ابي مساعدتكم ضروري

[golden]

السلام عليكم







امممم توني شريت قطوه عمرها 3 شهور و هذي اول قطوه لي و حاطها بالحديقه لان ممنوع تدش البيت بس اليوم كانت تماوء واايد و حسيت انه فيها شي فوديتها صيدلية لان كان الوقت متأخر
قالي فيها حراره و عطاها ابرتين قالي وحده حراره و حده حق مغص و قالي عطها حليب و سألت عن الاكل قالي البرازيلي نسيت شسمه بس بعد الابرتين صارت تعطس وايد و تغير صوتها يعني صار مبحوح الحين شنو اسوي ؟؟؟

[Octopus]

راجع الطبيب البيطري فورا
ومبروك بالقطة الجديدة ولا تنسى صور لها
وأتمنا يسعدوك الجميع

[pinky]

رووح طبيب ثآني أكووس من هذآ

[golden]

مشكورين على مساعدتكم و انشالله بروح
بس على الاكل شنو احسن نوع ؟؟

[sisi_moon]

الله يهداك مخليها برا ليش

على الأقل على الأقل حطها بغرفه في البيت او حتى برا البيت

اهم شي مكاان مكيف ونظيف

بتجي ايام حررر بتجي ايام غباار بتجي ايااام مطرر .. يعني حررام تاخذ ذنبهاا ..

و الأكل

احسن شي دجاج مسلوق مع بطاطس + دراي فود رويال كانون

[golden]

على الأقل على الأقل حطها بغرفه في البيت او حتى برا البيت

ودي بس اهي ممنوع تشم ريحة البيت شلون لو تفكر تدش

احسن شي دجاج مسلوق مع بطاطس + دراي فود رويال كانون

يعطيج العافية و ما تقصرين & مشكوره ع المساعده

[sisi_moon]

والله اخوي على راحتك

بس والله انا اقول تتم بدون قطوه احسن من انك تاخذ قطوه وتاثم فيها ..

يعني مهما كان هذي روح ومحتاجه بيئه تناسبها

..

حاول تقنع اهلك شوي شوي .. او اقترح عليهم انك تخليها بغرفتك الخاصه .. أي مكاان بس اهم شي يكون يناسب ..

اذا ماقتنعوا صرفها والله أحسن ..

[golden]

والله اخوي على راحتك

بس والله انا اقول تتم بدون قطوه احسن من انك تاخذ قطوه وتاثم فيها ..

يعني مهما كان هذي روح ومحتاجه بيئه تناسبها

..

حاول تقنع اهلك شوي شوي .. او اقترح عليهم انك تخليها بغرفتك الخاصه .. أي مكاان بس اهم شي يكون يناسب ..

اذا ماقتنعوا صرفها والله أحسن ..

مشكووره ع النصيحه و قاعد احاول اني ادبرها و انا مو ناسي انها نفس والله يعين
و مشكوره مره ثانيه

[! هاويه الطيور !]

بسم الله


الحين انت وديتها للصيدلي ؟ بدون الدكتور ؟
اهو صحيح الصيدلي يعرف بس لازم دكتور


والي انعرفه الحراره تكون القطه خامله ماتتحرك كلش وكل وقتها نوم ولا تاكل


وبعدين ماشاء الله جونا بالكويت الساعه من بدايه 10 لـ الساعه 4 ونص " نـــــــــــــــار "


وحرام شكل القطط الزينه بالشمس راح يخرب شكلها ويطيح شعرها

وشكلها راح يتغير بسبب الغبار


.
.

على الاقل اذا مو وافقين لو تشوف غرفه على الاقل لو مع السايق تتفق معاه ويحطها داخل


.
.

بخصوص الصوت ماالومها لانه وايد تلهث وتماوي لازم تكون عندها وبماكن بادر وزينه لها


وان شاء الله يارب يوافقون اهلك وحاول تكلمهم وتقولهم القطاوه ماتوسخ وفي عده طرق


.
.


بخصوص الاكل مافي احد من " سوق اليمعه " في صف كله يبييعون اقفاص الحمام والدياي

في محل واحد كل شي فيه شكبر بيوت وادوات وصحوت والعاب إلخ حق القطط


وفي محل واحد برآ سوق اليمعه اسمه " الروافد " ويمه صيدليه بعد للحيوانات وممتُاز



.


مبروُك عليك القطوه
وان شاء الله يارب يوافقون

[golden]

وديتها حق دكتور و طلع فيها نشله و الحمدلله الحين قاعد اتعالج
انا نسييت اقولكم انه الحديقه فيها شجر واايد و ظل و خلاص الحين حطيتلها بيت داخل غرفه بس تنام فيه بالليل ههذا اللي قدرت عليه الحين و انشالله مع الايام راح تصير قاعده بالبيت على طول بس اهلي مو مايحبون القطاوه بس خايفين من الثعلبه
و شكراا على المعلومات يا هاوية الطيور
تحياتي لكم ...
باااي...