عتريس..والخُراج..(صور)

[توازن]

السلام عليكم

اول شي

يا حسرتي على عتريس حبيبي

مريض
اليوم الساعة 3 العصر

كنت العب معاه كالعادة

واستغربت لقيت خدة مورم

وكانه بالع كورة بخده

ظغطت عليها بشويش

(اخد الايمن)تعور ونط من يدي يا مسكين قلبي يوجعني عليه

تركته

وجيته بعد الفطور ولقيته خامل وخده صار اكبر وعينه اللي فوق خده تدمع اهئ اهئ اهئ

.

جيت ابي امسكه عصب وعضني

قلت لاخوي ممكن توديني البيطري قالي لا بكرة

وبعد محاولات اقناع وافق
ورحت ودخلت عنده الدكتور

ماشالله سوداني طولي مرتين ونص

ومسكه من اذانه مصعهن الله يمصّع اذانه

وقالي عند خراج ووراني الخراج (اول مرة ادري انه يجي للهامستر

لونه لون الحم بس انه ازرق عالخفيف

وحطله قطرتين عالخراج

وعطاني كيس بودره صفرا

وقالي حطيله نص ملعقه بالمويه

وكلفني كله على بعضه 10 ريال

وطول الطريق عتريس ناااايم نوم جنه منصرع

واول ما رجعنا وشم ريحة قفص فرح ودخل ونام 6 ساعات وانا من نفسي من مو الدكتور
قلت اليوم بلاش اكل جاف علشان لا يتعور الخراج ص كلامي ولا فيه انا
وصحي قبل شوي ومزاجه زي الزفت



ما عد يطيق اي احد

والخراج خف شويه

فا اذا عنكم كلام ثاني يفيدي

بليز لا تبخلو علي..

وادعو لعتريس بالشفاء العاجل
.........................................................................................

كم صورة من المحل

ماشالله هالمحل سوبر ماركت حيوانات

راكون


والكافي


وعندهم هامسترات سوري تهببببببببل الوانها حلللوة وشعرها طويل(اسود ابيض ذهبي...)
بـ(60) ريال


وعندهم جنجلا بـ( 1600 ) ريال يعني 150 دينار كويتي يعني 400 دولار تقريبا

وشكرا لكم آسفة عالاطالة