طريقة للاستحمام ... ابي رايكم !!

[M a Y e D]

السلام عليكم ورحمة الله وبركاته

بما ان فصل الصيف وصل والحر انتشر فصار لازم الواحد يدور شي ينعشه وينعش طيوره واحلى شي للواحد فينا قوطي بااااااااااااااااارد

بس الطيور يبالهم حمام منعش

بس المصيبه ان الطيور اللي عندي عندهم عقده من الماي وخصوصا الملسونه اموووووون

جربت معاهم المرش وما نفع ، اموووون صارت من تشوف مرش الماي كانها شايفه رشاش كلاشنكوف تشرد بعيد واذا رشيته تصارخ

والاخ حنفي نفس القصه بس الحمد لله ما يصارخ بس يشرد واذا رشيته بمرش الماي يقعد يهز راسه كأنه يتمصخر علي ، أحس ان فخاطره يقولي " هذا اللي قدرت عليه "

على العموم جربت معاهم ان احط لهم طشت عريض فيه ماي وبعد ما نفع، ورشيتهم بخرطوم ماي الزرع وبعد ما نفع اللي يشرد يمين واللي يشرد يسار ، كل واحد منهم يقول " سنفرو بارواحكم " وفي الاخير طلعت انا شرشبيل

اليوم خطرت لي فكره من بنات ولد عم خالت افكاري " المهم الفكره تقربلي لانها من مخي "

يبت سطل بس هالمره مرتفع وايد وعبيته ماي للربع وهذي صورته



وبديت في حنفي افندي ونزلته في الماي وهاي صورته



وراعيت ان الماي يكون قليل يعني يوصل لين صدره بس عشان ما يوصل الماي لراسه.

وهاي صورته وهو يسبح سباحه حرة



بعدين نزلت الانسه امووووون وطبعا الطير اول ما تنزله يكون خايف شوي لان الشي غريب عليه وثاني شي ان وسط الماي، مب مشكله مدام ان الماي قليل ولازم تكون واقف على راسه عشان ما يغرف في شبر ماي وهاي صورة امون



وهاي صورتها وهي تسبح فراشة



خلاص بس، عيب عليكم قاعدين تشوفون امووون وهي تسبح، بس خلاص لان حنفي كاسكو حمش ويغار عليها وايد

وهني صورهم بعد الحمام قاعدين يتشمسون





وهذي هديتهم بعد الحمام عشان ما يزعلون لاني سبحتهم غصب



قصب سكر لانهم يحبونه وايد



والحين ابا رايكم هل الطريقة صحيحه ومع الوقت يمكن يتعودون على الماي والا لا .... اسئلة كثيرة تطرح نفسها امامكم واجوبه كثيرة تنتظر ان تسدح نفسها امام الاسئله

[سندباد]

ما شاء الله تبارك الله

روعه وخاصه الاستاذ حنفي واخواته الكرام

ربي يبارك لك

<<< اكتسبت معلومه جيده منك اخي الكريم

[سكر]

ما شاء الله تبارك الله

طريقه حلوة يا مايد

وسويتها مرة مع ببغائي سودان,, بس يخاف كثير من الحركة هذي

وقررت اني اروشه بالبخاخ,,, وبعض الأحيان تحت الدش,,,

وسبحان الله قبل ما أقرا موضوعك كنت اروش ببغاواتي بالبخاخ قبل شوي



تحياتي

[لوتيه]

هههههههههههههههههههههههههههههههههههههههههههههههههههههههههه
سفااااااااااااااااااااااااااح شو رايحين غواصه الربع و لا شووووووووو
حليلهم والله لو كنت عندهم جان ظهرتهم و حطيت راسك فالبالدي
مساكين يستنجدون و لا من مجيب حليلهم بس لاحظت جناحهم كان يضرب فالطش
كان المفروض طش يكون دائري مش جذيه الانه حسيت جناحهم و هم يرفرفون يبون يشردون يضرب فالطش
لو كسر جناح واحد منهم يا سفاااااااااااااااح انا شتريت من دايسوو بخاخ بلاستيك فاضي و حطيت فيه ماي
و اتم ارشهم و هم فالقفص غصب عنهم بس احطهم في طش نفسك نوووو وي و مره اذكر
يوم كنت فالبحر حطيتهم تحت المغسل و شغلت المغسل عليهم شوي شوي و احط ماي
في ايدي و امسح عليهم و الخدامه تقول بعد انهم بروحهم يتسبحون في الماي مال الشرب
بس مش الكل 2 يتسبحن من شهر لين شهر ههههههههههههههه اما الثالثه وصخه ماتتسبح الا بالغصب مشكله ام حاله نفسيه

[كاجو]

الموضوع رائع والتصوير اروع الله يخليك ببغاواتك

لاكن أنا لايمكن أسوي هاذي الطريقه أخاف يغرقون

اسبحهم بالبخاخ أو في رشاش الحمام أحسن وبعدين صار عادي عندهم تعودوا مع الوقت ..

[شبزي]

الله يهني طيورك فيك
الصراحه طريقه حلوه ابحاول اجربها

[M a Y e D]

المشاركة الأصلية كتبت بواسطة سندباد

ما شاء الله تبارك الله

روعه وخاصه الاستاذ حنفي واخواته الكرام

ربي يبارك لك

<<< اكتسبت معلومه جيده منك اخي الكريم

مشكور اخوي وحياك الله دوم

[M a Y e D]

المشاركة الأصلية كتبت بواسطة سكر

ما شاء الله تبارك الله

طريقه حلوة يا مايد

وسويتها مرة مع ببغائي سودان,, بس يخاف كثير من الحركة هذي

وقررت اني اروشه بالبخاخ,,, وبعض الأحيان تحت الدش,,,

وسبحان الله قبل ما أقرا موضوعك كنت اروش ببغاواتي بالبخاخ قبل شوي


تحياتي

حلو يا سكر بس للاسف اللي عندي ما يحبون البخاخ ، وللطيور في ما يعشقون مذاهب

[M a Y e D]

المشاركة الأصلية كتبت بواسطة لوتيه

هههههههههههههههههههههههههههههههههههههههههههههههههههههههههه
سفااااااااااااااااااااااااااح شو رايحين غواصه الربع و لا شووووووووو
حليلهم والله لو كنت عندهم جان ظهرتهم و حطيت راسك فالبالدي
مساكين يستنجدون و لا من مجيب حليلهم بس لاحظت جناحهم كان يضرب فالطش
كان المفروض طش يكون دائري مش جذيه الانه حسيت جناحهم و هم يرفرفون يبون يشردون يضرب فالطش
لو كسر جناح واحد منهم يا سفاااااااااااااااح انا شتريت من دايسوو بخاخ بلاستيك فاضي و حطيت فيه ماي
و اتم ارشهم و هم فالقفص غصب عنهم بس احطهم في طش نفسك نوووو وي و مره اذكر
يوم كنت فالبحر حطيتهم تحت المغسل و شغلت المغسل عليهم شوي شوي و احط ماي
في ايدي و امسح عليهم و الخدامه تقول بعد انهم بروحهم يتسبحون في الماي مال الشرب
بس مش الكل 2 يتسبحن من شهر لين شهر ههههههههههههههه اما الثالثه وصخه ماتتسبح الا بالغصب مشكله ام حاله نفسيه

حياج الله اختي

[M a Y e D]

المشاركة الأصلية كتبت بواسطة كاجو

الموضوع رائع والتصوير اروع الله يخليك ببغاواتك

لاكن أنا لايمكن أسوي هاذي الطريقه أخاف يغرقون

اسبحهم بالبخاخ أو في رشاش الحمام أحسن وبعدين صار عادي عندهم تعودوا مع الوقت ..

حياك الله كاجو

بس في شو يغرقون يا ريال اصلا مستوى الماي يوصل للصدر