احتباس البيضه

[مربي مبتديء]

السلام عليكم


الرجاء من أهل الخبره مساعدتي



عندي نثية حب ألبينو وأخاف تروح علي .


اليوم شفتها في الأرض ومنهكه وتتنفس بسرعه وما تتحرك أبد . رفعتها وشفت ان البيضه محتبسه وما أدري شنو الحل ؟


تحياتي للجميع وأتمنى الرد بأقصى سرعه من ذوي الخبره

[ابو هاني]

اخي شيل النثيه بروحه وحطه بقفص بدون الذكر وشغل ليه لمبة صفره عشان يكون عنده الجو دافي
ودفي ليه قليل زيت الزيتون وذلك المنطقة بهدواء بزيت وحط الاكل جنبه والماء حت تاكل ولاتزعجه حتى لاتتحرك كثير وتنكسر البيضه وانت تدلكه شوف كيف وضع البيضه يمكن البيضه مفتره

انت استخدم الزيت وانشالله راح تستفيد
وانشالله اذا خرجت البيضه حاول ماترجعه على طول الى الذكر خليه ترتاح كم يوم



تحياتي

[مربي مبتديء]

السلام عليكم


هلا بيك أخوي هاني وتسلم حبيبي على الرد المفيد ولكن للأسف النثية الألبينو راحت علي وماتت


يالله الحمد لله على كل حال والله يعوضنا انشاء الله.


بس عندي استفسار ثانث الله لا يهينك حبيبي وهو:

في العش في 6 بيضات وصار لهم تقريبا شهر والحين خليتهم في عش ثاني حتى تحضنهم النثية ويمكن يفرخون .

بس استفساري هو شلون اعرف ان البيض فاسد ؟ أي بعد مضي شهر ؟

مع ان النثية اللي ماتت هذي المره الثانية اللي تحتبس البيضة عندها وما أدري هل كانت تحضن البيض أو لا .


هل في احتمال ان البيض يفرخ ؟ لأن ما عندي فكره عن البيض الفاسد .


تحياتي لك واتمنى ترد علي بأقرب وقت يالغالي.

[ابو هاني]

اخي احتباس البيض يكون من التشحيم الزايد في الطير او زياده جرعة الكالسيوم والفيتمينات
فتعمل في تكبير حجم البيضه

والبيض شيك عليه جنب لمبة صفره قوية ارفع البيضة جنب اللمبة وطالع في البيضة
اذا كانت البيضه صافيه يكون البيض مو معقد واذا كان فيه شعرات دموية يكون معقد

انت نقلت البيض جنب زوج ثاني صح اهم شى حطيت علمه على البيض عشان تعرفه


تحياتي

[مربي مبتديء]

السلام عليكم


تسلم اخوي ابو هاني وأشكرك للمساعده ومن طيب أصلك .


يعني اذا شفت شعيرات دمويه يعني البيض سليم ومخصب ؟

وبالنسبة للبيض أنا عندي زوج لوف بيرد عادي باض 6 بيضات وشلتهم كلهم بدون ما يحس وحطيت بيض الألبينو وبيض اللوف بيرد العادي وزعته .

أنا أسوي هذي الطريقة وقت الطواريء وكنت حاط بيض طيور هند في عش لوف بيرد و فرخو والحين كبرو ماشاء الله بس للحين ما طلعو من العش .


تحياتي لك يالغالي

[ابو هاني]

كويسة طريقتك اهم شي يكون تاريخ وضغ البيض متقارب ىانه في بعد الازواج اذا طوال البيض ومافقص
راح يبيض مرة ثانية


انت تخلي لف بيرد ياكل طيور الهند ؟؟؟

[مربي مبتديء]

ابو هاني شكرااا جزيلا وجزاك الله ألف خير


وبالنسبه لسؤالك انت تخلي لف بيرد ياكل طيور الهند ؟؟؟


هههههههههه لا يالغالي وش شايفني قاسي قلب؟


الله يسلمك انا كان عندي نثيه ماتت غرقت من المطر وكان عندها بيض وقمت خليت البيض في عش لوف بيرد وفقس عندهم وللحين عندهم ومهتمين فيه داخل العش ويعطونه اكل .




تحياتي لك وأشكرك مره ثانية