عرفوني بأسماء طيوري

[الورد]

مساء الخير لكم جميعا


اشتريت طيور في نفس حجم الزبيرا .. وفضلتها لأنها أرخص شيء ..

3 أزواج .. يعني 6 طيور

كل زوج مختلف عن الآخر بنوعه و لونه .. سعر الزوح 3 دنانير

منها ما يكون منقاره و ذيله أحمر .. والزوج الآخر صدره برتقالي ..
فالسؤال :

1 - ما هي أنواع طيوري

2 - هل الطعام المصور هو طعامها ؟


خاصة الطعام أرجو الافادة عنه .. الطيور يمر أسبوع ولا ينفد الطعام من الصحن .. بل إني اشعر أنها لا تأكل ... مع أن البنغالي قال هذا طعامها .. و أنا أخاف أكسب فيها أثم .


3 - الطيور ( تفح ) في الحر .. لأني وضعتها في البلكونة .. لكنها مغطاة بالكامل فلا تصلها الشمس

لكني أراها تفح كثيرا ..


أرجو الإفادة و الإرشاد


أخوكم الورد

.
.
.

[محب الزيبرا]

انا اقولك اعطيها فواكه احسن من الحبوب لانه فيها الكالسيوم وارخصلك


ارجو ان اكون افدتك

تقبل مروري

[m.n.a.n.g.h]

السلام عليكم هاذا الطيو رمقد مرت علي لاكن مثل ماقال الاخ اعطيهافواكه طيب اذا تبي يعني يطول عندك بالحر جب خيشه وبعدين ببلها مويه وجيب مروحه وحط الخيشه على القفص وبعدين جب المروحه وخلها على الخيشه وبيردن وبس وعن نوعهم هاذا مقد مر علي ارجو اني افدتك

[الورد]

جزاكم الله خير على النصيحة

أنا قريت كلامكم و حطيت لها عنب و رقّي .. بس ما أكلت ؟

شنو الفاكهة المقترحة ؟

و كذلك صورتها من جديد يمكن الصور الي قبل مو واضحة


















المشكلة في الطيور أنها لا تأكل ، يمر اسبوع و الأكل ما نقص إلا شوي

أنا ربيت طيور الحب و غيرها ، كانت تأكل بنهم .. أما هذي الطيور فأمرها عجيب

[مجوديMJM]

سلام اخوي انا اقولك حطلها تفاح او برتقال انت قطعها وحتها لهم

[صوغة]

حطها داخل البيت بزاوية

برا حررررررررررر مستحيل تتحمل

[زيبرا وبس]

انا عندي مثل طيورك بالظبط اي هذا اكلهم وسعرة بالكويت 5دنانير او اربع بس الحين انا ما قمت احصلهم في السوق

[زعيم البلابل]

شنو أسم الطيور ممكن أعرف شكلها حلو ما شاء الله

[salman-q8]

ماشالله


يتربون بعزج

اختي ليش ماتحطينهم داخل البيت يكون اهون لج


ونشالله تشوفين عيال عيالهم

[زيبرا وبس]

الورد اللي عندج نوعين من الطيور مو نوع واحد
ودشي جووجل وكتبي COMMON WAXBILL

هذا اسمة