ايش اسوي ؟؟؟

[M!ss LoLo]

السلام عليكم ورحمة الله وبركاته


كيفكم اخواني ؟؟؟


ان شاالله طيبيين


المهم انا عندي استفسار عن تزاوج الهامستر


قبل يومين اشتريت هامستر ذكر للانثى الي عندي


الانثى اكبر من الذكر اقدر احطهم مع بعض ؟؟؟


ومتى احطهم ؟؟


انا قريت في منتدى انو بعد شهر


وامس حطيت الانثى في قفص الذكر وكان يجري وراها وهيه خايفه منو قمت شلتها من عندو


واليوم حطيتو في قفصها خافت في البدايه بعد كدا هديت ولا سارت تتحرك خفت عليها تكون ماتت


قمت شلتها عنو وواحد فيهم بيطلع صوت غريب


وسارت الانثى تروح وتجي في القفص


ماني عارفه ايش اسوي خايفه ؟!


ساعدوني وجزاكم الله خيراً

[عالِم الهامستر]

نعم اختي طالما ان الانثى في فترة التخصيب ستقبل الذكر حتى ولو كان اصغر منها

ولكن لا يجب ان يكون صغير عنها بكثر فقط بايام مش اكثر من اسبوع يعني

وتحطهم مع بعض ما بين فترة المغرب والعشاء اي ما بين الساعه 5 الى 7 واذا لم يتم التزاوج

اعيدي الكرة مرة اخرى الساعه 11 بليل وان شاء الله سيتم التزاوج واذا لم يتم حاولي اليوم الثاني والثالث والرابع

لا تيئس/ي اهم شي الصبر وعدم التسرع

ولا تحطيهم في قفص واحد منهم لان ذلك يسبب مشاجرات في بعض الاحيان

وتقدري تجيبي لهم كرتونه مساحتها كويسه وتكون ارتفاعها مناسب كمان

وبعد ذلك زي ما قلت في فترة التخصيب الي ذكرتها من قبل تحطيهم الاثنين في الكرتونة وان شاء الله يتزاوجوا

اهم شي الصبر وعدم اليئس

عالِم الهامستر

[M!ss LoLo]

جزاك الله خير اخوي

بس عندي سؤال

لازم احطهم في كرتونه ؟

لانو قبل كدا حطيت الانثى في كرتونه اكلتها

وبعدين الانثى ما اعرف كم عمرها

والذكر سألت صاحب المحل قال عمرو 5 اشهر

ولمن حطيتهم مع بعض الانثى عملاقه جنبو

كيف الحل ؟؟؟

[عالِم الهامستر]

لا لا مش شرط اختي في الحجم عند الذكر والانثى

الذكر عادة ما يكون طويل ونحيف بعكس الانثى التي تكون عريضة وقصيرة عنه

اما بالنسبة للكرتونه ما تتركيهم فيها

وانتي واقفه لو ما تزاوجوا انقليهم الى اقفاصه مرة اخرى

او اذا كنتي قلقه حطي الذكر عند الانثى في قفصها ولو حصل تزاوج خليهم لما يخلصو بس احرصي انك تكوني واقفه عشان ما يتشاجرو في النهاية والوقت للتزاوج من 20 الى 40 دقيقة في خلال هذا الوقت يكون التزاوج تم

واذا حصل شجار بسبب وضع الذكر في قفص الانثى وكنتي قلقه من الكرتونه تقدري تجيبي اي علبة بلاستيك وتكون كبيرة بحجم الكرتونة الي انا قلت عليها قبل ذلك وتراعي الطول والعرض والارتفاع عشان ما يهربوا منها

اي سؤال انا حاضر

عالِم الهامستر

[M!ss LoLo]

يعطيك العافيه اخوي

طيب كم يوم احطهم مع بعض ؟؟؟

لانو قريت في منتدى اني اخلي الذكر مع الانثى مدة 9 ايام وبعدها اشيلو من عندها خلاص

هل صحيح دا الكلام؟

[عالِم الهامستر]

اختي لكل مربي طريقه في التربية وانا بقول لك على الطريقة الصحيحة

منعا للشجار بين الهامستر او اكل الهامستر لصغارها بعد الولادة

زي ما قلت لك

وانتي واقفه لو ما صار بينهم تزاوج شيليهم وحاولي اليوم الي بعده وكذا

ولما تحطيهم اصبري عليهم شوي 10 دقائق او 15 دقيقة لو ما صار تزاوج بينهم او حدث شجار

افصليهم وحاولي اليوم لي بعدها وكذا

واذاظليتي هيك لمدة اسبوع معناتو الانثى رافضه الذكر وحاولي انك تغيريها اما الذكر كويس 5 شهور حلو كتير للتزاوج

وممكن الانثى هيا الي تكون كبيرة في السن وغير قادرة على الانجاب بسبب تقدر سنها

[M!ss LoLo]

جزاك الله الف خير اخوي

[عالِم الهامستر]

العفو واي سؤال انا موجود

[M!ss LoLo]

السلام عليكم ورحمة الله وبركاته


اخوي حطيت الهامستر زي ما قولت في البدايه شوفتها كانها مستسلمه قاعده في مكانها ما تتحرك


ولاحظت ديلها يكون مرفوع


خفت عليها لا يكون سارلها شي قمت شيلتها وحطيتها في القفص


سارت تطلع صوت غريب كانها تزعق وتروح تجري في القفص كلو


تاني يوم حطيتهم مع بعض زي ما قولتليي احسها تشرد منو وما سار شي


بعد كدا حطيتهم تاني احسها خايفه منو لدرجة انها تحاول تتسلق الكرتون ولمن يقرب منها تضربو وتعضو


دحين فصلتهم يومين ورجعت حطيتهم ونفس الحال


انا ماني عارفه ايش اسوي ؟؟؟ هل هي كبيره خلاص ما تنفع للتزاوج ؟؟؟ ولا ايش ؟؟؟


المشكله اني ما اعرف عمرها


جزاكم الله خير

[عالِم الهامستر]

لا لا اختي انتي غلطتي لما شلتيها اول مرة من عندو
اختي لما تشوفي الانثى وقفت في مكانها ورفعت ذيلها لفوق
هيك بتكون هيا منتظرة الذكر وبعدها يدحث التزاوج وتفصليهم عن بعض
الحين انتي استمري على هاي الطرية وفي نفس الوقت لاي انا قلت لك عليه
وكون ان الانثى صارت تزعق وغضبت لا شلتيها انها محتاجه تزاوج وفي هاي الحاله بتكون الانثى في فترة تعرف بـ (فترة الشبق) ولكن انتي ضيعتيها هههههههههههههه
يلا خيرها بغيرها انتي استمري زي ما قلت لك وقوليلي شو صار معاكي