تدريب الكاسكو خلال اسبوع فقط

[سمساار]

المشاركة الأصلية كتبت بواسطة عا(الكاسيكو)شق

لون العين تقريبا اصفر عمره بين السنه الى سنه ونصف
حالة الطير غير اليف لكن خوواف ومايعض الا اذا خاف
جناح الطير انا ماقصيته بس الطير حقي مايطير
الطير انا موقفه على القفص والقفص محطوط على طاوله
ولدي طولت بال
ولدي الشجاعه بإذن الله

حياك الله
نبدأ التدريب باذن من الله
تبدأ تقلل الاكل الى نص الكميه اليوميه المعتاده وبعدها طلع الطير عالقفص وبدأ بتاكيله من ايدك بالبدايه ماراح يقبل ياخذ منك الاكل وبعدها راح يحس بالجوع وياخذ من ايدك الاكل ولكن للاسف ماراح ياكله راح ياخذ الاكل ويرميه طول بالك عليه شوي وكرر العمليه حتى ياكل من ايدك اذا تم النجاح المتكرر ابدأ امسح عليه بالتدريج كي يألف منك وكرر عليه الاكل والمسح وبعدها تبدأ تحط ايدك تحت بطن الطير وترفعه بالتدريج حتى يطلع على ايدك واذا طلع على ايدك رجعه عالاستاند مره ثانيه وكرر عليه حتى يحفظ التمرين واذا تم النجاح المتكرر طلع الطير على ايدك وابعد عن الاستاند مع المسح عليه كي لايحس بأي خوف ومن بعدها تبدأ تنقل الطير من ايدك اليمين الى ايدك اليسار وبالعكس مع التكرار واذا تم النجاح تبدأ بنقل الطير من ايدك الى ايد شخص ثاني وبالعكس حتى يجتاز الطير مرحلة التدريب كامله
اتمنى اني لبيت طلبك وقدرت اوصلك المعلومه بوضوح اتمنالك التوفيق



انا دائما بالخدمه