ياناس شكله انضحك علي بطيري

[بندولة حب]

السلام عليكم .. عندي استفسار واتمنا منكم المساعده وما تفشلوني لان هذي المشاركه الاولى لي باالمنتدى ,,امس اشتريت طير امزون صاحب المحل يقول ان اسمه بلوفر وعمره ثلاث شهور توه صغير وشتريته ب 900ريال سعودي وطبعا سويت بحث عنه ودورة صوره له بقوقل بس للأسف احصل اسم الطير ولاكن صورة الطير تختلف الاقي امزون بمنقار اسود واللي انا اشتريت منقاره اصفر وريشه اخضر غامق واخر رقبته ريش خفيف ازرق ياالله يبان انا حطيت صورته لكم باالصوره الرمزيه لاني عجزت انزل الصوره شوفو الصوره وخبروني وش القصه هو صاحب المحل ضحك علي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[كاسـ jeddah ـكـو]

اخوي اذا تقصد اللي بالصوره الرمزيه الحاليه فهذا مو امازون ..!

هذا نوع من أنواع الدره وهو الأمريكي ويسمونه " الكسندرين " ( alexandrine ) بإمكانك تبحث عن اسمه بقوقل يمكن اكون غلطان لأن الصوره صغيـره وماتبين ،،

وللمعلوميـة .. مستحيل تحصل امازون بهذا السعر حتى لو أنه غير أليف وكبير بالسـّن ..

لكن ياليت تنزل صور أوضح من كذا وأكبر حتى يبين الطيـّر ،،

[بندولة حب]

لا حرام كذا وش تقول انت لامو من انواع الدره انا عندي دره ولا هب يمه لاتستعجل كذا باالرد وتغثني اكثر

[كاسـ jeddah ـكـو]

المشاركة الأصلية كتبت بواسطة بندولة حب

لا حرام كذا وش تقول انت لامو من انواع الدره انا عندي دره ولا هب يمه لاتستعجل كذا باالرد وتغثني اكثر

يالغالي انا ماقصدي أزعجك إو اضايقك بالرد ..

لكن هذا اللي أشوفـه ..!!

ياليت تضع لنا صور أوضح حتى يبين ،،

إو أنك تبحث بقوقل عن إسم الطير اللي حطيته لك بالمشاركه الأولى وتشوف طيرك هو مثله أو لا ،، لأنه بصراحه الصوره الرمزيه صغيره ومن إتجاه واحد صعب التحديد

[دمع الوفا]

اللي بالصوره الرمزيه حاليـاً .. ببغاء الدره
وعندي نفس الببغاء انا ونفس الشكل ولو تبي صور حطيتها ..
عمره 3 شهور .. شوفي على جناحه فيه نقطه حمرا أو لا ؟؟

[دمع الوفا]

للأسف لعب عليك ..
دامه محل ماهوب شخص اللي باعه ارجعي له
وخل احد يروح معك ^^ لك حق ترديه لانه نصب عليك
وقولي ببلغ عنك الشرطه ..
وش ذي ناس ما تخاف الله :S

[بندولة حب]

لا ماعلا جناحه نقط حمرا الحين غيرت الصوره ارجعو تأكدو

[بندولة حب]

طيب ممكن تنزلون لي صور عشان اتأكد تكفون

[كاسـ jeddah ـكـو]

اخوي طيرك مثل ماقلت بالرد الأول انه الدرة الأمريكي ،، واضح من كبر المنقار عنده ..

وعلى العموم السعر اللي انت اخذته فيه هو قيمته تقريباً ومبين على الطيـر أنه فرخ ويستاهل السعر ..

ولو ماحبيت الطيـر .. تحمد ربك انك خذيته من محل وروح رجعه غصب عليه وفوقها حبـه رإْس لأنه للأسف ضحك عليك وعطاك شيء غير اللي يقوله ..

وللمعلومية تراه ببغاء رائع ومتكلم أفضل من الدره الهنديـه ..

[بندولة حب]

مشكور اخوي بس استفساري هو ان هذا الطير يتغير حجمه ويكبر مع الوقت وطلاقته باالكلام اقدر اقارنه بالافريقي وسعره كم ياصل اذا كبر واتمنى تنزلي صوره لاهنت كثرتها عليك بس والله اني انخبصت حسبي الله عليهم