اتحداكم لو قلتو انكم فاشلين بالأنجليزي بعد هذا الدرس ^_^

[الكنق]

موضوعنا اليوم حلو مره....يالله ركزوا معي...

ازعجونا في اللغه وهي سهله بس المشكله, فقعوا روسنا بالقواعد والفاعل والمنصوب والناصب والحرامي

لكن انا جيتكم وبعلمكم بدون وجع


لكن انا جيتكم وبعلمكم بدون وجع راس يالله نبدأ:



افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,

i = معنها = انا

هل تحب جبنة بوك= لاحظ بوك بس نوع فاخر +بوك= book = كتاب

هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم

هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟

الجواب: فار مر

فار مر ,,,, معنها مزارع ,,,,, ككك; farmer <<<< مزارع

من مايعرف الرئيس ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدار تقول= ادفع الباب او دف الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill

مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين) مين مين مين

mean = مين = تعني = معنى = او قصد = كأنك تسئل وش معنى كلامك او وش قصدك

مثال: تسئل واحد وش قصدك ؟ what do you mean = وات دو يو مين

كلمه ثانيه:

وعلى فكره كلمة = com الي تشفونها في الرابط = تعني = شركه = وهي اختصار كلمة = company

تسمعون البزر يقول الى امه : ماما يالله قوه البيت = قوه قوه = ياقليب قليبوه

المهم واضح معنها لكم :

go = كوه = قوه

يالله نروح= let is go = ليتس قوه

كف = فيه احد ما جاه كف على وجه ؟ انا بصراحه تصفقت لين دخت

كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم

محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم

مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر



باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي

يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل

او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو

bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟

بلوتوث تعني = الناب الأزرق = او لو حبيتوا نقول الضرس الأزرق ماشي,

بلو= blue = ازرق

توث= tooth =الناب او الضرس

هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك

سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر

فار = مخلوق نذل يصعب مسكه الى اذا جبت له قطو

فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very

يعني تقدار تقول= u are very far =يو ار فيري فار = على كيفكم

ني = اللحم ني او الدجاج مو مستوي ني

ني= knee = معنها = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم

كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه طيب وش رايكم ؟؟

م.ن.ق.و.ل

للأستفاده

[*عاشقة القطط*]

وربي موضوووووع خطيييييييير

تعلمت منه كلمه

والباقي احفظه بعدين خخخخ

مشكووووور على الموضوع الخطير

[قطة الأحلام]

صراحة موضوع في غاية الروعة


و اللي عجبني في الموضوع

التدريس بطرق ابداعية صراحة حمسني مرة

ياريت المدارس يسولنا دروس بطرق ابداعية مثل هذي

تشوقنا للفهم والدراسة

مشكور أخي الكريم

::مياو::

[عديل الروح]

يسلمووووووووووووووو
موضوع جميل

[شقآوه]

صراحه موضوع مره مفيد

تم الحفظ


ويعطيك الف الف عافيه



لاعدمنآإك

[$ waleed $]

خخخخخخخ
والله تعلمت خخخخخ

[الكنق]

مشكوووورين كـــل اابو ابوكم


وواشكر كل من دخل وعلق ع موضوعي

[ملك الكروان]

مشكور يالغالي ماقصرت والله ابدعتنا بارك الله فيك

[BiG MaMa]

والله موضوع جبار واحلى شي فار مر ههههههههههههههههههه

[مربية قطط]

الموضوع من جد رااااااااااااااااااائع واكثر من رائع بعد مشكور اخوي والله يعطيك الف عافية