصف شي عجيب من الاعضاء هنا خصوصن المبتدئين يعني واحد زي كذا وش تقوله يعني انا جيت هنا على حسابك ولا ايش الموضوع انا مالي فاهمو مرة والله الصراحه شي يقههههههر
ما اقول الى حسبي الله ونعم الوكيل فيكم وتراني مالي مغصوب على الموضوع لكن بحطو وبفتكم منكم هذا الجزء الاول لكم والجزء التاني باذن الله للاعضاء المحترمين وحيكون كلو من تاليفي انا وصوري انا وسوري اذا اطلت عليكم او كتبت شي مو لايق لكم لكن والله من القهر الللي فيني ومسحت كل الرسايل اللي عندي علشان يبعدو عني وابعد عنهم ونبدا بسم الله وسوري على الاطاله
اول شي يا اخي لازم يكون البادجي عندك يقدر ياكل من نفسو ويتحرك ويدافع عن نفسو بعدين جيبلو قفص صغير حطو لوحدي وما يكون متزوج او عندو فروخ او شي زي كذا جبلك واحد وحداني في الحيا دي يعني بادجي حبيب لسى في مرحله الغزل وخليه يكون والف على المنزل والمكان وياريت يكون في هدوووء يعنلي خليه من اسبوع الى شهر يتعدو وانت بنفسك غيرلو الماء والاكل وحببو فيك كيف ؟؟ نوعلو في الاكل وشوف ايش الاكل اللي يحبو اكثر وفرلو هوا بزياده وطبعن نضام الاكل الاخوان ماء شاء الله عليهم ما خلو شي الى وقالوه في الفهرس حق المواضيع المثبته وبعدين بعد ما ولف على المكان هات لكمقص يكون حاد يفضل حق الخياطه وقصاصه اظافر تكون تمام مو ابو رياليل و قفاز او منشفه وامسكو بهدووووء وكن صبورا معه راح يعض ويصرخ خليه وانتقل بعيدا عن القفص في غرفه تكون هاديه ومافيها الى انت وسم الله ولا تصخر او تكشر وجهك ولا تضحك لا خليك عادي وامسكه بيد وحده وافرد جناحه وامسك جناحه بنفس اليب اللي ماسكو فيها يعني يكون جسم الطير في راحه اليد وجناحه في الاصبعين الابهام والسبابه وانتبه لا تقص الى وانت متاكد انك فارد جناحو تمام وماسك الطير بهدوء ومسكه تمام حتى لا يفلت من يدك وتقص شي ثاني غير الجناح المهم مسكتو تمام جيب المقص وسيب اول ريشتين من نهايه الجناح وقفص بعد الريشتين 10 ريشات وراح اعرض لكم الصورة اللذي وضعها لنا اخونا رعود الله يجزاه كل خير ولا تزود او تنقص قص مثل اللي بصورة وقص ريشه ريشه لاكن لو قصيت كلها مرة وحده ممكن تميل كذا ولا كذا وتوصل لعروق الريش وينزل دم

شفت كيف طبعن اللي في الصورة قص كل الريش بعد الريشتين الاولى وانا اقلك قص بعد الريشتين الاولى 10 ريشات وبس والجناح الثاني مثلو تمامن
وبعد كذا افتح يحد راح يقوم الطير ويقعد على راحت يدك خليه ( بعض الطيور تشرد من يدك خليها ) اذا قعد صفرله واعطيه بوسات ولا توترة حيكون معصب ومستغرب من هذا الشي وحيكون حزين فقد ريشو واذا نقز من يدك رحلو بهدو ولا تعصب خليك صابر ولا يكون في ارضيه الغرفه اي شي رح في غرفه ارضيتها فاضيه المهم رح للطير بهدوء وصفرلو وحاول تشيله من تحت بيدينك الاتنين خليه على راحتك يدك وصفرلو وكل مانقز سوي نفس الكلام رحلو بهدوء وشيلو من تحت لمده ربع ساعه بعد كذا البس القفاز مرة تانيه وامسك الطير علشان تقص له اظافرو طيب حتقولو كيف ترى قص الاظافر يبيله صبر شوي لانك لو زودت في الاظفر راح ينزل دم من الطير واذا نزل دم لا تتوتر او تخاف لا خليك عادي طبيعي صفرلو والهيه وفي علاج في المواضيع المثبته والله مدري ايش هوا المهم طريقه قص الاظافر كتالي جيب قصاصه اظافر ( مقراض ) وامسك الطير وامسك الاصبع جيدا وقص الطرف فقط طبعن الصورة مبالغ فيها شويه فقط قص الطرف وشوفو الصورة كيف

طيب سوي كذا في الرجلين والصبر يا اخوان والهدوء وصفرلو خلصت طيب افتح مرة ثانيه يدك وصفرلو واذا نقز سوي نفس الشي شيله ةخليه في دك الين ما تشوف الطير هدي خلي يدك التانيه بدون قفاز وامسحلو من بطنو الين رجلو وزي كذا سويلو هيا بعض الطيور اذا سويتلو هيا بهدووء تستجاب معك وتطع على الاصبع وبعضها تشرد اذا شرد برضو لا تعصب ولا تمل شيله وخليه يهداء وامسحلو الين ما يستجيب معك اذا طلع على اصباعك لا تفرح وتقول الطير ولف وتجري ولا تنادي احد وتسبب فوضى لا خليك هادي وقوم اوقف ودور في الغرفه والطير في اصبعك لمده 5 دقايق شفتو هادي برضو ابداء تجول في البيت وروح وتعال لمده ربع ساعه استجاب معك شي حلو
ابداء جيبه عند كتفك وخليك هادي جدا لانو الحركه السريعه توتر الطير ويهرب جيبو عند كتفك بهداوه وخليه يطلع اذا طلع خليك هادي وتجول في البيت واذا قرب من اذنك اوراسك بعضهم يخافو انو الطير يعض في الاذن او شي طبعن الشي هذا عند البادجي ماقد صرلي ماقد عض او سوى اي شي لكن الطيور الاخرى الله واعلم تجول في البيت ربع ساعه بعدين قربلو اصباعك بهدوء وخليه يطلع فوق اصباعك اذا طلع شي كويس يعني الطير بدي يصبح مروض وما يخاف ورجعو قفصو لانو اليوم ده حيكون يوم غريب وحزين لانو فقد جناحو خليه اليوم التاني قوم وقدملو اي شي من الفواكه او الخضروات اي شي يحبو وخليه ياكل وروح عندو قرب من القفص وصفرلو وخليه يعرف انك صديقه وبعدين خرجو من القفص بعض الطيور البالغه مهما ولفتها وروضتها يكون جوا القفص طير تاني جدا خرجو بطريقه الخاصه سواء قفاز او بيدك وخليه يوقف على اصباعك وطلعو فوق كتفك وتجول في المنزل 6 دقايق وبعدين راح يكون الطير باذن الله اليف وحبوب وابداء لعبه وداعبه ولا تعصب عليه خصوصن اول اسبوع من الترويض لانو راح يحس انو الحياة تغيرت معاه واسف اذا اطلت عليكم او زعلتكم في كلمه وانشاء الله الجزء التاني مفصل تفصيل دقيق وبكل الخطوات والصور وترا يا اخوان انا ما تعلمت الى من اخواني واصدقائي وادعيلهم بانو الله يعطيهم كل خير وبعدلهم عن كل شي مثل اخي رعود وبادجي المغرب والصراحه كثير من الاخوان والمواضيع المثبته افادتني كتير ومنها تعلمت واذا تبون شي انا حاضر وتحت امركم بس ياريت بالاسلوب الحلو لو سمحتو

[mur1415]

السلام عليكم ورحمة الله وبركاته
يشرفني اني اكون اول واحد يرد على موضوعك و يعطيك العافية على الموضوع الجميل والمتكامل

يا شباب يعني انا احمد ربي وما افتخر بالشي ده هذي موهبه عطاني الله هيا واشكره واحممدو عليها لكن في بعض الاعضاء يعني الصراحه عطوني هيا في وجهي يقولو انت متكبر اقلهم ليش يقولو ليه ما تحط لنا موضوع عن توليف البادجي او الكروان ويقولو ليه تحط موضوع انك تولف للاخوان بفلوس طيب انا اول شي ابي اترزق الله تاني شي انت اشلك دخل فيني ما تبيني اولف خلاص لا يكثر كلامك ولا في ناس كلموني قبل الاختبارات الى ملزمين احط موضوع انا ماخذ الكلام شي عادي نحط موضوع طيب اصبرو عليا ليين ما اخلص الاختبارات طيب خلصت الاختبارات وانا الصراحه نسيت يرسلو رسايل يقولو انت توعد وتخلف الوعد قلتلو اوكي انا اسف وحقكم عليا واليوم جاتني رساله الصراحه كرهني الاخ في شي اسمو بادجي وكرهني اني اقدر اولف البادجي وكرهني في شي اسمو طير اول شي يقول (انت يا مسلم منت فضولي وعدتنا وقاعد تتمخول علينا يا اخي اكتب موضوع وخلصنا اشفيك انت) الصراحه شي يعني ما يتوصف شي عجيب من الاعضاء هنا خصوصن المبتدئين يعني واحد زي كذا وش تقوله يعني انا جيت هنا على حسابك ولا ايش الموضوع انا مالي فاهمو مرة والله الصراحه شي يقههههههر
ما اقول الى حسبي الله ونعم الوكيل فيكم وتراني مالي مغصوب على الموضوع لكن بحطو وبفتكم منكم هذا الجزء الاول لكم والجزء التاني باذن الله للاعضاء المحترمين وحيكون كلو من تاليفي انا وصوري انا وسوري اذا اطلت عليكم او كتبت شي مو لايق لكم لكن والله من القهر الللي فيني ومسحت كل الرسايل اللي عندي علشان يبعدو عني وابعد عنهم ونبدا بسم الله وسوري على الاطاله

نصيحة مني حاول تجنب هالاشكال بكل ما تقدر وابسط طريقة لا ترد عليه خليه الى ان يمل قال شايف نفسك بيقول الى يقوله
لان انت حر حبيت تكتب المعلومات الي عندك لو حبيت تحتفظ بها
وجزاك الله خير على الموضوع

[aboOode-80]

مشكور اخوي على ردك الجميل وانا مثل ما قلت مسحت الرسايل علشان يبعدو عني

[alpina]

معلومات و طريقه مفيده جداً

تقبل مروري

[zikas10]

السلام عليكم..
أولا كتابة المواضيع فضلا لا أمرا
ولا يحق لأحد معاتبتك على ذلك...
ومكشوور أخي على الموضوع
و المجهود الجميل الشخصي في الوقت
الذي صرنا لا نرى فيه سوى المواضيع المكررة والمنقولة ..
وحبذا لو كان الموضوع باللغة العربية حتى يفهمه الجميع..
وبالتوفيق..

[im-alone]

مشكووور ع الموضوع اخوي ..

بس تدريب البادجي البالغ صعب بصراحة ..
وانت ما شاء الله عليك ..

وما عليك من هالاعضاء اللي يستفزونك اخوي ..

وبانتضار الموضوع الثاني ..وبالتوفيق ..

[Budgie Lover]

معلومات مفيدة جدا وقيمة مشكور اخوي وماقصرة وننتظر الدرس التالي

بارك الله فيك وجعله في ميزان حسناتك

[xkiller]

مشكووووووور على الموضوع.لو قمت بتكبير الخط لكان أفضل.و تقبل مروري أخي

[aboOode-80]

جزاكم الله الف خير وانتو كدا شوقتوني اني احط الجزء التاني في اقرب وانسب وقت لي لكن هذا الموضوع كنت كاتبه وانا مالي مرتاح فاعذروني ومشكورين على الملاحضات

[بهاء عبد الجواد]

مشكور اخي على الموضوع الرائع و الججميل حقا وبارك الله فيك
وانت ما عليك من من يسشتفزك وننتظر الجزء الثاني وتقبل مروري