ببغائي صار يعض

[azeez]

السلام عليكم
اخباركم عساكم بخير ان شاء الله
انا شريت ببغاء كاسيكو الافريقي قبل شهرين وكان شبه أليف وأول شي سويته معه جوعته حتى اجبرته انه يوقف على يدي وتصدقون ياشباب في اقل من يومين صار يوقف على يدي ثم بعدها صرت أكله بيدي لمده اسبوع حتى صار من شد حبه لي اذا جيت اطلع من البيت يعطيني انواع التصفير يقول يعني لا تطلع وإذا رجعت اول ما يشوفني يصفر ويهز براسه بس الايام هذا زاد عنده العض وعض قوي كل ما قربت له يحاول يعضني واذا شلته على يدي يعضني ولا ادري وش غيره مع العلم انه ماتغير عليه الروتين اليومي

وينكم يا أهل الخبره شوفوا لي حل الله يخليكم

[fesall]

جم عمره

ترا الطير يتغير بمرحله البلوغ وتاخذ هالفتره من شهرين الى 4 اشهر ويرد على وضعه الطبيعي

[السراااااب]

اذا عضك بقوه طقه عشان يتعلم

[azeez]

الف شكرا على ردودكم الغاليه
بالنسبه لعمره سنه واربعة شهور
وبالنسبه للضرب والله يا اخوي ماقصرت فيه اول كنت اذا عضني قلت له لا بصوت عالي وبعصبيه بعدها كل ما عضني ضربته ضربه خفيفه مره على ضهره ومره على راسه والله يستر لا يجيه ارتجاج في المخ هههههه

[Eclectus]

اخوي وضح اكثر نوع العضه لن البغبغاء يعض كل شي وفيه فرق بين العضات الفرخ الي عندي يعضني بس لعب مرات يعض بقوه بس لعب يعني يرض على اضبعي يدي بس مش لدرجه الام وكل ما احق راسه وانضف فمه من بقاي اكل الفروخ يقعد يعض بس كنه يقول تحك راس واحك يدك شي طبعي وما يعتبر عض

انت لا تخاف منه اذا فتح فمه لا تسحب يدك اذا سحبت يدك كنك تقول له انك تخاف منه وبكذا راح يزيد

اما اذا كانت العضه قويه وبطريقه نتش او سريعه معناته منجد يبي يعض هذي العضات الي تخوف

غير كذا لا تخاف اذا فتح فمه وقرب منك بهداوه حتا لو يجعر لا تخاف

بحاول ادور مقاطع فديوا تشوف فيها وش اقصد بكلامي

[n-b-n-b]

اخوي السراب كلامك صحيح..

انشاء الله اذا عودته ع الطق مايعض..

بالتوفيق..

مشكوور..

تحياتي

[naasooh]

لالالألأ تطق الطير
ومو بس ناحيه شرعيه.....................ز ترى الكاسكوو ما ينسى
أذا بتروض طيرك أدخل على موضوع العضو سمسار وراح يفيدك

[azeez]

يا اخوان الف شكر لكم
انا اتقبل كل العض بس لدرجة انها توصل لنزول الدم هذي صعبه شوي وبالنسبة للضرب مهما كان انا اخاف الله في الطير هذا لا حول ولا قوه له ويعتبر امانه عندي ومحاسب عليه يوم القيامه
ضربي له خفيف مجرد انه يفهم ان اللي يسويه غلط بس الاخ دلخ ما يفهم عجزت عنه مره يحك منقاره على يدي ومره يعض بقوه خاصه اذا تركت اصبعي داخل فمه يعني لازم اول ما ينوي يدبس يدي ابعدها بسرعة وبصراحة صارت يدي كنها شبك من كثر الخروم هههههههه

["مجرد علامة"]

حسبنا الله ونعم الوكيل ... تضرب الطير؟؟؟

والأخوان اللي يشجعون ضرب الطير .. اين الرحمة ياناس



الطير مايتعلم اي شي من الضرب وبالعكس تزيد عصبيته


وأولاً وأخيراً : الله سبحانه مايرضى بهذا

لو مانستطيع نكرم الطير ونحن حابسينه عندنا ، نكون كالمرأة اللي حبست الهرة

ملاحظة **** تاكد يا اخي الغالي دام الطير يعض اكيد انت مسوي غلط

قبل لا تقول ليش الطير يعض ؟ قل : انا ماذا عملت للطير

ربما كان يدافع عن قفصه ،
او خايف بسبب تغير المربي لملابسه او ساعته
او حتى يمكن اطفال مأذين
او ازعاج من مصدر ٍ ما

أبحث عن السبب ، والعض اسهل عادة يمكن ان يقلع عنها الطير بالتعامل اللطيف
وانصحك تقرأ موضوع الأستاذ " أبو محمد " عن العض
http://www.2zoo.com/vb/showthread.php?t=117364



وهذا موضوع للأخ جداوي
http://www.2zoo.com/vb/showthread.php?t=96637







ya rab 3afwak

[سياره بدون مكيف]

[QUOTE]اذا عضك بقوه طقه عشان يتعلم[/QUOTE]


ويــــــــــــــــــــــــــــــــــــــــــــــــــــــــــــن تطقه حراااام اخوي انت اكتسب الخبره وتعال رد زي الناس



بالتوفيق اختي
والاعضاؤ ماراح يقصرون معاك