اشترك في نشرتنا البريدية ليصلك كل جديد

westlife · 29-07-2006, 11:54 PM

اخواني قبل يومين قطوتي سنوي تهاوشت مع قطوي الثاني وللاسف القطو جرح عين سنوي ياريت لو جرح بس حتى بط عينهاا
وعلطول وديتها عند احسن بيطري في الدوحه قالي انها انعمت كليا وان عندك حلين
الاول ان انعالج الالتهابات في العين لان فيها التهاب في العين قبل الهوشه (ولو عالجناها العين باكون حجمها صغير يعني اصغر من العين الثانيه)
والحل الثاني اهو عمليه اشيلون العين بالكامل واسكرون الجفون نهائيا
وقالي العمليه احسن علشان اذا العين حجمها اصغير من السهل ادش فيه الميكروبات
المهم انا اشوي واصييح

(يعني ابجي بالكويتي

) المهم انا قتله خلنه نبدا بالحل الاول

انتو اشرايكم؟؟

OnAsEs · 30-07-2006, 12:13 AM

هلا اخوي و وبصراحه انا رايي انها تنشال وتغلق كليا الي هو الحل الثاني لان لو صغرت بيكون شكلها ممكن طبيعي ولو عين صغيره وعين لا بس راح تسبب مشاكل بالمستقبل نفس الميكروبات و الوصخ يمكن يدخل يسبب لها شي ثاني فبرايي الحل الثاني الي اغلاقها نهايا

shanti · 30-07-2006, 12:16 AM

يستحسن اخذ راي طبيب ثاني للتاكد من العين قد اعطبت

بسووووم · 30-07-2006, 12:22 AM

هلا اخوي و الله زعلتنى على سنوي بس انا من راي شانتى وديها لواحد ثاني و اذا نفس الكلام عيل سوي العمليه مثل ما قال OnAsEs
عشان ما يدش فيها ميكروبات و سلامتها و طمنا عليها

westlife · 30-07-2006, 12:25 AM

انا قلت خلنه انجرب الدوا اذا تعالجت وقامت اتشوف الحمدلله واذا تعالجت بس العين اصغير والشكل قبيح باشيبها وبافتك والله مو مهم الفلوس بس انا ابيها ترتاح لانها عورت قلبي

انا بس بغيت اعرف في حد سوى او عنده معلومات عن هالعمليه؟