اشترك في نشرتنا البريدية ليصلك كل جديد

عآآشق الهآمستر · 15-09-2009, 07:32 AM

بسـم الله الرحمـن الرحيم

السلام عليكم ورحمت الله وبركـاته
كيف حـال الشبـاب

إنشاء الله طيبين..؟

المهـم اليوم واحنا راجعيـن من بيت خوالـي

..جينا عن الباب..ماودي افتح قصة

المهـم جتنا قطوة مسكينة والله نحيفة عمرها صغيره وشكلها مابلغت يعني 5\4 اشهور
نححييفة مرره الصرآحـة بغيت انهبل يوم اشوفها وهي كل شوي..تمؤو..مياومياو

والمسكينة نحيفة مرره

قالت لي امي جب لها اكل قلت طيب..يوم جيت طالع والقاها المسكينة عند زمالة الجيران تدور اكل والله انهبلت يوم شفتها

..مسكينة تدور على بيت بيت

جبت لها الاكل وكانت الساعة تقريباً 1:20 وكانوا المساجد بيقيمون علشآن القيـام

ويوم جينا نودي امي لم المسجد القـى المسكينة قد انطردة من قطة آخرى يعني جت قطوة وخذت اكلها

اقسم بالله انقهرت بغيت اذبحها لو إني مب في السيـارة وزعلت

واليوم جيت اعلمكـم عن موضيعي مع القطـة هذي والصرآحـة ماعرفت نوعها ولا شيء ومسكينة طالع عظمها الفقر في ظهرا المسكينة

ابغا منكـم اكل يسمنها شوي وفيتامينات واليوم الفجر وانا راجع من المسجد مالقيتها..عند الزمايل ولا
شيء
واقسـم بالله مأسات هذي لقطة محد يشوفها ولا شيء وقطوت سواق جيرانا منتفخة ذي الدبا

..ياليتكـم تطوني اكل سهل وخفيف ومايحتاج طبخ وإنشاء الله إذا لقيتها اليوم بإذن الله ابخليها تجي عندي البيت..بس ماتدخل وابهش كل القطاوة إلي عندها إنشاء الله

والصرآحـة هذا اول موضوع لـي وش رأيكم فيه ولي موضوع ثآنـي إنشاء الله

..عآآشق الهآمستر..

تحيتي

azizunder · 15-09-2009, 07:54 AM

اخوي اول شي جزاك الله خير على اهتمامك هاذا
ثاني شي
اذا تبي اكل خفيف وما ينطبخ
عطها حليب
وجبن
وحط خبز مبلل بمويه
واذا اذا قدرت تسلق بطاطس ترا البطاطس زين
وانشاء الله راح يكون في ميزان حسناتك

عآآشق الهآمستر · 15-09-2009, 07:59 AM

اقتباس:

المشاركة الأصلية كتبت بواسطة azizunder

اخوي اول شي جزاك الله خير على اهتمامك هاذا
ثاني شي
اذا تبي اكل خفيف وما ينطبخ
عطها حليب
وجبن
وحط خبز مبلل بمويه
واذا اذا قدرت تسلق بطاطس ترا البطاطس زين
وانشاء الله راح يكون في ميزان حسناتك

وإياك إنشاء الله

بس الجبن اي نوع والحليب يكون معه مويه دافيه نص صح؟
آمين وإيآكـ

عسآنـي القآها الحين الله يعين بس
شكـرـاً اخوي على ردكـ تحيتي لك

azizunder · 15-09-2009, 08:05 AM

اقتباس:

المشاركة الأصلية كتبت بواسطة azizunder

اخوي اول شي جزاك الله خير على اهتمامك هاذا
ثاني شي
اذا تبي اكل خفيف وما ينطبخ
عطها حليب
وجبن
وحط خبز مبلل بمويه
واذا اذا قدرت تسلق بطاطس ترا البطاطس زين
وانشاء الله راح يكون في ميزان حسناتك

الجبن المثلاثات العادي
بس الحليب لازم تخففه

pinky · 15-09-2009, 08:16 AM

طيب انت خذهاا لبيتكم واكلهآ وكل شي

وربييهآ خيووو اذا أهلك موآفقين تكسب اجرهآ ..

والله يجعلهآ في ميزآن حسناتك يارب آمـــــييين

Octopus · 15-09-2009, 01:48 PM

طيب ممكن صورة لها

miss meaw · 15-09-2009, 03:07 PM

اعتقادي انها بلديه لأن البلديين كذا
وبالنسبه للأكل فالأكل المعلب افضل
و الحليب والماي هذ اكثر شي اقدر افيدك فيه

Luis · 15-09-2009, 04:14 PM

لا يا ميس مياو..المعلب مضر..

سو اللي قال لك عليه عزيز..

وبالبدايه..دامها جوعانه..وشكلها

ما أكلت من زمان..حاول بأول الأيام

كل 5 ساعات تأكلها شي..بعدين

قلل من الوجبات..خلها 3 وجبات باليوم

فطور من 7 - 9 غداء من 12 - 2 عشاء من 7 - 10

انا كذا اسوي مع قطوتي..

عآآشق الهآمستر · 15-09-2009, 07:17 PM

المشكلة ماعندي كاميرة اصورها
طيب احطيها الجبن المثلث و الحليب الخفيف..المشكلة اهلي مو موافقين إنـي احطيها في بيتنا..):
,,
تحيتي لكـم واشكركـم على المساعدة وإنشاء الله برد لكـم خبر عنها

..عآآشق الهآمستر..

عآآشق الهآمستر · 16-09-2009, 02:22 AM

هلا بالشبـاب

اليوم رجعت واشوفها عند زبالة المسكينة): تدور اكل

يوم حاولت اناديها سفهتني ولا كأنها درت عندي ولا التفت ولا تمؤو ولا شيء؟؟..والاحظ إلأا ومعها بيبي!! انهبلت وش لون تركت اولادها ورآحـت تدور آكل لها سبحـان الله والله شيء غريب ومحير..كيف ماعرفتني..وش لون ضحت بنفسها علشآن لقمت عيش لها..وش لون تركت بنتها او ولدها!!..شيء غريب

ما اقول إلا سبحان الله العظيم